Genesis 19:22 - Nobonob Baibel

²² Amge paha ukkeg! Aɗinu? Ag gona, aab amuppa tena daappeg, da heppi, aab imu oh padal mekkulag. Ag ibppa gobeppeg amu, da uɗat dahil hekkulnu elele iitta,” awa aum. Diig amunu ag aab amu onig Soar ataɗppig.

Genesis 19:22 ပူးပေါင်းရင်းမြစ်များ

Genesis 13:10

Anam a amu, Lot nug neekke ukke, Jodannu uɗem anttom. Uɗem amuppa amu, le kuɗum ele. Anttak nuhig am Yawe Iden wanppa dad enanag heum bia, o Isip wan, Soar guguittak daatte ele, amubia. Haen amuppa Yawe nug aab okkai aɗit onilah Sodom, Gomora ele ii he nauhpiɗ.

Genesis 14:2

ag ahan, Sodom dilag king onig Bera, Gomora dilag king onig Birsa, Atma dilag king onig Sinap, Seboim dilag king onig Semeber amu Bela dilag king ele, ag amu oh ele ban hekkulagnu goppig. Bela onig laa am Soar.

Genesis 19:21

Lot anam a amu, engel nug aum. “Amu ele am elele. Na attem amu, da amu ele hein medakkul. Da aab amu heppi, padal ii mema.

Genesis 19:23

Engel anam a, Lot nug Soar te, aam aakku ba malom.

Eksodas 32:10

Ag anam daatteb, da ool amunu huan nauhtte amunu, dahil oo nauhak okkainab mekkunu, amuppa da heppi, ag padal mekkulagnu na uuiɗna ukke! Da heppi, ag padal meppeg amu, geha da eɗuen heppi, na buɗunad ag appatna, huu okkainab, ɠagattag ele daaglag,” awa aum.

Aisaia 15:5

Moap danab ah oolna gona, laih daaglagnu hena gona amu, ameg laa ag oolna gona, Soar batak tekkulag. Ameg laa ag oolna gona, Eklat Selisia batak tekkulag. ⌊Gadonnab,⌋ da Moap dilagnu oo doyak huan doottem. Aɗinu? Laala ag gona, Luhit tenana, ag qananna qananna gokkulag. Ele amu, laala ag Horonaim gokkulagnu gonana, ag ibppa gonana, ag eheɗ aoppignu qanaglag.

Aisaia 65:8

Amu Yawe Nug atte. “Danab ag grep meunu leppu aonna, ag grep meu aɗa auta awak laa, meu amunu leppu oh ii awak anidna, ‘Leppu ina daatte amunu, ig keeke ena imu, keeke ena iitta ele oh laippu, hamu buɗipput ukka nauhkkunu ii hemata,’ atteb, amubia da Juda danab ah, ag am dahilad maɗi nid maɗi ah ele amu, da ahilagnu anam hekkul. Da ahilagnu dabmeine, da ag ohnab, hadappi ii nauhmana.

Jeremaia 48:34

Uug okkai beeb, da heppi, le Nimrim ele qaɗaiedakku amunu, danab ah Hesbonnu, Elealenu ele ag baɗan eppeg, danab ah Jahasnu ag doon, Soarnu ele doon, danab ah aab laa uma daattep, Horonaimnu am Eklat Selisianu ele amu, ag dooglag.

Mak 6:5

Ag nuhignu oolagppa genab ii dooppig amunu, appa Nug kobol danab haknu elele iitta laala helo bia ii heum. Iitta. Nug oɗe danab laippu laippu aakkuib Nug eppeg qaɗelagppa ma bappalattom.

Duteronomi 34:3

Nug Negeb, amu Jodan oolnu noak ele ippunittom. Jeriko amu Jodan oolnu noakppa daatte. Aab amunu amu, ag Pamnu Aab atteb. Nug wan amu oh ukka, Soar batak ippunittom.

Duteronomi 9:14

Ag anam daatteb amunu, da geha heppi, danab ah imu ag iitta mena autna aoppeg, hab waappa amu, danab laa nug baula imu dilagnu dab-ii-memanu, na uuppe, da hei! Da anam hein, da heppi, na buɗunppan danab kuɗum daan, ag ɠagattag okkai ele daaglag. Na buɗunad ag danab ah imu gemu daatteb dilag ebqak eɗadna, ɠagattagnab, gemu daatteb dilag ɠagattag eɗattak daaglag,” awa aum.

2 Timoti 2:13

Ig nuhignu oo metta ii uuak kobol ii dim lamidkkunig dayeb; Nug nuhig diignu oo metta ii uuak kobol dim lamidkku. Aɗinu? Nug nuhig diig attem daatte, Nug amunu oo metta ii uuak kobol ii dim lamidkkunu elele iitta.”

Taitus 1:2

Doyak diig genabib amuam he, ag bauklel hanhannu aoppig daatteb dootteb. Kayak, Nug hambuppuak nakok laa iinab maditte amu, Nug ag bauklel hanhannu amu aoglagnu anukkanab, keeke ii heum haenppa nai qakka aum.