Genesis 19:35 - Nobonob Baibel

³⁵ Nug anam a amu, dimppa tueb me, aa mamelah wain mettaeh, nuhig dabmak oh eɗitta ukke, aɗeg gehanu nug ele niipiɗ. Amge Lot nug haen amuppa ele kobol amu ohnu dabmak eɗitta ukkom.

Genesis 19:35 ပူးပေါင်းရင်းမြစ်များ

Genesis 19:34

Aria, wagɗe deɗ amuppa aɗeg tatamnu nug makkeg amegppa aum. “Antte! Tumai tuqan da mama ele niimuɗ. Tueb imu i baula hepuɗ, nug wain lab, na nug ele niiglah. Anam heta amu, i nuhigppa nid ele daaɗa, ig aab ikki ihinig humagnig,” awa aum.

Genesis 19:36

Lot aɗekuɗ aa kobol anam heya amu, aa aakku mamelahppanu oolah ele daapiɗ.

Sam 8:4

⌊Keeke amu oh am keeke okkainab; aria⌋ danab ah amu, ag am aɗi daatteb amunu, na ag dabmattanna daattem? Ao, danab bekkalkad, ag am aɗi daatteb amunu, na ag atognoadttem?

Prowerb 24:16

Aɗinu? Genab tutukku hak danab nug haen eblaih aɗit ele na qekkutai, amge nug eɗua ahakku; genab tutukku hak danab nug anam hette, amge nau hak danab ag uug naunab he, nauhtteb.

Eklisiastis 7:26

Da amu heinne, da imu anidmi. Ah laa nug uhui bia daatte amu, ooppa nug doɗ dilag pelem bia daatte. Ao, nug eppeg am danab qagakkunu sen bia daattep. Da nug danab ninig nau medatte anidmi; mauhak am ninig ele, amge ah amunu ninig mettak am mauhaknu ninig eɗidtte. Danab nug Kayak dim lamidtte amu, nug ah amu eppegppa ii daama; amge laa hipunin dim lamitta hette amu, nug ah amu eppegppa daakku.

Luk 21:34

Jesus Nug anam ana, Nug nai tuɗitta aum. “Keeke amu bekkun daatte amunu, ag daulag atieb, ag hanhan ee lanaknuib hik aqeb, le ɠagattag labeppeg, kaaka aqebeb, beɗu ena dayak amunu guattebeb hebeppeg, kobol amuib aha ag tonadmanu tutukku dabmeig! Kobol amu ag tonatteb, Naɗinu deɗ amu ag dab-ii-menana, pahaettak, doɗ pelemppa notte bia ag anadkku.

1 Pita 4:7

Aria, keeke oh iitta mekkulagnu haen aakku guguittak daatte amunu, ag unuqittak hekkulagnu elele daaglagnu, ag dabmen autna aona, ag nukka nug nuhig oiyak pehettak atognoak kobol ele dim lamidna dayeg!