Genesis 16:2 - Nobonob Baibel

² amunu, nug Abram amegppa inam aum. “Na doottem, Yawe nug he, da ah mattoi daattem amunu, na goppe, maɗi ah dahil ele oiyya, nug nid dahil menukkutai.” Sarai nug anam aum amunu, Abram nug Sarai oɗe doyom.

Genesis 16:2 ပူးပေါင်းရင်းမြစ်များ

Genesis 11:30

amge Sarai nug am ah mattoi, nug nid menukkunu elele iitta.

Genesis 17:16

Da nug itidppi, nug na bekkat menukku. Nug wanppan wan laala, king laala ele, nug ag anilag bekku,” awa aum.

Genesis 18:10

Abraham anam a amu, ag oolagppan laa nug aum. “Maɗ imu uueb, maɗ laa amuppa, haen inamppa da geha eɗue uɗippi, amu haen gamag amuppa nahip ah Sarah nug nid danab aweb daakku,” awa aum. Nug anam aawo amu, Sarah nug danab amu dimugppa peh lag ooppa dayaya nai amu doyom.

Genesis 19:31

Ag appa daanna, deɗ laa Lot aɗeg tatamnu nug makkeg amegppa aum. “I mamenih nug kaino meum. Laa ele amu, danab ah wan ohppa ewau daanna oitteb, amge danab laa i ele anam oignignu ippa laa ii daatte.

Genesis 25:21

Aisak wau Rebeka nug nid iitta, nug ah mattoi amunu, Aisak nug Yawe amegppa amunu unuqitte, Yawe Nug he, Rebeka nug oo ele oiyom.

Genesis 3:12

Yawe Kayak Nug anam oɗ mette amu, danab nug aum. “Ah imu na da meɗame amu, nug ad meu meɗe lami,” awa aum.

Genesis 3:17

Yawe Kayak Nug anam awowa, nug eɗua Adam amegppa aum. “Na waatnu nai dim lamidna, ad meu aa ii lamayanunab ami ele lame amunu, na beɗunppa wan am eheɗ laa awaknu anak waappa daatte. Anam daatte amunu, na haen oh ee aokkutnu uɗat okkai guittak ele hekkut.

Genesis 30:22

Aria dimppa, Kayak Nug Rahelnu dabmak awa, unuqittak nuhig ele doya, Nug he, Rahel nug nid menukkunu elele dayom.

Genesis 30:6

Rahel nug aum. “Kayak Nug he, tutukku hak dahil aakku miag atiom. Nug dahil unuqittak doya, nid danab meɗom,” awa aum. Nug anam aum amunu, nug nid onig Dan ataɗom.

Sam 127:3

Antte! Danab bekkod ag am danab mameg aug medatte bia Yawe eppegppanu uɗitteb. Yo, bekkod amu ag am Yawe toppan keeke ena, nob iitta aakku.

Eksodas 21:4

Aria, Israel danab nug Israel ted laa anam daden meeb, maɗi nid amu nug okkai nuhig uɗat heebeb, okkai nug nid amu ah metteb, aa oiyya, nid menuglah dayeb amu, maɗ eblaih aɗitppa ah amu, nid menuattom ele, ag am tuɗidna okkainu daaglag. Danab nukka am uhuqak aokku.

Rut 4:11

Boas anam a amu, Israel dilag ikki danab, amu laala ele daappig, ag oh appig. “Ig aakku anidta, ig laa aɗi heehe anttomnu mattiak danab aakku daattem. Yawe Nug heeb, Rut, nug ah nahip daakku amu, nug Rahel, Lea ele, ah aɗit amu aa buɗulti am ig Israel danab ah, amu ah amu nug ah aɗit amubia ba dayebeb, na aab ikki onig Eprata, na amu dilag oolagppa, Betlehem aabppan danab ah oolagppa ele, na onin ele daakkutnu oonig daatte.