Genesis 17:10 - Nobonob Baibel

¹⁰ Dahil nug tituana nai qakkak nainu at am gaɗa otaɗak, amu na, na buɗunadppan danab ele ag gaɗa otaɗak aoglagoitte.

Genesis 17:10 ပူးပေါင်းရင်းမြစ်များ

Genesis 17:11

Gaɗa otaɗak am da hei, da ag ele nug tituanta nai qakkamutnu at daatte. Amu ag anam hekkulagoitte.

Genesis 17:23

Kayak Nug eɗua te, Abraham nug deɗ amuppa Ismael, danab ag nug laugppa daappig ele amu, nug Kayak aum bia ag gaɗalag otaɗattom. Danab oh ag anilkad ag nug laugppa menuadppig, amu danab atu laihnu ele nuhig men doɗoppa diiak, nug ag oh gaɗalag otaɗattom.

Genesis 17:27

Abrahamnu maɗi nid laala ag anilkad nug laugppa menuadppig, laala nug wan laihnu daden meum ele, ag oh ele deɗ amuppa gaɗa otaɗak aoppig.

Genesis 21:4

Aria, deɗ eblaih ewamppa Abraham nug Kayak hekkununab aum bia Aisak gaɗa otaɗom.

Genesis 34:15

Anam daatte amunu, ig na ah amu aokkutnu ɗo laippu inam mettem. Aa, ahilti danab ele amu, ag oh gaɗalkad otaɗna, ig bia daaglag.

Genesis 34:22

Anam aakku, amge ag ig anam hekkunignu ɗo laippu meppig. Ig ag hettebbia, ig gaɗankad otaɗpput, aria ig ag ele, elele laippu oignig.

Eksodas 12:48

Amu danab laa, nug wan laihnu danab nug uɗia, ag oolagppa dayaya, nug da Yawe, dahil Pasowanu Hobul gamag ahak ele hekkunu dabmekku amunu, aria nug heeb, laa nug, nug bekkod, amu danab laa nug laugppa daatteb ele amu, nug ag gaɗalag otaɗeb, nug aakku Israel ted bia dayaya, lakku. Danab laa nug gaɗa otaɗak iitta amu, nug hobul amunu ee ii lama.

Eksodas 4:25

Anam dayom, amge Sipora, Moses wau, nug men aeg hawaɗnab laa awa, nug nid danab nuhig hipab gaɗa otaɗa awa, Moses baeg amuppa lauɗittowa, nug aum. “⌊Na mauhmananu da bekkal gaɗa otaɗmi⌋ amunu, gemu na tiigppa da gamul, bau eɗun daattem,” awa aum.

Jeremaia 4:4

Ge, ag Juda danab ah, Jerusalem danab ah ele, ag ahilag hak nau ohnab uuna, tutukku oiyeg! Ag gaɗa dimittimppaib aib anam heppig. Iitta. Ag genabnab genab oolag unuqag, amuppa anam heig! Ag amu ii hekkulag dayeb, ag ahilag hak nau, diig amunu dahil oppoɗi bak ba, aab huan ewewe, laa heeb qauhkkunu elele iitta, am amubia daakku,” awa atte.

Jon 7:22

Ag alalkad ag digmena Kayak oɗe dim lamidna, gaɗa otaɗak heegeg uɗie, Moses nug ɗo naippa meum daatte, amunu ag ele Sabat deɗppa uɗat henana, nid naunau gaɗalkad otaɗtteb.

Aposel 7:8

Kayak Nug anam aum dimppa, Nug nug tituana nai qakkak ha, ɗo laa Abraham metta, Abraham amu nug buɗub ele ag oh gaɗalag otaɗadkkulagnu aum. Kayak aum amunu dimppa Abraham nug bekka Aisak menua, deɗ eblaih ewamppa gaɗa otaɗom. Aria, Aisak nug Jakop menua, gaɗa otaɗe, Jakop nug dimppa bekkod 12 menuatta, gaɗalag otaɗom.

Rom 2:28

Amu danab laa nug beɗuppaib Juda daatte, nug amu Juda danab genab iitta. Amu gaɗa otaɗak kobol amu beɗuppanuib kobol iitta.

Rom 3:25

Anukka Kayak Nug eheɗ haknu nob elele eɗua mettak uua, danab dilag hipuninnu nob nau paha ii mattom amunu, Nug tutukkuib daatte, Nug amu ippunigkkunu haaha, Nug ig aun laa ig Jesus tiigppanu oonigppa genab doottem, Jesus Nug ihinig eheɗ haknu nob nau Nug tiigppa iitta mekkunu heeb elele medakkunu Nug tituanom.

Rom 3:28

Aria, ig inam attem. “Danab nug ooppa genabib dootte ele amu, Kayak Nug nuhignu, ‘Genab tutukku hak danab,’ awa akku,” aot attem. “Amu danab nug ɗo dim lamidtte, Kayak Nug nuhignu, ‘Genab tutukku hak danab,’ ii ama,” aot attem.

Rom 3:30

Aɗinu? Kayak laippuib daatte. Anam amu, Nug danab gaɗa otaɗak ele, Nug danab amunu ooppa genab doyak, diig amunu, Nug danab amunu, “Genab tutukku hak danab,” awa akku. Amu danab nug gaɗa ii otaɗak ele, Nug danab amu ele, nuhig ooppa genab doyak, diig amunu, danab amunu, “Genab tutukku hak danab,” awa akku.

Galesia 3:28

Amunu gemu Juda danab, Grik danab ele, begbeg maɗi nid, begbeg maɗi nid iitta ele, danab amu ah ele, ag oh elele eleleib daatteb. Ag oh Jesus Kristusnu daan, laippu daatteb.

Galesia 6:12

Danab laala ag onilag okkai ele daaglagnu hetteb, ag Galesia danab ag gaɗalag otaɗkkulagnu wagainab metteb ele amu, ag diig laippuppaib hetteb. Amuam inam. Ag danab laala ag Kristus ad emaitakppa ehanigkkunu mauhom oolagppa genab ii dootteb dabmenana, eheɗ hattamnanu gaɗa otaɗaknu nai amu huana maditteb.

Epesus 2:11

Aria ag iitta aɗi, anukka Juda, ag akka eppelagppa ag beɗulagnu gaɗalag otaɗtteb ele amu, ag ahilagnu amu, “Ag gaɗalag ii otaɗtteb ele,” aon adappig amu, ag iitta aɗi ag anukka attem daadttappig amu daulagppa doaɗ!

Duteronomi 10:16

Amunu ag Yawe dim lamidkkulagnunab dabmak aona henana, ag aib oɗe ii dim lamidmananu dabmak ahilag ɠagattag eppak dayom.

Duteronomi 30:6

Ag Yawe, ahilag Kayak, Nug ag meulag ohppa, oolag ohppa ele nuhignu oo mauhak doona, ag bau daaglagnu, Yawe Nug heeb, ag, ag buɗulkad ele ag oolag oppiaawak ele daaglag.

Pilipai 3:3

Aɗinu ag amu dilagnu dabmena autna aoglag? Ag am gaɗa otaɗak danab genab iitta. Ig Kayak Ouɗippa Kayak noobppa dup nota binag meta, ig Kristus Jesusnu uɗatppa aakkuib ig padal mematanu ehanittak aognignu dabmeta, ig beɗunignu kobol ig ehanigkkunu elele oonigppa genab ii doottem ele amu, ig ikka am gaɗa otaɗaknu kobolnu danab genab daattem.

Josua 5:2

Israel danab ah ag Jodan le mataɗeg dimppa, haen amuppa Yawe Nug Josua amegppa aum, “Na menppa qep hattona, na heppe, Israel danab ag tatam gaɗalkad ii otaɗppig amu, ag gaɗa otaɗak aweg!” awa aum.

Josua 5:4

Josua nug amu heumnu diig am inam: Israel danab oh ag ban hekkulagnu maɗ elele daan, Isip uun uɗippig ele, ag atu taɗakppa uɗinna, ag mauhadna malappig. Danab amu, ag Isip uun uɗippig amu, ag oh gaɗa otaɗak matu aon malappig, amge ag atu taɗakppa oinna, ahilkad nid danab doppig amu, ag ag gaɗalkad ii otaɗadppig. Danab ag ban hekkulagnu maɗ elele daan, Isip uun uɗippig amu, ag Yawe oɗe ii dim lamidppig amunu, Nug ag wan laa, wan amuam wan enanag, wan ittag ele, amuppa ee meu huana otte amu, Nug ag wan amu ii anidmananu Nug onigppa nuhig nai ɠagattag qetta aum amunu, danab ag Israel atu taɗakppa maɗ 40 oinna, danab amu ag mauhegeg ukke ukke, ag oh mauhadna malaeg, ag bekkalkad aakku daappig. Wan ag mauhna, ii anidppig am Kanan wan. Yawe Nug danab ag Nug oɗe ii dim lamidppig mamelkad aɗi amelagppa wan amu ig megakkunu nuhig nai ɠagattag qetta aum. Danab amu ag Yawe oɗe ii dim lamitteg, Yawe Nug ag wan amu ii anidmananu a, ag atu taɗakppa oinna, ag, ag bekkalkad gaɗalkad ii otaɗadppig ele, bekkalkad ag aakku anam daaeg, Josua nug ag gaɗa otaɗak awaknu aakku heum. Aɗinu? Ag matu gaɗa otaɗak ii aoppig; ag mamelkad atu taɗakppa oinna, ag gaɗalkad ii otaɗadppig.