Genesis 19:1 - Nobonob Baibel

¹ Haen amu tueb Lot nug Sodom aabnu aɗ od guguittak dayeye, engel aɗit nopiɗ. Noeheh, Lot nug anata aha, uɗalah tekkunu gumata ukka, gateg qaun o, gomela, iɗu wanppa meum.

Genesis 19:1 ပူးပေါင်းရင်းမြစ်များ

Genesis 11:27

Tera buɗub am inam. Nug bekkod am Abram, Nahor, Haran ele. Haran bekka am Lot.

Genesis 13:12

Aa otiya amu, Abram nug Kanan wanppa dayeye, Lot nug Jodan uɗemppa, aab okkai daappig oolagppa dayaya oiyaya ukka ukka, Sodom guguittak peh lag nuhikkud qappalattom.

Genesis 18:16

Dimppa danab ewam ag Sodom gokkulagnu ahan, Sodom dayomppa neegppig. Ag neekkona ukkaegeg, Abraham nug ele oh goppig.

Genesis 18:22

Yawe anam a amu, danab aɗit laa aa ahaya, Sodom gokkulahnu ukkaeheh, Yawe Nug Abraham ele daapiɗ.

Genesis 19:10

Ag anan heppig, amge engel aɗit aa Lot aɗaya eeɗeh, lag ooppa no, aa od manoya

Genesis 19:2

Wanppa ma amu, nug aum. “O danab okkai aɗit dahilaɗ, aa da, da ahilah maɗi nid amu, aa da laulppa gokkulahnu ool daatte. Aa goya, baelah ihoya, tuqan imuppa niiyya, butti buttua ahaya gokkulah,” awa aum. Nug anam aum, amge engel aɗit aa nug amegppa apiɗ. “Iitta! I qagmak aben imuppa niignih,” aoya apiɗ.

Genesis 23:12

Awa a amu, Abraham nug baula wan amuppan danab noolagppa gomela,

Genesis 48:12

Nug anam a amu, Josep nug nid aɗit nug mameg baegppanu diiata, piɗe maata, nug mameg noobppa gateg qaun o, gomela, iɗu wanppa meum.

Job 29:7

Haen amuppa amu, da ikki danab dilag qagmak aben aab odppa daatteppa wami; da wain, appa aabnu haɗap-ppa da heɗep nein daami.

Sam 69:12

Ikki danab ag dahilnu nai nau maditteb. Ge, laa ag le nau laeg aqatte, ag da onil aon, ahi nauppa mena ettaladtteb.

Luk 17:28

Amu Lotnu haenppa am ele anamib heppig. Ag ee lanana, le lanana, keeke daden menana, keeke danab laa mattaeg, daden meegeg, ee aona, lag buunna daappig.

Hibru 13:2

Ag aab diig danab iitta diin atognoadkkulagnu ele aib daulag atiom. Anukka laa anam hena, Kayaknu engel diin atognoadppig, amge ag am engel, ag amu oolag ii maittette diin atognoadppig.

Rut 4:1

Aria, Naomi, Rut ele aa amunu mattiya daaeheh, Boas nug ikki danab dilag qagmak aben aab nuhig odppa daatte, nug appa ta dayom. Dayeye, danab laa, nug Elimelek ele aa tiig laippunab, Rut ehanidkkunu anuqak dayom, Boas nug tatam nuhignu Rut amegppa aum ele, nug uɗiom. Uɗie, Boas nug onigppa eum. “Ne lai, inam doppe daaɗu!” awa aum. Boas nug anam a, nug do daapiɗ.