Genesis 17:8 - Nobonob Baibel

⁸ Na gemu Kanan wan imu ooppa wan laihnu danab ina daattem, amu da na, na buɗunad ele, da ag wan imu madappi, ahilag wan hanhan daakku. Amu da ahilag Kayak daakkul,” awa aum.

Genesis 17:8 ပူးပေါင်းရင်းမြစ်များ

Genesis 12:7

Anam daye amu, Yawe Nug Abram gumitta na, amegppa aum. “Da wan imu oh na buɗun madakkul,” awa aum. Anam a amu, aben amuppa Yawe Nug Abram gumitta ukkom amunu, Abram nug Yawe noobppa dup noa binag mekkunu qaɗab qeum.

Genesis 13:15

Aɗinu? Wan oh na anidttem ele imu amu, da na, na buɗunad ele madappi, haen oh ahilag hanhan daakku.

Genesis 13:17

Aria, da na wan imu medakkul amunu, na ahan oinna, wan imu oh antte!” awa aum.

Genesis 23:4

“Da am aab diig danab iitta, da uɗien, ag oolagppa daattem; da wan laihnu danab amunu, da wan nakok laa imuppa ah dahil boumkkulnu daden mekkulnu ool daatte,” awa aum.

Genesis 26:24

tuqan amuppa Yawe Nug Aisak gumitta na, amegppa aum. “Da am na mamen Abrahamnu Kayak. Da na ele daattep amunu, na aib baɗame. Da Abraham, nug am maɗi nid dahil amu, da nuhignu dabmak anuqak aottem amunu, da na itidkkul. Da heppi, na buɗunad ag kuɗum bekkulag,” awa aum.

Genesis 28:4

amu Kayak, Abraham itittak ena mettom amu, Nug heeb, itittak ena amu na beɗunppa dayebeb, na wan laihnu danab wan imuppa gemu daattem ele amu, Kayak, Abraham amegppa aum bia, na wan imu aokkutnu ool daatte,” awa aum.

Genesis 35:27

Aria, Jakop nug aha, nug mameg Aisak Mamre dayeye, nug nug gumitta noa dayom. Mamre am aab laa onig Kiriat Arba guguittak dayom. Kiriat Araba onig laa am Hebron. Anukka Abraham, Aisak ele Hebron appa daadpiɗ.

Genesis 36:7

Aɗinu? Jakop, Esau ele amu, aa oh keeke, doɗ ele kuɗum amunu, aa wan laippuppa daaglahnu elele iitta.

Genesis 37:1

Amu Jakop nug wan nug mameg anukka daattom ele, nug amuppa dayom. Wan amu onig Kanan.

Genesis 48:4

nug nai inam da amelppa aum. ‘Da heppi, na buɗunad kuɗumnab bena, huu okkai anen anen oh laippu daaglag. Wan imu amu, da na buɗunad madappi, ahilag wan hanhan daakku.’ Nug anam awa, da amelppa aum.

2 Samuel 23:5

Kayak Nug da, da baeladppa ele tituanikkom. Ao, Nug he, da Nug ele i nug tituanɗa, nai qakkamuɗ, hanhan daakkunu heum. Nug tituana nai qakkak amu, am hanhan babaittak anamib daakku. Ao, Nug da hanhan atognoiɗebeb, da ena daappi, nug ele heeb, dahil uɗat am elele gokku.

1 Stori 16:18

Nug Jakop amegppa aum. “Da Kanan wan na medakkul. Ao, da na medappi, wan amuam na aut aakku daakku,” awa aum.

Sam 103:17

Amge Yawe Nug danab ah ag nuhignu ebehilag oh bodoetta le mette ele dilagnu oo mauhaknab tuqa ii awawa, hanhan anamib haaha daatte. Ao, Nug ahilagnu anam oo mauhe, Nug ag alalkad dilagnu, Nug genab tutukku hak kobolnu dabmaama, dim lamidtte.

Sam 105:11

Nug Jakop amegppa aum. “Da Kanan wan na medakkul. Ao, da na medappi, wan amuam na aut aakku daakku,” awa aum.

Sam 105:9

Amuam nug tituana nai qakkak Nug Abraham ele hepiɗ. Ao, amuam aɗi keeke Nug hekkunu Aisak amegppa nuhig nai ɠagattag qetta aum aakku.

Eksodas 13:11

Aria, Yawe Nug Kanan wan ag madakkunu, ag, amu ag mamelkad aɗi ele amelagppa nai ɠagattag qetta aum. Anam amu, Nug geha ag diia omalatteb, ag Kanan danab, ag ahilag wanppa goppeg, Nug wan amu ag madakku amunu,

Eksodas 21:6

aria, gumak danab nuhig nug danab amu awa, Kayaknu mettid lagppa, nug amuppa ukka heeb, nid nug od ukku, ad amuppa hibaitta dayebeb, gumak danab nuhig nug tutuippa nug daug bami otuleb, amu geha nid amu nug danab amu, nuhig maɗi nidib dayeb ukkeb, nuhig mauhak batakku.

Eksodas 29:45

Am geha da ag Israel oolagppa, ahilag Kayak daakkul.

Eksodas 32:13

Na nahipad maɗi nid, am Abraham, Aisak, Jakop ele, na amu dilag dabmenana, na amu dilagnu keeke hekkutnu na oninppa, nahip nai ɠagattag qena ame amu, na nai amu dabmekkutnu oɗ medattem. Na nai ɠagattagnab qakkan, ag amelagppa ame am inam. ‘Da dakka da onilppa nai imu ɠagattag qetten, inam attem. Da geha heppi, ag buɗulkad ag kuɗumnab, hoɗopai daatteb bia bekkulag. Anam amu, da geha ag wan imuppa daatteb ele amu, da wan imu oh ag buɗulkadppa madappi, ag aulag hanhan daakku.’ Na anam ag amelagppa ame,” awa aum.

Eksodas 40:15

amu na ag mamelagppa heme bia, na ag dahil mana mettak uɗat hekkulagnu, na goɗen gokkaɗakppa tituanadkkut. Goɗenppa tituanak amuam, buɗub buɗub doobob, ag buɗulkad dimppa bekkulag amu, ag hanhan dahil mana mettak danab daaglagnu goɗen gokkaɗakppa tituana awak daakku,” awa aum.

Eksodas 6:4

⌊Ag da dooiɗkkulagnu amu, da onil Kayak Nukka Ɠagattag Oh Ele ippuanatten,⌋ da hei, da ag ele nug tituanta nai qakkamut. Nug tituana nai qakkak nai dahil amuppa amu, geha da Kanan wan ag madakkulnu ami. Haen ag appa daappig amu, ag wan amuppa aab aon daappig, amge wan amu ahilag iitta. Ag am wan laihnu danab ah.

Eksodas 6:7

Da geha heppi, ag am dahilad danab ah daappeg, da ahilag Kayak daakkul. Haen amuppa amu, ag da am Yawe, da ag Isip appa maɗi nid maɗi ah ele daappig, da amuppanu uhuqatti, ag hamu, ena daatteb dooglag.

Jeremaia 25:5

Propet amu ag appig. ‘Ag anen anen ag ahilag eheɗ hak digdig hetteb, ag kobol eheɗ digdig dim lamidtteb ele, ag amu tuɗidna hemananu oolag eɗueb, ag hak amu, kobol amu ele ii hekkulag dayeb amu, ag wan imuppa, Yawe Nug ag, amu ag mamelkad aɗi dilag hanhan daakkunu mattom amu, ag aguppa tuɗidna daaglag.

Jeremaia 31:1

Amu Yawe Nug atte. “Dimppa, haen laappa amu, da Israel dilag aab ikki ohnu Kayak daappi, ag am dahilad danab ah daaglag,” awa atte.

Esekiel 11:20

Ag dahil ɗo iɗu iɗu pehettak dabmettan dim lamidkkulag. Ag dahil danab ah daappeg, da ahilag Kayak daakkul.

Esekiel 33:24

“Danab bekka, kekeɗ ag Israel wan heeg nauhom amu, Israel danab ah appa daatteb ele ag inam atteb. ‘Abraham nug danab laippuib, amge Kayak wan imu mette, nug wan imu oh awom, amge ig am kuɗum amunu, genab Kayak he, ig wan imu ihinig daakkunu aomut daattem,’ aon atteb.

Lewitikas 14:34

“Haen ag Kanan wan, wan amuam ag aulag daakkunu madattem amu, haen da ag madappi noppeg, da heppi, geha gi, gaɗa oɗe nau bia, ag laulag qekku.

Lewitikas 16:34

Ɗo imu amu ag Israel danab ah, am ag ahilagnu, hanhannu daatte. Mana mettak danab nug maɗ anen anenppa, haen laippu, hipunin ag heppignu amu, nug hipunin amu haknu nob nau tiigppa iitta meeb elele medakkunu hekkuoitte,” awa aum. Am Moses nug Yawenu nai dim lamitta hekkununab aum amu, nug amu oh dim lamitta heum.

Lewitikas 26:12

Da geha ag oolagppa oikkul; da ahilag Kayak daakkul, ag dahil danab ah daaglag.

Sekaraia 8:8

Ag eɗun, Jerusalem daaglagnu da omaladppi, ag eɗun uɗin daaglag. Ag uɗin dahilad danab ah daappeg, da ahilag Kayak daakkul. Da ahilagnu oo metta ii uuak kobol, nai doya mala hettoɗia epeɗia elele mettak kobol ele dim lamidkkul,” awa atte.

Namba 10:29

Amu haen Israel ag ahan, Sinai uuglagnu heppig amu, danab laa onig Hobap, nug ag ele oh daanna, oidppig. Hobap nug amu Reuel bekka. Reuel nug am Midian danab, nug amu Moses tana. Amu Moses nug oeb Hobap amegppa aum. “Ig am wan laa Yawe Nug megakkunu, nuhig nai anan qakkom amu, ig ahat, amuppa gokkunig hettem. Yawe Nug ig wan amuppa enanag daagnignu nai ana qakkom amunu, na ig ele oh gotu! Ig geha nahipnu enaib hekkunig,” awa aum.

Namba 25:13

amu tituanak amuam iikku. Nug danab ah ag da, Kayak, da diilnu eheɗ doomnanu yag-nab-bak doya heum amu, nug anam heumppa nug Israel danab ah dilag eheɗ haknu nob nau iitta mekkunu he elele mettom amunu, nug, amu nug buɗub ele, ag geha hanhan mana mettak danab daaglagib,” awa aum.

Namba 27:12

Aria, Yawe Nug Moses amegppa aum. “Na Abarim qauko ukkakppa, qauko laa imu tena, na neegppe ukkeb, wan da Israel danab ah mattami amu antte!

Aposel 7:5

Amu Kayak Nug wan imuppa laih nakok laa Abraham eppegppanab daakkunu ii mettom, amge Kayak Nug dimppa wan imu Abraham, amu nug buɗub ele madakkunu nai qakka aum. Amu haen Abraham nug nid iitta oiyeye, Kayak Nug nai amu amegppa qakka aum.

Duteronomi 14:2

Aɗinu? Ag Israel, ag am danab ah, Yawe, ahilag Kayak, Nug ahilagnu, nuhignu tituanak daatteb anadtte. Wanppan danab ah oh oolagppa, Yawe, ahilag Kayak, Nug ag danab ah nuhignab daaglagnu tituanattom. Ag am keeke enanagnab laa bia nuhignu daatteb.

Duteronomi 26:18

Yawe Nug gemu, ag am nuhig danab ah, ag nuhikkudnab danab ah daattebnu atte. Nug anam hekkununab nai anan qakkom, amu Nug ag nuhig haknunab anak nai oh dim lamidkkulagoittenu ag amelagppa aum.

Duteronomi 29:13

Nug gemu ag nuhikkud danab ah daatteb, Nug am ahilag Kayak daatte, Nug ag amu dooglagnu hette. Nug amu genab hekkunu nai nuhig ag amelagppa ana qakkom. Ele amu, Nug ag mamelkad aɗi, Abraham, Aisak, Jakop ele amelagppa amu hekkunu nuhig nai ɠagattag qetta aum.

Duteronomi 32:49

“Na Nebo qauko te! Nebo qauko imuam iikku Abarim qauko ukkakppa, aab Jeriko am Jodan le laih ukkakppa, Moap wanppa ippa ina daatte. Na tena amu, neegppe, Kanan wanppa ukkaɗ. Wan amu da Israel danab, ag aulagnab daakkunu madakkulnu hettem.

Duteronomi 32:8

Laa Attannab Laa Oh Eɗattak, Nug wan anen anen danab mattom. Ao, Nug danab ah wan anen anen matte daappig. Nug amu haaha amu, Nug Israel ag wan elele daaglagnu laa dilag tom ag mattom. Ao, Nug Israel ag ebqak gane daaglagnu dabmaama, wan laa, ag aulag daakkunu, ahilagnu otiom.

Duteronomi 34:4

Yawe Nug Moses amu ippunittowa, nug amegppa aum. “Wan iikku, da Abraham, Aisak amu Jakop ele, ag buɗulkad madakkulnu amelagppa nai ɠagattag qette ami. Gemu da hei, na anidme, amge na wan amuppa ii nomana,” awa aum.

Duteronomi 4:37

Nug ag mamelkad aɗi dilagnu oo mauhom amunu, Nug ag buɗulkad tituanatta, Nug nukka nuhig ɠagattag okkai eleppa Nug ag Isipnu diia, omalatte uɗippig.

Duteronomi 9:5

Amu ag am genab tutukku hak danab, o ag am danab ag dabmak oiyak ahilag ele am tutukkuib amunu, ag wan amu aoppeg, ahilag daakkunu hetteb aib dabmeppig. Iitta. Danab amu ag ahilag hak nau amunu, Yawe, ahilag Kayak, Nug heeb, ag Israel ag ag lamadkkulagnu, Nug ag mamelkad aɗi, Abraham, Aisak, Jakop ele, ahilagnu Nug anam hekkunu nuhig nai ɠagattag qetta aum, amu meu okkunu, Nug anam hekku.

Hibru 9:15

Amunu Kayak Nug danab onilagppa eum ele, danab amu ag itittak ena haen ohnu ele, Kayak anukka Nug bekkod madakkunu nai qakka aum amu, ag amu aoglagnu elele daaglagnu, Kristus Nug nug tituana nai qakkak baunu gamag danab daatte. Kayak Nug amu madakkunu elele daattenu diig am Kristus Nug danab ag nug tituana nai qakkak alag waappa daana, hipunin heppig ele, ag hipunin amuppanu uhuqak aoglagnu mauhom.

Josua 1:2

“Moses, dahil maɗi nid, nug mauhom, akkunu amu, gemu na, aria Israel danab oh ele ag da wan ag madattem ele, ag wan amu aoglagnu, ag Jodan le mataɗkkulagnu babaitteg!

Revelesen 21:7

Laa nug ban eɗidkku amu, da nug imu medakkul. Da nuhig Kayak daakkul; nug dahil nid daakku.