Genesis 18:10 - Nobonob Baibel

¹⁰ Abraham anam a amu, ag oolagppan laa nug aum. “Maɗ imu uueb, maɗ laa amuppa, haen inamppa da geha eɗue uɗippi, amu haen gamag amuppa nahip ah Sarah nug nid danab aweb daakku,” awa aum. Nug anam aawo amu, Sarah nug danab amu dimugppa peh lag ooppa dayaya nai amu doyom.

Genesis 18:10 ပူးပေါင်းရင်းမြစ်များ

Genesis 16:10

Daappe amu, da heppi, na buɗun elab bekku. Beeb amu, danab laa nug na buɗun ebaqakkunu elele iitta,” awa aum.

Genesis 17:16

Da nug itidppi, nug na bekkat menukku. Nug wanppan wan laala, king laala ele, nug ag anilag bekku,” awa aum.

Genesis 17:19

Abraham anam a, amu Kayak Nug aum. “Ao, amge na waat Sarah nug na bekkat menukku. Menueb, na nug onig Aisak ataɗkkut. Anam amu, nug tituana nai qakkak nai dahil am nug, nug buɗub dim dokkulag ele, am ag oh ele haen oh daakku.

Genesis 17:21

Amge Sarah dimppa maɗ imu uueb, maɗ laa amuppa haen inamppa, nug nid nahip Aisak menukku; amu nug tituana nai qakkak nai dahil am nuhigppa daakku,” awa aum.

Genesis 18:9

Lanana amu, ag Abraham oɗ medappig. “Na waat Sarah adeppa daatte?” oɗ medappig. Ag anam oɗ mettaeg amu, nug aum. “Nug peh lag ooppa, uppa uma daatte,” awa aum.

Genesis 21:1

Aria, Abraham nug wau Sarah ele aa oieheh, Yawe Nug Sarahnu oo bodoette enanag maɗoɗ ele hak kobol dim lamitta, Nug anukka Sarahnu keeke hekkunu nai anan qakkom amu, Nug heum.

Genesis 21:2

Nug he, Sarah nug oo ele daye, Abraham nug danab kaino oiyeye, Sarah nug nid danab menuom. Kayak Nug anukka Abraham amegppa hekkunu nai ana qakkom amu, haen amuppanab Sarah nug nid menuom.

Luk 1:13

Oo baɗom amge engel nug Sekaraia amegppa aum. “Na aib baɗame. Unuqittak nahip amu, Kayak Nug aakku doyom. Na waat Elisabet nug geha nid danab menueb, na nid onig Jon ataɗkkut.

Galesia 4:23

Ismael anig, nug am begbeg maɗi ah, nug danab ah menuak kobolppa Ismael menuom. Aria Abraham, Sarah ele, aa nid menuglahnu elele iitta, amge Kayak Nug aa nid danab menuglahnu nai qakka ana he, diig amunu, aa nid menuglahnu elele daayya, Sarah nug nid amu menuom.

Galesia 4:28

O lailad, ag am Aisak bia. Kayak Nug Aisak dokkunu nai qakka a, nug doum, amubia ag Kayak, nuhig naippa ag Nug bekkod beppig.