Genesis 18:30 - Nobonob Baibel

³⁰ Awa a amu, Abraham nug aum. “O Naɗi, na da aiɗmananu oɗ medattem, amge na uuiɗppe, da nai baula akkul. Genab tutukku hak danab 30ib daappeg amu, na heppe, aab nauhkkute?” awa oɗ mettom. Oɗ mette amu, Yawe Nug Abraham oɗeppa awa aum. “Genab tutukku hak danab 30 daappeg amu, da ii heppi nauhma,” awa aum.

Genesis 18:30 ပူးပေါင်းရင်းမြစ်များ

Genesis 18:29

Anam a amu, Abraham nug baula nai mattia aum. “Genab tutukku hak danab 40ib daappeg amu, na attem hekkut?” oɗ metta aum. A amu, Yawe Nug aum. “Genab tutukku hak danab 40 daappeg, amu ele da ii heppi nauhma,” awa aum.

Genesis 18:31

Anam a amu, Abraham aum. “Ehe, da nakok baɗeɗe, wagai nakok mein, Naɗi amegppa nai mattimi, amge da baula ele akkul. Danab ena tutukku 20ib daappeg amu, na heppe nauhkkute?” awa oɗ mettom. Nug a amu, Yawe Nug aum. “Genab tutukku hak danab 20 daappeg, amu ele da ii heppi nauhma,” awa aum.

Genesis 44:18

Josep anam a amu, Juda nug Josep gumitta ukka, baula amegppa aum. “O naɗi dahil, na nahip maɗi nid da, da nai nakok appi dookkutnu ool daatte. Na am Paro bia daattem, amge na da, nahip maɗi nid, na dahilnu oot ii nauhmanu oɗ medattem.

Job 40:4

“Da keeke hamu. Da nob na medakkulnu elele iitta. Da oɗel qamut-ttem.

Sam 10:17

O Yawe, na daɗek danab ah, na ahilag oo hak amu, na amu doottem. Ao, na ag ahilag unuqittak doona, ɠagattag madattem.

Sam 89:7

Danab ah Kayaknu oppiaawak ele daatteb, ag laippu qagmena amu, ag Kayaknu ebehilag oh bodoetta le mak dootteb. Laanu iitta. Ao, laa Kayak talilidna daatteb ele amu, danab nug ag anatteb, nug ebehi oh bodoetta le mekku, amge laa nug Kayak antteb, nug ebehi oh bodoetta le ma auta autanab aokku.

Aisaia 6:5

Amu oh be, da inam emi. “Dahilnu am gadonnab gadon! Da aakku nauhmi daattem! Aɗinu? Da am danab oppiak ele iitta, amu danab ah da ag oolagppa daattem ele, ag am danab ah oppiak ele iitta, amge da king, Nug Yawe Nukka Ɠagattag Oh Ele, da Nug anidmi,” awe emi.

Ikki Danab 6:39

Gideon nug anam hewowa, nug Kayak amegppa aum. “Da keeke laippu laanu oɗ medakkulnu ool daatte amunu, na dahilnu oo nauhak ii doomnanu oɗ medattem. Gemu da sipsip uɗigppa ma anttak laippu laa ele heppi, amu na heppe, sipsip uɗig qaɗaiettak dayebeb, wan amu baito qeeb, leppu qekkunu oɗ medattem,” awa aum.