Genesis 18:19 - Nobonob Baibel

¹⁹ Aɗinu? Da Abraham doottem, nug, nug bekkod, nug laugppanu ele, ag da, Yawe, ag dahil ib dim lamidkkulagnu ippunadkku. Ippuanatteb, ag kobol tutukku, amu nai doya mala hettoɗia epeɗia elele mettak kobol ele dim lamidkkulag amunu, da nuhigppa aɗi hekkulnu nai ain qakkami amu, da amu hekkul,” awa aum.

Genesis 18:19 ပူးပေါင်းရင်းမြစ်များ

Genesis 12:2

Amu da heppi, na buɗunad ag appatna, huu okkainab, ɠagattag ele daaglag. Da na itittak ena ele medakkul. Na onin okkai humappi, na laala itittak ena madakkut.

Genesis 12:3

Danab aun laa na itittak ena medakku, da nug itittak ena medakkul, amge danab aun laa na eheɗ laa awaknu anak waappa daakkutnu akku amu, da nug eheɗ laa awaknu anak waappa daakkunu akkul. Wanppanu huu oh ag nahip-ppa itittak ena aoglag,” awa aum.

Genesis 17:9

Kayak Nug anam awowa, Nug Abraham amegppa baula aum. “Nahipnu, amu na, na buɗunad dilag ele, ag dahil nug tituana nai qakkak nai buɗub buɗub doobob dim lamidkkulagoitte.

Genesis 22:18

amu da heppi, na buɗunppa wan ohppan danab ag itittak ena aoglag. Aɗinu? Na nai dahil dim lamidme.’ Yawe Nug anam awa atte,” awa aum.

Genesis 35:2

Kayak Nug anam a amu, Jakop nug nuhikkud daup amelagppa aum. “Ag laa dilag kayak hambuppuak ahilag oh ig ele daamnanu hena, ag oppiak daaglagnu hena, ag lamen ihak ele takkeg!

2 Samuel 22:22

Aɗinu? Da Yawe oɗe dim lamidmi. Ao, da Kayak dahil dimettalom amu, da nau helom, amge da kobol eheɗ ii hemi.

2 Samuel 7:20

O Naɗi Yawe, na da, nahip maɗi nid, na da dooiɗttem amunu, da, Dawit, da na amenppa aɗi nai laa madikkulnu daatte? Iitta.

1 Stori 28:9

Amu Solomon da bekkal, da na amenppa attem. Yawe Nug danab dilag dabmak unuqagppa daatte mattia anidtte, Nug danab nug diig aɗinunab keeke hette ele dootte amunu, na, na mamenad dilag Kayak, Nugib am Kayak dabmena doon, na meut ohppa, nahip dabmak ohppa ele Nug waappa daan, Nug oɗe dim lamitte! Na Yawe anidna dim lamidkkutnu Nug madikkut dayeb, Nug heeb, na Nug anidkkut. Amge na Nug dimettan, uuidkkut dayeb amu, Nug ele na geɗitteb, na anam daappe ukkeb, gogppa teeb batakkut.

2 Stori 14:3

Nug atu laihnu kayak hambuppuak dilag qaɗab loppaɗatta, nug aabaabppanu mettid lag nakok loppaɗatta, nug men gappi he aoɗatteg, nug kayak hambuppuak Aserah dabmekkulagnu biidod ele okkulattom.

Nehemaia 9:7

Na Yawe Kayak daattem; na Abram tituanna, Kaldia wanppan aab onig Ur, appanu na Abram aon uɗime. Na Abram onig baolin, Abraham ataɗme.

Job 1:5

Amu nug bekkod ag anam heegeg ukke ukke, eblaih aɗit ele amu oh ag ag laulkad anen anenppa hobul hena malaeg, Job nug ag Kayak ele ouqa dayaknu elele daaglagnu ag beɗulag oolag ele bappaidkkulagnu nai ahilagppa me ukkom. Job anam he, deɗ amu uue, wagɗe buttua Job nug aha, ahilag anen anennu manaknu ofa hattom. Nug, “Nid dahilad ag Kayak uuidna, hipunin heppigtai,” ana dabmeum amunu, nug anam hettom. Job nug hanhan anamib hettom.

Sam 1:6

⌊Nau hak danab ag anam aakku daaglag.⌋ Aɗinu? Yawe Nug genab tutukku hak danab ah atognoadtte, amge nau hak danab ag padal mekkulag.

Sam 11:4

Yawe Nug nuhig mettid lag nuhignu tituanak daatte, Nug amuppa daatte. Ao, Yawe Nug hab attan sia king nuhigppa gumak haaha daatte. Nug keeke oh dabmetta autanab aotte. Nug wanppan danab ah ohnab epeɗiadtte.

Sam 34:15

⌊Aɗinu?⌋ Yawe Nug laa ag kobol genab tutukku hetteb ele, Nug ag dabmatta atognoadtte. Ao, Nug ahilag unuqittak doya, ag ehanadtte.

Prowerb 22:6

Na nid nakok nug attem ena daakkunu ippunitte! Amunu diig am, nug kaino maama, nug amu ii uuma.

Aisaia 38:19

Danab bau daatteb, ag na onig okkai medatteb, ag ⌊baelkadppa aɗi amelagppa⌋ da gemu hettem bia, ag nahip ehanittak okkainu maditteb. Mamelkad ag nid naunau ahilkad amelagppa layag oo metta ii uuak kobol nahip na dim lamidnana, danab ah ehanadtteb ele amu, ag amunu ag amelagppa maditteb.

Lewitikas 14:42

Anam hewona amu, ag men baula men tatamnu amu abenppa mekkulagnu aon mewona, ag gilil qaɗeppa simen gililppa laittaknu laidkkulagoitte.

Amos 3:2

Yawe atte. “Danab huu digdig kuɗum wanppa daatteb, amge da ag Israel aakkuib da ag tituanadmi. Da anam hei, ⌊ag dahilad danabnab daatteb,⌋ amge ag hipunin huanaknab hetteb amunu, da ag bu aqakkul,” awa atte.

Matyu 25:17

Amubiaib laa talent aɗit awom ele, nug ele anam ha, talent aɗit baula awom.

Jon 10:14

Da am sipsip gumak danab ena. Da dahilad sipsip doyadttem, sipsip ag ele da dooiɗtteb,

Jon 21:17

Jesus baula ewam batak Pita oɗ mettom. “Saimon, Jon bekka, na dahilnu oot mauhttete?” awa aum. Pita Jesus haen ewam batak, “Na dahilnu oot mauhttete?” aum amunu ooppa guittak doyaya, nug Jesus amegppa aum. “Naɗi, na keeke oh doon malame, amu na da nahipnu ool mauhtte ele doottem,” awa aum. Pita anam a amu Jesus amegppa aum. “Dahil sipsip bekkadna meɗe!” awa aum.

Aposel 27:31

amge Pol nug ban daup 100 dilag ikki am daup ele amelagppa aum. “Danab umu ag uubppa ii daaglag amu, ag laa uubppa daatteb ele ag padal mekkulag,” awa aum.

Epesus 6:4

Am nid mamelkad ag bekkalkad aɗelkad oppoɗi bak doomnanu ag tolittak tutukkuib matteg! Tolittak nau aib madappig. Iitta. Ag Naɗi nuhig nai ippunadnana, ib tutukkuppa omalatteg!

Duteronomi 32:46

nug tuɗitta aum. “Ag nid ahilkad Kayak toppan ɗo imu oh, ag amu doon dim lamidkkulagnu, ag amelagppa hekkulagnunab akkulagnu, ag nai oh gemu da ag mattami imu aon oolagppanab meig!

1 Timoti 3:12

Kayaknu tamaniaknu toliak danab nug ah laippu aakkuib gamu daakku, nug nuhig ah, nid naunau ele ena atognoatta omaladkkuoitte.

2 Timoti 1:5

Nahip ooppa genab doyak am ooppa genab doyak genab da daulppa daatte. Danab laa amelagnuib iitta. Ooppa genab doyak amuam tatam na alan Lois, nuhigppa daye, na anin Yunis, nuhigppa ele dayom. Amu ooppa genab doyak amu nahip-ppa ele daatte amu, da oolppa genab doottem.

2 Timoti 2:19

Amge Kayak Nug ukku aɗom amu, ukku amuam ɠagattag eppom daatte. Ukku amuppa nai inam daatte. “Naɗi Nug nuhikkud danab ah doyadtte.” Nai laa ele inam daatte. “Ag oh, ag Naɗi onig diitteb, ag kobol nau dimetteg!”

Josua 24:15

Anam, amge ag Yawe waappa daan, Nug oɗe dim lamidkkulagnu oolag ii daatte dayeb, ag gemu aun dim lamidkkulagnu amu dabmak aweg! Ag mamelkad aɗi Mesopatemia daanna, kayak laala waalagpa daan, oɗe dim lamidppig, amute, o iitta, Amo danab, wan ag amuppa gemu daatteb ele, ahilag kayak waalagppa daan binalag mekkulagtai. Ag amu hekkulagtai, amge da, da baeladppa ele amu, ig Yawe waappa daatta, Nug oɗe dim lamidkkunig,” awa aum.

Ikki Danab 13:12

Nug anam a, Manoa oɗ mettom. “Nai na ame ba maleb, nid doa amu, haen amuppa nug aɗi ɗo dim lamitta oyaya, nuhig uɗat hekku?” awa oɗ mettom.