Genesis 17:3 - Nobonob Baibel

³ Kayak Nug anam a amu, Abram nug laippun gateg qaun o, gomela, iɗu wanppa ma daye, Kayak Nug tuɗitta aum.

Genesis 17:3 ပူးပေါင်းရင်းမြစ်များ

Genesis 17:17

Kayak Nug anam a amu, Abraham laippun gateg qaun o, gomela, iɗu wanppa ma dayaya, nug nukka imaama, ooppa aum. “Danab laa nug maɗ 100 ele dayaya amu, nug nid danab aokkute? O Sarah nug maɗ 90 ele dayaya amu, nug nid menukkute?” ooppa aum.

Genesis 18:2

nug neekke ukke, danab ewam ag nakok piɗe bia hippaidna daaegeg anattom. Anatta amu, nug uɗalag tekkunu nug aha, qaiqaɗ gukkuatta ukka, ag noolagppa gateg qaun o, gomela auta awa, iɗu wanppa meum.

1 King 18:39

Aria, haen danab ah oh ag amu anidna amu, ag oh laippun gatelag qaun o, gomelna, iɗulag wanppa mena, ag inam eppig. “Yawe Nugib am Kayak genab, Yawe Nugib am Kayak genab!” aon eppig.

Eksodas 3:6

Kayak Nug anam anana, Nug nai tuɗitta aum. “Da am na mamenad aɗi anukkanu dilag Kayak. Da Abrahamnu Kayak, da Aisaknu Kayak, amu da Jakopnu Kayak ele,” awa aum. Moses nug amu doya, nug iɗu happutom. Aɗinu? Nug Kayak iɗuppa neekka, mauhmanu baɗom.

Esekiel 1:28

Amahlak okkai naɗinab, amuam kaala iɗu iɗu, gu na male, di apinak bette, amubia. Amahlak okkai, kaala iɗu iɗu, amuam Yawenu binag amahlak oppiaawak elenu neekkak, am amubia. Haen da amu antten amu, da laippun gatel qaun oin, gomelen, iɗul wanppa mein, da laa nai mattie doomi.

Esekiel 3:23

Nug da amelppa anam aum amunu, da, Esekiel, da ahen, aab dimittim uɗem naɗippa gomi. Da ukken, da appa Yawenu binag amahlak oppiaawak ele daye anidmi; binag amahlak oppiaawak ele tatam da le Kebar guguittak dayeye anidmi, da amu antten, da laippun gatel qaun oin, gomelen, iɗul wanppa memi.

Esekiel 9:8

Danab eblaih laippu ele amu ag amu doon, ag gona amu heegeg, da dakka appa dayeye, da laippun gatel qaun oin, gomelen, iɗul wanppa mein, da Yawe unuqitten inam ami. “O Naɗi Yawe! Na Jerusalem danab ah dilag eheɗ hak anidna, na oppoɗin huan be, bu madattem, amge na heppe, Israel danab oɗo yaak daatteb amu, na heppe, ag ohnab mauhkkulagte?” awe ami.

Daniel 10:9

Da anam daaiyi, danab da anidmi nug digma nai mattieye, da nuhig nai doyeye, da mauhak bia nein qein, iɗul wanppa mei dayom.

Namba 14:5

Ag anam aeg amu, Moses, Aron ele aa Yawe unuqidkkulahnu, Israel danab ah laa oh daappig noolagppa laippun gatelah qaun o gomelya iɗulah wanppa mepiɗ.

Namba 16:22

Yawe Nug anam aum, amge Moses, Aron ele aa laippun gatelah qaun o gomelya iɗulah wanppa meya, aa Kayak unuqidya apiɗ. “O Kayak, na danab ah oh dilag Kayak. Na danab laippuib hipunin heeb amu, danab ah oh imu dilagnu oo nauhak doon, eheɗ hadakkutte?” aoya apiɗ.

Namba 16:45

“Aa qe meya, danab ah imu uuadya waya, laih daapeɗ, da laippun heppi, danab ah imu mauhkkulag,” awa aum. Yawe Nug anam aum, amge Moses, Aron ele aa gatelah qaun o gomelya iɗulah wanppa mepiɗ.

Matyu 17:6

Awa a amu, ippunittak awak danab ag nai amu doona, ag eheɗ nau baɗan, nena qena, iɗulag wanppa lokkumidna niippig.

Josua 5:14

Josua nug anam oɗ mette amu, danab amu nug nob ma aum. “Da ahilagnu laa iitta; da kekeɗ dilagnu laa ele iitta. Aɗinu? Da Yawenu ban daup ikki daattem,” awa aum. Nug anam a amu, Josua laippun gateg qaun o, gomela, iɗu wanppa ma, nug aum. “Da amu nahip maɗi nid laa. O naɗi, na da aɗi nahip hekkulnu oot daatte?” awa aum.

Revelesen 1:17

Da Nug anam anttena, mauhak bia Nug baegppa nein qemi. Amge Nug eppeg naɗiap da qaɗelppa ma dayeye, Nug da amelppa aum. “Na aib baɗame. Da hanhan daattem; anuqakppa, batakppa ele da daattem.

Ikki Danab 13:20

Amuam aab dittiak qaɗabppanu attannab teete amu, Yawenu engel nug aab amu ooppa ta ukkom. Ukke, Manoa nug wau ele aa amu anidya, aa laippun gatelah qaun o gomelya iɗulah wanppa mepiɗ.