Genesis 18:5 - Nobonob Baibel

⁵ Laa ele, da ee nakok bappaidppi, ag lawona, ag beɗulag ɠagattag qeeb gokkulag. Aɗinu? Ag da, ahilag maɗi nid, ag da laulppa uɗieg, da enanag doottem amunu, da ehanadkkulnu ool naɗi daatte,” awa aum. Awa a amu, ag inam appig. “Amu ena. Na ame amu, na anam hekkut.”

Genesis 18:5 ပူးပေါင်းရင်းမြစ်များ

Genesis 18:6

Ag anam appig amunu, Abraham nug paha peh lag ooppa noa, Sarah amegppa aum. “Na paha plaua enanag tappiɗ okkai ewam kabolina, bret mane!” awa aum.

Genesis 19:8

Antteg, da nid ahin dahil aɗit, aa ah makkun amu, da aa omalaten, dimittim doppi, ag ahilahppa aɗi hekkulagnu oolag dayeb amu hekkulag. Amge ɗo danab aɗit da hei, aa da laulppa ena daaglahnu uɗiya daattep amu, ag ahilahppa kobol eheɗ laa aib heppig,” awa aum.

Genesis 33:10

Awa a amu, Jakop nug aum. “Iitta. Na oot dahilnu ena daatte dayeb amu, keeke da mettami am diikkutnu ool naɗi daatte. Aɗinu? Da Kayak iɗu anidlom amu, da ool okkai gamag ahalo. Amu na ena humiɗme amunu, da na iɗun anidttem, am da Kayak anidlom bia doottem.

1 King 17:11

Ah qab nug Elaiya aum amu doya, nug le aokkunu ugekke, amu Elaiya baula onigppa ewa aum. “Na bret maha laa ele aon dookkutnu ool daatte,” awa aum.

Sam 104:15

Ee laa am muɗi grep meunu leppu, wain; wain amu he, danab nug gamag ahak dootte. Laa am olip ad meunu goɗen; danab ag aon beɗulag laaitteg ehanadtte. Laa am ee aeg bret haknu; ag ee aeg amu aon, bret hena lawona, ag ɠagattag aotteb.

Aisaia 3:1

Amu ag ⌊Juda danab ah, ag⌋ doyeg! Naɗi, Nug Yawe Nukka Ɠagattag Oh Ele, Nug Juda danab ah oh, laa Jerusalemnu, laa Juda wanppa laih laihnu amu, Nug ag ahilkad ehanittak keeke oh heeb, iitta mekkunu haen malom daatte. Nug amu haaha, Nug heeb, ee nakok laa ii daama, le lanaknu nakok laa ele ii daama.

Matyu 6:11

Ig ee megattem amu, na gemunu ele megakkutnu na oɗ medattem.

Ikki Danab 13:15

Engel anam mattie amu, Manoa nug Yawenu engel amegppa aum. “Na inam daappe, i meeme nag laa, na lakkutnu bappaidpuɗ, lakkutnu oɗ medattem,” awa aum.

Ikki Danab 13:16

Manoa nug anam Yawenu engel oɗ mette amu, nug aum. “Na aɗailna, ee bappaidkkut dayeb amu, da lawoya, ehanittak ii aopa, amge na manaknu ofa hena, Yawe medakkut, am ena,” awa aum. Engel nug Manoa amegppa anam aumnu diig am, Manoa nug laa nug ele nai madipiɗ am Yawenu engel amu, nug ii doyom.

Ikki Danab 19:5

Deɗ waɗeleppa amu, ag oh buttuanab ahan, danab amu nug gokkunu babaittom, amge ah mameg nug nug tana amegppa aum. “Na ɠagattag aokkutnu ee laa aon lawona ukke!” awa aum.

Ikki Danab 6:18

Na laih ii gomananu oɗ medattem. Na daappe, da ukken, keeke babaitten, eɗuen uɗien, ofa dahil nahipnu medappi, na gokkutnu oɗ medattem,” awa aum. Gideon anam a amu, Yawe Nug aum. “Da inam daappi, na eɗun uɗikkut,” awa aum.

Ikki Danab 6:19

Yawe anam a, Gideon aakku pahanab lakka ukkom. Nug meeme nag laa awa babaitta, nug plaua 25 kilogram awa, amu nug bret yis iitta manom. Amu nug teppu kaleg laappa ina, lewa waappa ina, bret awa, ele ukka, Kayaknu engel ad ok waappa dayom amu gumitta ukka, mettom.