Genesis 17:21 - Nobonob Baibel

²¹ Amge Sarah dimppa maɗ imu uueb, maɗ laa amuppa haen inamppa, nug nid nahip Aisak menukku; amu nug tituana nai qakkak nai dahil am nuhigppa daakku,” awa aum.

Genesis 17:21 ပူးပေါင်းရင်းမြစ်များ

Genesis 17:19

Abraham anam a, amu Kayak Nug aum. “Ao, amge na waat Sarah nug na bekkat menukku. Menueb, na nug onig Aisak ataɗkkut. Anam amu, nug tituana nai qakkak nai dahil am nug, nug buɗub dim dokkulag ele, am ag oh ele haen oh daakku.

Genesis 18:10

Abraham anam a amu, ag oolagppan laa nug aum. “Maɗ imu uueb, maɗ laa amuppa, haen inamppa da geha eɗue uɗippi, amu haen gamag amuppa nahip ah Sarah nug nid danab aweb daakku,” awa aum. Nug anam aawo amu, Sarah nug danab amu dimugppa peh lag ooppa dayaya nai amu doyom.

Genesis 18:14

Da Yawe, da keeke oh hekkulnu elele iittate? Da matu ami, amubia, haen da memippa, haen amuppa da geha eɗue uɗippi, amu haen gamag amuppa Sarah nug nid danab aweb daakku,” awa aum.

Genesis 21:1

Aria, Abraham nug wau Sarah ele aa oieheh, Yawe Nug Sarahnu oo bodoette enanag maɗoɗ ele hak kobol dim lamitta, Nug anukka Sarahnu keeke hekkunu nai anan qakkom amu, Nug heum.

Genesis 46:1

Jakop anam awowa, nug aha, keeke oh babaitta, nug baekkudppa oh omalatta, keeke oh nuhignu dayom ele awa ukka, Berseba appa doɗ manatta, nug mameg Aisaknu Kayak mettom.

Genesis 48:15

Nug anam hewowa amu, nug ⌊nid aɗit itittak ena inam mata, amuppa nug ele⌋ Josep itittak ena mettom. Nug itittatta aum. “Kayak, da mamel Aisak, da alal Abraham ele Nug noobppa oittapiɗ; Kayak, Nug da bau dayak dahil oh gumiɗaɗa ehaniɗom, gemu ele ehaniɗtte;

Job 14:13

O Kayak, na mauhak abenppa lokkumiɗppe, nahip oo nauhak iitta meeb, na eɗun maɗeɗilomnu ool daatte. Ao, na haen adekkunab eɗun ehaniɗppe, da ena daakkulnu haen tituanna, haen amuppa na dabmeɗan ehaniɗlomnu ool daatte.

Eksodas 2:24

Israel ag anam heeg, Kayak Nug ahilag gayak amu doya, Nug hei, Nug Abraham, Aisak, Jakop ele nug tituanna nai qagappig ele amu, Nug tituana nai qakkak nuhig amu dabmeum.

Eksodas 3:6

Kayak Nug anam anana, Nug nai tuɗitta aum. “Da am na mamenad aɗi anukkanu dilag Kayak. Da Abrahamnu Kayak, da Aisaknu Kayak, amu da Jakopnu Kayak ele,” awa aum. Moses nug amu doya, nug iɗu happutom. Aɗinu? Nug Kayak iɗuppa neekka, mauhmanu baɗom.

Aposel 1:7

Aeg amu, Nug ag amelagppa aum. “Amu ahilagte keeke amunu, ag da Mamel Nug haen deɗ ele aum amu ag dooglag? Iitta. Nug nukka keeke amu gumatte.

Rom 9:9

Kayak Nug nuhig nai qakka aum am inam. “Haen da memippa, haen amuppa da geha eɗue uɗippi, amu haen gamag amuppa Sarah nug nid danab aweb daakku.”

Galesia 3:29

Amu ag Kristusnu daatteb dayeb amu, aria ag am Abraham buɗub aakku daatteb amunu, ag aakku Kayak Nug anukka Abraham amegppa keeke laa heeb bekkunu nai qakka aum amu, ag amu aoglag.

Hibru 11:9

Amu nug Kayaknu ooppa genab doya ukka, wan Kayak medakkunu nai qakka aum, nug atu amuppa aab diig danab iitta laa dayom. Nug peh lag, amuppaib daattom. Aria, nug bekka Aisak, nug alag Jakop ele, aa nug buɗub amu, Kayak Abraham amegppa keeke medakkunu nai qakka aum ele amu, aa nai amu ele aopiɗ. Amu aa ele wan amuppa peh lag ahilti, amuppaib wan amuppa daadttapiɗ.