Genesis 18:22 - Nobonob Baibel

²² Yawe anam a amu, danab aɗit laa aa ahaya, Sodom gokkulahnu ukkaeheh, Yawe Nug Abraham ele daapiɗ.

Genesis 18:22 ပူးပေါင်းရင်းမြစ်များ

Genesis 18:16

Dimppa danab ewam ag Sodom gokkulagnu ahan, Sodom dayomppa neegppig. Ag neekkona ukkaegeg, Abraham nug ele oh goppig.

Genesis 18:17

Amu Yawe Nug ⌊matu⌋ mattia aum. “Da keeke imu hekkulnu amu, da Abraham doomanu da ii lokkumpa.

Genesis 19:1

Haen amu tueb Lot nug Sodom aabnu aɗ od guguittak dayeye, engel aɗit nopiɗ. Noeheh, Lot nug anata aha, uɗalah tekkunu gumata ukka, gateg qaun o, gomela, iɗu wanppa meum.

Genesis 19:27

Anam daye, buttua wagɗe, Abraham nug aha, aben nug tatam Yawe ele nai madipiɗ, aben amuppa ukkom.

Sam 106:23

Ag Kayak, nuhig hak amu ele daulag atiom amunu, Nug ag hatteb nauhkkulagnu aum. Nug anam aum, amge Yawenu oppoɗi bak aha heeb, danab ag nauhmananu, Moses, Yawe tituanom amu, nug Yawe, danab ah ele gamalagppa hibaitta dayom. Nug anam dayeye, Yawe Nug ag ii hatte nauhppig.

Jeremaia 15:1

Amu dimppa amu Yawe Nug da, Jeremaia, Nug da amelppa aum. “Moses, Samuel ele aa am dahilaɗ danabnab daapiɗ, amge aanab da noolppa daaya, danab ah imu dilag unuqiɗlop amu, da ag ena daaglagnu ii ehanadlom. Heppe, ag da noolppanu ukkeg! Da noolppa daaglagnu aib heme!

Jeremaia 18:20

Danab nug layag ehanitteb, layag nug eɗua, nuhigppa eheɗ hekku dayeb, amuam kobol ena iitta, amge danab kekeɗ meɗappig ag anam hetteb. ⌊Da ehanadkkulnu hemi,⌋ amge ag eɗun, danab doɗ aokkunu pelem bappaidtte, ag amubia dahilnu hetteb. Na imu eɗua dautppa dokkunu oɗ medattem. Da ehanadkkulnu heinne, da na noomppa dayeye, naippa ehanatten, na oppoɗin beeb, na ag bu ii madakkutnu oɗ mettami. Da amu hei, gemu ag nau imu hetteb

Esekiel 22:30

Israel dilag okkai ag nau anam hetteb, hamu aabppan danab ele ag anam hetteb amunu ag bu aoglagnu daatteb. Ag bu aoglagnu anam daatteb, amunu da danab laa nug aabnu aɗ babaitteb, kekeɗ ag wana heppeg, danab ah ii nauhmananu dootte, nug aabnu aɗ giɗo daatteppa dayaya, kekeɗ lamadkkunu dootte amu, da laa amubia heeb, da wain, Israel danab ah hadappi nauhmananu ii hepanu neegmi, amge da laa anam laa ii anidmi.

Aposel 7:55

Ag anam heppig, amge Kayak Ouɗi am Stiven ooppa ambe, nug tutukku hab aabppa neekka, Kayaknu binag amahlak oppiaawak ele hab aabppa antta, Jesus Nug Kayak eppeg naɗiap-ppa hibaitta dayeye anttom.

1 Timoti 2:1

Amunu da tatam ag tamaniakppa daatteb amu, da ag unuqittak uɗatnu inam hekkulagnu oolag maɗedattem. Ag unuqittakppa, danab oh dilagnu, unuqittak digdigppa Kayak unuqidna, Kayak Nug danab oh dilagnu aɗi aɗi hettenu Nug amegppa, “Ena heme,” aon aeg!