Genesis 17:23 - Nobonob Baibel

²³ Kayak Nug eɗua te, Abraham nug deɗ amuppa Ismael, danab ag nug laugppa daappig ele amu, nug Kayak aum bia ag gaɗalag otaɗattom. Danab oh ag anilkad ag nug laugppa menuadppig, amu danab atu laihnu ele nuhig men doɗoppa diiak, nug ag oh gaɗalag otaɗattom.

Genesis 17:23 ပူးပေါင်းရင်းမြစ်များ

Genesis 14:14

Anam Lotnu a, Abram nug kekeɗ ag Lot aɗan, aon goppig doyowa, nug nuhikkud ban hak danab 318, ag anilkad Abram laugppa daanna menuadppig ele, nug ag onilagppa eum. Onilagppa e, ag Abram ele ahan, ag king waɗele dim lamadna, Dan aabppa batak goppig.

Genesis 17:9

Kayak Nug anam awowa, Nug Abraham amegppa baula aum. “Nahipnu, amu na, na buɗunad dilag ele, ag dahil nug tituana nai qakkak nai buɗub buɗub doobob dim lamidkkulagoitte.

Genesis 18:19

Aɗinu? Da Abraham doottem, nug, nug bekkod, nug laugppanu ele, ag da, Yawe, ag dahil ib dim lamidkkulagnu ippunadkku. Ippuanatteb, ag kobol tutukku, amu nai doya mala hettoɗia epeɗia elele mettak kobol ele dim lamidkkulag amunu, da nuhigppa aɗi hekkulnu nai ain qakkami amu, da amu hekkul,” awa aum.

Genesis 34:24

Hamor, Sekem ele anam mattieh, danab qagmakppa daappig amu, ag doona appig. “Ena, ig anam hekkunig,” aon appig. Awona, ag ahan, danab ahilkad amu oh gaɗalkad otaɗppig.

Sam 119:60

Nahip ɗo, da aɗi keeke hekkulnu atte amu, da pahanab dim lamitte hekkul. Da ameg mein daappi ukkeb haknu amu, da amu ii hepa.

Prowerb 27:1

Na aib na nakka binan mena, “Da genabnab butti uɗat okkai inamnab iikku hekkul,” ame; amunu diig am, butti aɗi bekku amu, na ii doottem.

Eklisiastis 9:10

Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

Aposel 16:3

Amu Pol nug Timoti antta, oh gokkulagnu oo dayom, amge Juda ag appa daappig ele amu ag dooppig, Timoti mameg nug am Grik danab amu Grik danab ag gaɗa otaɗak ii hetteb amunu, Juda ag oolag nauhmanu Pol nug aha, Timoti gaɗa otaɗom.

Galesia 5:6

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Nuhigppa keeke laippuib am okkai daatte. Amuam danab nug ooppa genab doya, laa dilagnu oo mauhtte.

Galesia 6:15

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Kayak Nug he, ig danab Kristusnu uɗat okkaippa bau menuak aot daattem amuib am keeke ena, keeke genabnab daatte.