Genesis 15:2 - Nobonob Baibel

² Yawe Nug anam aum, amge Abram nug aum. “O Naɗi Yawe, da enul oh am attem da ehaniɗkku. Aɗinu? Da nid iitta. Da nid iitta amunu, Damaskus danab laa, Elieser, nug da enul oh aokku.

Genesis 15:2 ပူးပေါင်းရင်းမြစ်များ

Genesis 14:15

Ag Dan aabppa gona, Abram nug nuhikkud daup tuqanppa otiatte, ag ban hena, king waɗele eɗadppig. Eɗadna amu, ag lamadna, Hoba aabppa batak goppig. Hoba amu Damaskusnu yawalti uɗitteppanu daatte.

Genesis 15:1

Dimppa Yawe Nug tuleglegppa nuhig nai imu Abram mettom. “Abram na aib baɗame. Guppiɗ nahip, nob ena okkainab awaknu diig nahip ele amu, am da iikkuib,” awa aum.

Genesis 15:3

Na nid ii meɗame amunu, dahil maɗi nid imu nug dahil aben, enul ele aokku,” awa aum.

Genesis 24:10

Aa anam heya maloya amu, maɗi nid nug Abrahamnu kamel eblaih tanig ele, keeke ena ena kuɗum laa elele diiatta, nug aha ukka ukka, nug Mesopatemia, Nahor appagppa ukkom. Abraham Nahor ele, aa am eamag.

Genesis 24:2

Kaino ma, nug nuhig maɗi nid okkai nug Abrahamnu keeke oh gumadttom ele amu, nug nug amegppa aum. “⌊Na ihinig kobol nai ɠagattag qa anaknu, na kobol amu dim lamidna⌋ na eppen da tuɗil waappa mena,

Genesis 25:21

Aisak wau Rebeka nug nid iitta, nug ah mattoi amunu, Aisak nug Yawe amegppa amunu unuqitte, Yawe Nug he, Rebeka nug oo ele oiyom.

Genesis 39:9

Nug laugppa amu, danab laa da ii eɗiltte. Dahil okkai nug nuhig keeke oh da eppelppa meum. Keeke laippuib nug da eppelppa ii meum amu, am naib. Aɗinu? Na am nug wau amunu, attemun da hipunin imu Kayak nuhigppa hekkul?” awa aum. Josep nug anam aum, amge ah nug hanhan Josep amegppa niiglahnu attom.

Genesis 43:19

Ag akka akka anam ana amu, ag ahan, Josep laug odppa gona, appa Josep laug gumak danab amegppa appig.

Genesis 44:1

Ag ee lana malaeg amu, Josep nug laug gumak danab amegppa aum. “Na danab amu, na bek ahilkadppa ee elelenab inan, silwa men doɗo ahilag bek anen anenppa oh eɗun inan matte!

Sam 127:3

Antte! Danab bekkod ag am danab mameg aug medatte bia Yawe eppegppanu uɗitteb. Yo, bekkod amu ag am Yawe toppan keeke ena, nob iitta aakku.

Prowerb 13:12

Danab nug keeke ena laa aokkun daatte, me nug ii aotte amu, nug uug okkai dootte; amge danab nug aɗi keeke aokkun oo huana daatte, nug aotte amu, amuam bauklel adnu meu lanaknu bia aakku.

Prowerb 17:2

Maɗi nid laa doyak dabmak ena ele nug nuhig okkai bekka laa, kobol uɗa nak nau guittak ele hette amu, maɗi nid nug nid amunu gumak daakku; amu maɗi nid doyak dabmak ena ele, nuhig okkai nug bekkod nug aug madatta, nug nid amu ele laa medakku.

Aisaia 17:1

Nai meunab ele Damaskus aab okkaippanu Yawe he, Aisaia doyom ele am iikku. “Antte! Kekeɗ ag geha aab okkai Damaskus heppeg nauheb, geha Damaskus am aab okkai ii daama. Iitta. Ag heppeg nauha, aab amuam geha kinipan ameg okkai hume tak daakku.

Aisaia 56:5

Ag nid ele daalob, nid amu ag daappeg ukkeb, ag buɗulkad, ahilkad nid oolagppan dokkulag amu, ag ahilagnu daulag atikku. Ag anam helob, amge kobol da hekkul amu, ag nid ag anam aolob, am kobol amu eɗidkku. Amuam da onig okkai madappi, danab mettid lag dahilppa uɗat hetteb, dahilad danab ah laa oh ele ag ahilagnu daulag ii atima. Onig da ag madakkul amu, onig amuam hanhan daakku; laa ii tuqa aoma,” awa atte.

Jeremaia 49:23

Damaskus danab ah dilagnu amu, Yawe Nug inam atte. “Danab ah Hamat, Arpat ele daatteb, ag oo uug nau qak dooglag. Aɗinu? Ag nai uug ele aakku dooglag. Ag nai amu doon, ag dabmak kuɗum aon, gai-iitta daaglag. Ag oolag maɗoɗ ele ii daama. Iitta. Ag oolag am yu nug hanhan noa gotte, eɗua bette, ag oolagppa anambia dooglag.

Aposel 7:5

Amu Kayak Nug wan imuppa laih nakok laa Abraham eppegppanab daakkunu ii mettom, amge Kayak Nug dimppa wan imu Abraham, amu nug buɗub ele madakkunu nai qakka aum. Amu haen Abraham nug nid iitta oiyeye, Kayak Nug nai amu amegppa qakka aum.

Rut 2:6

A amu, uɗat gumak danab nug aum. “Nug am Moap ah. Nug Naomi ele, aa Moap wanppanu uɗipiɗ.

1 Samuel 1:11

Hana nug unuqittatta, nug Yawe amegppa genabnab hekkunu nai anan qakka, inam aum. “O Yawe Nakka Ɠagattag Oh Ele, na nahip maɗi ah, da, na dahilnu dabmenana, da uug nau ele doottem amu, na amu ele dabmenana, na dahilnu daut ii atikku dayeb, na nid danab meɗappe amu, O Yawe, da nid amu, nug haen oh nahip daakkunu, da na medappi, danab laa nug nid amu ikki uɗug iinab otaɗma,” awa aum.