Genesis 18:27 - Nobonob Baibel

²⁷ Yawe anam a, amu Abraham nug aum. “Ehe, da doottem, da amu danabib, amge da nakok baɗeɗe, wagai nakok mein, Naɗi amegppa nai mattimi, amge da baula ele akkul.

Genesis 18:27 ပူးပေါင်းရင်းမြစ်များ

Genesis 18:28

O Naɗi, genab tutukku hak danab 45ib aab okkai amuppa daappeg amu, na heppe, aab oh nauhkkute?” oɗ metta aum. Nug anam a amu, Yawe Nug aum. “Iitta. Genab tutukku hak danab 45ib daappeg amu, da ii heppi nauhma,” awa aum.

Genesis 2:7

Dimppa Yawe Kayak Nug wan gappud awa, amuppa danab heum. Ha amu, Nug danab amu noob oɗeppa ouɗi iwale, bau dayom.

Genesis 3:19

Na wanppa uɗat naɗi, heɗi ele henana, na ee aokkut. Anam henana, na mauhna, wan mekkut. Aɗinu? Da na gappudppa heidmi amunu, na beɗun eɗua, gappud mekku,” awa aum.

Esra 9:6

da unuqitten ami. “O Kayak dahil, da uɗa nak nau doottem. Da uɗa nak nau guittak ele doottem waappa dayeye, da amel hume, na neekkidkkulnu elele ii doottem. Aɗinu? Ig hipunin okkainab hemut, ikkinig eɗitta tak. Ao, ig beɗunigppa aab okkainab daatte, ⌊aab ewawa⌋ habppa tette, ⌊amubia⌋.

Job 30:19

Laa nug buɗile, lekkohppa noin daattem; da wan gappud, aab uhuɗ ele bia daattem.

Job 4:19

genabnab genab nug danab dilagnu anam doya hekku. Danab dilagnu amu, Nug ag gappudppa hattom. Danab dilagnu amu, ag diilag gappudppa daatte. Danab dilagnu amu, ag am qagapuɗ, laa nug uɗat okkai ii haaha, qagapuɗ he nauhtte, ag qagapuɗ amubia daatteb.

Sam 144:3

O Yawe, ig danab ig am keeke okkai iitta. Na ig ii atognoiglom am elele, amge na atognoigttem. Ao, danab ah bekkalkad aɗelkad ig, ig oh am keeke okkai iitta. Na ihinignu dab-ii-mena, ii ehaniglom am elele, amge na ihinignu dabmena ehanigttem.

Sam 8:4

⌊Keeke amu oh am keeke okkainab; aria⌋ danab ah amu, ag am aɗi daatteb amunu, na ag dabmattanna daattem? Ao, danab bekkalkad, ag am aɗi daatteb amunu, na ag atognoadttem?

Eksodas 32:11

Yawe Nug Moses amegppa anam aum, amge Moses nug Yawe, nuhig Kayak, nug nuhig oo mak ag uuadmanu haaha, Nug inam Yawe amegppa anana, inam unuqittom. “O Yawe, na oo nauhak doonna, na heppe, danab ah nahipad, na danab ah amu na nahip ɠagattag okkaippa Isipnu diin uɗime ele amu, ag padal mekkulag, amge amuam uug ele.

Aisaia 6:5

Amu oh be, da inam emi. “Dahilnu am gadonnab gadon! Da aakku nauhmi daattem! Aɗinu? Da am danab oppiak ele iitta, amu danab ah da ag oolagppa daattem ele, ag am danab ah oppiak ele iitta, amge da king, Nug Yawe Nukka Ɠagattag Oh Ele, da Nug anidmi,” awe emi.

Aisaia 64:8

O Yawe, ig am anam aakku daattem, amge na ig Mamenig daattem. Na waa keeke hak danab bia daattem, ig am wan, waa haknu, ig amubia daattem. Na ig oh heigme.

Luk 18:1

Amu Jesus Nug keeke danab ag dootteb ii dootteb ele ouaqata ippuanatta, ag haen oh unuqidkkulagnu, ag bahilag yaamanu ele amelagppa aum.

Luk 5:8

Anam amu, haen Saimon Pita nug kakai anam aona antta amu, nug Jesus baegppa laippun gateg qaun o, nug aum. “Naɗi, na da uuiɗna ukke! Da hipunin danabde,” awa aum.