Genesis 18:8 - Nobonob Baibel

⁸ He ewa male amu, Abraham nug huh nakok ɠagattag ele, huh leppunab, amu makau teppu ele oh awa ukka, danab ewam matte, ag laegeg, Abraham nug ele ad logoppa gukkuatta hibaitta dayom.

Genesis 18:8 ပူးပေါင်းရင်းမြစ်များ

Genesis 18:7

Anam ana amu, nug qaiqaɗ ukka, makau nag enanag epeɗia, maɗi nid nuhig, nug danab ewam dilag bappaidkkunu mette, nug paha qa he ewom.

Genesis 18:9

Lanana amu, ag Abraham oɗ medappig. “Na waat Sarah adeppa daatte?” oɗ medappig. Ag anam oɗ mettaeg amu, nug aum. “Nug peh lag ooppa, uppa uma daatte,” awa aum.

Genesis 19:3

Anam apiɗ, amge Lot nug laugppa gokkulahnu wagai me, aa goya, Lot laugppa daaeheh, Lot nug ahilah ee, amu bret yis iitta ele he lapiɗ.

Nehemaia 12:44

Haen amuppa amu, laa ag danab laala ee bakkalenu maknu oo gumadkkulagnu tituanadppig. Ag danab ah men doɗo, ee tatam oɗuak, obatak eblaih tanig ele ooppanu obatak laippu ele, ag amu aon uɗin, Kayak medappeg, oo amuppa maadkkulag amu, danab amu ag keeke amu oh gumappig. Kayak Nug Moses ɗo mettom bia danab amu ag danab ah dad ahilkad aab taliliadna daappigppanu ee keeke aon uɗin, Kayak mettaglagnu ag eppelagppa maadppeg, oo amuppa meppeg dayeb, Lewi buɗubppan mana mettak danab, Lewi buɗubppan mana mettak danab iitta ele, ag amuppa ahilkad ee keeke aoglagnu daappig. Ɗo anam ippunattom, amu Juda danab ah oh ag mana mettak danab ag Kayaknu ehanittak ag madappig, Lewi buɗubppan mana mettak danab iitta, ag amu dilag uɗatnu ele oolagppa ena dooppig amunu, ag danab amu uɗat amu gumaglagnu tituanattom.

Aisaia 7:15

Ataɗeb ukkeb, tatam nid amu nug nakok ena ma, haen nug dabmak ele dayaya, nug kobol aɗi am kobol genab tutukku ele, kobol aɗi am kobol nau ele doya, aria dimppa nug uppuh leppu, sis huhppa hak amu lakku.

Aisaia 7:22

Am inam ele daakku. Doɗ amu ag mamelag huh huanak mettaglag amunu, danab amu nug huh amu awa, sis ha, sis lakku. Ge, anam daakku amunu, danab laippu laippu oh haen amuppa Juda wanppa daaglag amu, ag sis, uppuh leppu ele lakkulag.

Luk 12:37

Am danab okkai nug uɗia, nuhikkud maɗi nid ag ii niippeg anadkku, aria maɗi nid amu, ahilagnu am ena. Da genab ag amelagppa attem. Geha danab okkai nug nukka lamen tutu matagiɗ ele takkowa, nug ab, maɗi nid amu ag balalppa daappeg, nug nukka ag ee madakku.

Luk 17:8

Iitta. Nuhig okkai nug nug amegppa inam akku. ‘Na dahil ee bappaidna, matagiɗ takkana, na dahil ee yaan aon doppe, da tatam lawoya, le ele lappi, dimppa amu na ee lawona, le la!’ awa akku.

Luk 24:30

dimppa ee lakkulagnu hena, Jesus Nug aa ele oh balalppa daanna, Nug bret awa Kayak amegppa, “Ena heme,” awowa, pane ne, Nug matete,

Luk 24:43

Nug aɗa lanana anttegeg,

Jon 12:2

Ag Jesusnu lewa nakok aab amuppa heeg, Marta nug ee yeeye, Lasarus nug amu, Jesus, danab laala ele ag balalppa daanna, ee lappig.

Aposel 10:41

Danab oh ii anidppig. Iitta! Ig laala, ig Nug anidta, aɗi heehe anttomnu mattiak danab daagnignu, Kayak Nug ig tituanikkom ele amu, Nug ig gumikka uɗie anidmut. Nug hibaitte, dimppa ig Nug ele ee, le ele lamut.

Galesia 5:13

Genab O lailad, Kayak Nug ag uhuqak daaglagnu onilagppa eum, amge ag ahilag dabmakppa aib inam appig. “Ig uhuqak elele daattem amunu, ig beɗunu kobol ele hekkunig.” Ag anam aib appig, amge ag lailkad dilagnu oolag mauheb, ag oh nug dabmattanna ehanatteg!

Duteronomi 32:14

Nug he, makau, meeme ele ag lanaknu huh huanak ele daappig. Ao, Nug he, sipsip nakkud ittag ele, amu meeme ele ag ena meegeg, lanaknu teppulkad ena ele daappig. Yawe Nug Israel danab ah sipsip dawai enanagnab Basannu, Nug amu ele mattom. Ge, Nug ag wit ena ele mattom. Nug ag amu matte, Nug he, grep ahilkad meu ena oegeg, ag wain enanag lappig.

Revelesen 3:20

Antte! Da lag odppa dayeye, od qeqalele daattem. Aun laa nug doya od matuleb amu, da lag ooppa noppi, nug ele ee lakkunih.

Ikki Danab 13:15

Engel anam mattie amu, Manoa nug Yawenu engel amegppa aum. “Na inam daappe, i meeme nag laa, na lakkutnu bappaidpuɗ, lakkutnu oɗ medattem,” awa aum.

Ikki Danab 5:25

Sisera nug lenu oɗ me, Jael nug huh mettom. Ao, nug tappiɗ laa, king nug amuppa keeke lakkunu elele, nug amuppa huh enanag ma, awa doa mette, ⌊lawowa niiom⌋.