Genesis 18:2 - Nobonob Baibel

² nug neekke ukke, danab ewam ag nakok piɗe bia hippaidna daaegeg anattom. Anatta amu, nug uɗalag tekkunu nug aha, qaiqaɗ gukkuatta ukka, ag noolagppa gateg qaun o, gomela auta awa, iɗu wanppa meum.

Genesis 18:2 ပူးပေါင်းရင်းမြစ်များ

Genesis 17:3

Kayak Nug anam a amu, Abram nug laippun gateg qaun o, gomela, iɗu wanppa ma daye, Kayak Nug tuɗitta aum.

Genesis 18:16

Dimppa danab ewam ag Sodom gokkulagnu ahan, Sodom dayomppa neegppig. Ag neekkona ukkaegeg, Abraham nug ele oh goppig.

Genesis 18:22

Yawe anam a amu, danab aɗit laa aa ahaya, Sodom gokkulahnu ukkaeheh, Yawe Nug Abraham ele daapiɗ.

Genesis 18:3

Anam ha amu, nug ⌊amu oolagppa laa amegppa⌋ aum. “O danab naɗi, na oot dahilnu ena daatte dayeb amu, na da, maɗi nid nahip, na da eɗilna aib gome.

Genesis 19:1

Haen amu tueb Lot nug Sodom aabnu aɗ od guguittak dayeye, engel aɗit nopiɗ. Noeheh, Lot nug anata aha, uɗalah tekkunu gumata ukka, gateg qaun o, gomela, iɗu wanppa meum.

Genesis 23:12

Awa a amu, Abraham nug baula wan amuppan danab noolagppa gomela,

Genesis 23:7

Aon aeg amu, Abraham nug aha, wan amuppan danab, ag Hit danab, nug ag noolagppa gomela,

Genesis 24:63

Deɗ laa tueb Aisak nug ukka, dad okkaippa dabmak unuqag aokkunu oiyaya, nug neekke ukke, kamel anattom.

Genesis 32:24

Nug anam ha, nug nukka ag haen tutu dayaknu aab kalak daappigppa appa dayom. Dayeye amu, danab laa be, nug ele nug ehalak heeheh ukke, wakkaɗom.

Genesis 42:6

Josep nug Isip wannu gawana dayeye, danab oh ag ee aeg daden mekkulagnu heppig ele, ag ee aeg Josep toppanu daden meppig amunu, haen Josep awakkud ag uɗin, ag ele Josep toppa gona, Josep noobppa gatelag qaun ona, gomelna, iɗulag wanppa meppig.

Genesis 43:26

Daaegeg, Josep uɗie amu, ag keeke ena ena aon uɗippig amu, ag Josep, nuhig daakkunu hamu mettan, ag nug noobppa gatelag qaun ona, gomelna, iɗulag wanppa meppig.

Genesis 43:28

Nug anam oɗ matte amu, ag appig. “Ig mamenig, nahip maɗi nid amu, nug uppa uma ena daatte,” aon appig. Anam ana amu, ag Josep binag mettaglagnu, ag gatelag qaun ona, gomelna autna aona, iɗulag wanppa meppig.

Genesis 44:14

Aria haen Juda awakkud amakkud ele ag eɗun, Josep laugppa ukkaeg, Josep ii ahom, appa dayeye, ag nug noobppa gatelag qaun ona, gomelna, iɗulag wanppa meppig.

Genesis 48:12

Nug anam a amu, Josep nug nid aɗit nug mameg baegppanu diiata, piɗe maata, nug mameg noobppa gateg qaun o, gomela, iɗu wanppa meum.

2 King 2:15

Propet huu ameg laa Jerikonu 50 ag uɗin gukkuidna appa daappig amu, Elisa nug keeke amu he anidppig. Anidna, ag appig. “Antteg! Ɠagattag anukka Kayak Nug Elaiya mettom amu, gemu am Elisa, nuhigppa daatte,” aon appig. Awona, ag uɗin, nug uɗa tena, ag gatelag qaun o, gomelna, iɗulag wanppa meppig.

Rom 12:13

Kayaknu danab ah oppiaawak ele laa ag keekenu tutu daappeg amu, ag ehanatteg! Laa dilagnu ag nug ehanittak heig!

Hibru 13:2

Ag aab diig danab iitta diin atognoadkkulagnu ele aib daulag atiom. Anukka laa anam hena, Kayaknu engel diin atognoadppig, amge ag am engel, ag amu oolag ii maittette diin atognoadppig.

Josua 5:13

Deɗ laa Josua nug ukka, Jeriko gukkuittak daya, nug ameg huma, danab laa nug Josua noobppa hibaitta dayeye anttom. Danab amu nug qep elab laa eppegppa aɗa dayom amunu, Josua nug gumitta ta, oɗ metta aum. “Na ihinig ban danab laa daattemte, iitta na kekeɗ ihinignu ban danab laate?” awa oɗ mettom.

1 Pita 4:9

Ag lailkad dilagnu nug ehanittak kobol naittuɗ mak iitta ele dim lamidna heig!

Ikki Danab 13:3

Aa anam daaeheh amu, Yawenu engel nug Manoa wau gumitta noa, nug aum. “Na ah mattoi, nid iitta ele daattem, amge na geha oot ele daan, nid danab laa aokkut

Rut 2:10

Boas anam a amu, Rut nug gateg qaun o, gomela, iɗu wanppa ma, nug Boas amegppa inam aum. “Da am wan laihnu ah amunu, diig aɗippa na da ena aniɗna, dahilppa kobol ena hettem?” awa oɗ mettom.