Genesis 17:11 - Nobonob Baibel

¹¹ Gaɗa otaɗak am da hei, da ag ele nug tituanta nai qakkamutnu at daatte. Amu ag anam hekkulagoitte.

Genesis 17:11 ပူးပေါင်းရင်းမြစ်များ

Genesis 9:12

Kayak Nug nai anam anana, Nug nai laa tuɗitta aum. “Da dahil di apinak lombigppa mettem. Amuam ag danab ahilagnu, doɗ oh dilagnu ele, nug tituana nai qakkak nai dahilnu at daatte. Nug tituana nai qakkak nai amuam hanhannu, iitta ii mema.

2 Samuel 3:14

Dawit nug nai amu Apner dookkunu me ukke, nug ele nai imu Isboset dookkunu nuhig nai awa ukkak danab laa eppelagppa me goppig. Nai amuam inam. “Na heppe, dahil ah Mikal nug dahilppa uɗiaɗ! Anukka da nug aokkulnu da Saul aum bia, da ukken, Pilistia ban danab 100 aqai mauhppig. Mauheg, da hipalag gaɗa ele otaɗatten, akke, Saul mettami.”

Eksodas 12:48

Amu danab laa, nug wan laihnu danab nug uɗia, ag oolagppa dayaya, nug da Yawe, dahil Pasowanu Hobul gamag ahak ele hekkunu dabmekku amunu, aria nug heeb, laa nug, nug bekkod, amu danab laa nug laugppa daatteb ele amu, nug ag gaɗalag otaɗeb, nug aakku Israel ted bia dayaya, lakku. Danab laa nug gaɗa otaɗak iitta amu, nug hobul amunu ee ii lama.

Eksodas 4:25

Anam dayom, amge Sipora, Moses wau, nug men aeg hawaɗnab laa awa, nug nid danab nuhig hipab gaɗa otaɗa awa, Moses baeg amuppa lauɗittowa, nug aum. “⌊Na mauhmananu da bekkal gaɗa otaɗmi⌋ amunu, gemu na tiigppa da gamul, bau eɗun daattem,” awa aum.

Aposel 7:8

Kayak Nug anam aum dimppa, Nug nug tituana nai qakkak ha, ɗo laa Abraham metta, Abraham amu nug buɗub ele ag oh gaɗalag otaɗadkkulagnu aum. Kayak aum amunu dimppa Abraham nug bekka Aisak menua, deɗ eblaih ewamppa gaɗa otaɗom. Aria, Aisak nug Jakop menua, gaɗa otaɗe, Jakop nug dimppa bekkod 12 menuatta, gaɗalag otaɗom.

Rom 4:11

Nug gaɗa ii otaɗom, haen amuppa nug ooppa genab doye, Kayak Nug nuhignu, “Genab tutukku hak danab,” awa ana, Nug amunu epponak keeke daakkunu Nug Abraham gaɗa otaɗkkunu aum amunu, Abraham nug am danab oh, ag gaɗalag ii otaɗppig daanna, Kayaknu oolagppa genab dootteb, Kayak ahilagnu, “Genab tutukku hak danab,” atte ele amu, nug ag mamelag anuqak daatte.

Duteronomi 10:16

Amunu ag Yawe dim lamidkkulagnunab dabmak aona henana, ag aib oɗe ii dim lamidmananu dabmak ahilag ɠagattag eppak dayom.

Josua 5:3

Yawe Nug anam Josua amegppa aum amunu, Josua nug qep menppa hatta, Israel danab laa ag tatam gaɗalkad ii otaɗppig amu, ag gaɗa otaɗak aoppig. Nug Gibert Haralot, appa anam heum.