Genesis 15:18 - Nobonob Baibel

¹⁸ Oiye amu, deɗ amuppa Yawe Nug kobol amuppa he, Nug Abram ele nug tituanya nai qagapiɗ. Aa nug tituanya, nai qakkaya, Yawe Nug Abram amegppa aum. “Da wan imu na buɗunad madattem. Tom nuhig amu inam; le nakok onig Isip, tom am amuppanu digma ukka, le okkai onig Yupretis batak.

Genesis 15:18 ပူးပေါင်းရင်းမြစ်များ

Genesis 12:7

Anam daye amu, Yawe Nug Abram gumitta na, amegppa aum. “Da wan imu oh na buɗun madakkul,” awa aum. Anam a amu, aben amuppa Yawe Nug Abram gumitta ukkom amunu, Abram nug Yawe noobppa dup noa binag mekkunu qaɗab qeum.

Genesis 13:15

Aɗinu? Wan oh na anidttem ele imu amu, da na, na buɗunad ele madappi, haen oh ahilag hanhan daakku.

Genesis 2:14

Asiria wanppa, laih ulah kaɗag uɗitteppanu daatte amu, appa le laa gotte; nug onig Taigris. Amu le laa onig Yupretis.

Genesis 24:7

Yawe, Nug hab aabppa Kayak amu, Nug he, da appal diig, amu da mamelad ele uuadmi; Yawe Nugib da amelppa inam hekkunu nuhig nai ɠagattag qetta, inam aum. ‘Da na buɗunadppa wan imu oh madakkul.’ Nug anam aum amunu, Nug engel nuhig meeb, na noomppa anuqa ukka, keeke oh babaitteb, na Aisaknu ah laih uppanu aokkut.

Genesis 26:4

Abraham nug da oɗel, ɗo iɗu iɗu dahil, dahil haknunab anak ele dim lamittom amunu, da heppi, na buɗunad ag kuɗumnab, hoɗoppai bia daan oippeg, wan imu oh da ag madakkul; amu da heppi, na buɗunppa wan ohppan danab ag itittak ena aoglag,” awa aum.

Genesis 28:4

amu Kayak, Abraham itittak ena mettom amu, Nug heeb, itittak ena amu na beɗunppa dayebeb, na wan laihnu danab wan imuppa gemu daattem ele amu, Kayak, Abraham amegppa aum bia, na wan imu aokkutnu ool daatte,” awa aum.

Genesis 35:12

Wan imu da anukka Abraham, Aisak ele matami amu, da gemu na, amu na buɗunadppa ele madattem,” awa aum.

Genesis 50:24

Aria, dimppa Josep nug awakkud amag ele amelagppa aum. “Da mauhkkul hettem, amge Kayak Nug ehanatteb, ag eɗun, Kanan wanppa gokkulag. Kayak Nug Abraham, Aisak amu Jakop ele wan amu madakkunu nuhig nai ɠagattag qa, ag amelagppa mattiom,” awa aum.

2 Samuel 23:5

Kayak Nug da, da baeladppa ele tituanikkom. Ao, Nug he, da Nug ele i nug tituanɗa, nai qakkamuɗ, hanhan daakkunu heum. Nug tituana nai qakkak amu, am hanhan babaittak anamib daakku. Ao, Nug da hanhan atognoiɗebeb, da ena daappi, nug ele heeb, dahil uɗat am elele gokku.

2 Samuel 8:3

Am Dawit nug Rehop bekka onig Hadateser, nug am Soba dilag king amu, nug nug ele ban hepiɗ. Haen Hadateser nug wan laa le onig Yupretis guguittak dayom eɗua gumakkunu nug nuhikkud daup ele appa ukkaegeg amu, Dawit nuhikkud daup ele ag ukkaeg, ag ele ban heppig. Ag appa ban hena, Dawit nug Hadateser eɗittom.

1 King 4:21

Solomon nug ɗo maɗoɗ laala dilag king ele dayom; ɗo maɗoɗ amu gumomnu tom heqo laih aam bedeppanu am, le Yupretis, appa. Aam nodeppa Pilistia dilag wanppa noum. Tom laa yau uɗitteppanu am Isip dilag tom. Wan amu oh en takis bia Solomon mettanna, nug waappa daaegeg ukke, nug mauhe batak.

1 King 5:1

Amu aab okkai Tair dilag king Hiram nug anukka Dawitnu layam ena dayom, nug Solomon nug king daakkunu goɗen gokkaɗakppa tituanak awa, nug mameg Dawit abenabppa king ba daatte, nug amu doyowa, diig aɗit amunu nug nuhikkud ehanittak anuqak danab laala maatte, ag Solomon anidkkulagnu uɗippig.

1 Stori 16:16

Amuam nug tituana nai qakkak Nug Abraham ele hepiɗ. Ao, amuam aɗi keeke Nug hekkunu Aisak amegppa nuhig nai ɠagattag qetta aum aakku.

1 Stori 5:9

Ag anam daanna amu, ag kaɗag uɗitteppanu gona daaeg ukke ukke, atu taɗak laa Yupretis le daugppa daatte, atu taɗak amu daug laih batakppa ele daappig. Ag wan amu ohppa daan oippignu diig am, ag ahilag doɗ Gileat wanppa huana apatppig.

2 Stori 7:8

Amunu Solomon nug Pehppa Dayaknu Hobul deɗ eblaih aɗit ele heum. Nug, Israel danab ah oh ele ag hobul amu heppig. Israel danab ah huanaknab, Lebo Hamat appanu ukka, Isipnu Oolnu Noak batakppanu uɗin daappig.

2 Stori 8:7

Amu Israel wanppa danab ah buɗub laappan, Israel iitta, ag ele daappig. Amuam Hit danab, Amo danab, Peres danab, Hiwi danab, amu Jebus danab ele.

2 Stori 9:26

Nug wan atu oh Yupretis leppanu ukka ukka, Pilistia dilag wannu tom, Isip dilag tomppa batak amu, wan amu oh dilag king ag nug waappa daaegeg, nug ag gumattom.

Esra 4:20

Haen laala king ɠagattag, okkai ele ag Jerusalem appa king daanna, ag le Yupretis heqo laihnu wan oh guman, ag takis, amu en takis bia mettak ele danab eppelagppanu aakku aodppig

Nehemaia 9:8

Abraham nug oo na metta, ii uua dim lamittette, na hee, na nug ele nug tituanya nai qagapiɗ. Na nai qakkak amuppa na Kanan danab, Hit danab, Amo danab, Peres danab, Jebus danab, Girgas danab ele dilag wan aon, Abraham buɗuppud madakkutnu ame. Keeke oh na hettem amu, na kobol genab tutukku dim lamidna hettem amunu, nai na qakkame ele amu, na hee meu oum.

Sam 105:11

Nug Jakop amegppa aum. “Da Kanan wan na medakkul. Ao, da na medappi, wan amuam na aut aakku daakku,” awa aum.

Eksodas 13:11

Aria, Yawe Nug Kanan wan ag madakkunu, ag, amu ag mamelkad aɗi ele amelagppa nai ɠagattag qetta aum. Anam amu, Nug geha ag diia omalatteb, ag Kanan danab, ag ahilag wanppa goppeg, Nug wan amu ag madakku amunu,

Eksodas 2:24

Israel ag anam heeg, Kayak Nug ahilag gayak amu doya, Nug hei, Nug Abraham, Aisak, Jakop ele nug tituanna nai qagappig ele amu, Nug tituana nai qakkak nuhig amu dabmeum.

Eksodas 23:23

Aɗinu? Amu engel dahil nug geha ag noolagppa anuqa ugakka, ag omalatteb gona, ag Amo, Hit, Peres, Kanan, Hiwi, amu Jebus aɗi dilag wanppa teppeg, da geha heppi, danab amu ag oh iitta mekkulag.

Eksodas 3:8

da dahilad danab ah ehanatten, ag Isip danab eppelagppa qagaiettak daamnanu, da omalatten goppi, wan okkai laappa gona, aon daaglagnu nemi. Wan amuam enanag, wan ittag ele, amuppa ee meu huan otte. Wan amuppa amu, gemu Kanan danab, Hit danab, Amo danab, Peres danab, Hiwi danab, amu Jebus danab ele daatteb.

Eksodas 32:13

Na nahipad maɗi nid, am Abraham, Aisak, Jakop ele, na amu dilag dabmenana, na amu dilagnu keeke hekkutnu na oninppa, nahip nai ɠagattag qena ame amu, na nai amu dabmekkutnu oɗ medattem. Na nai ɠagattagnab qakkan, ag amelagppa ame am inam. ‘Da dakka da onilppa nai imu ɠagattag qetten, inam attem. Da geha heppi, ag buɗulkad ag kuɗumnab, hoɗopai daatteb bia bekkulag. Anam amu, da geha ag wan imuppa daatteb ele amu, da wan imu oh ag buɗulkadppa madappi, ag aulag hanhan daakku.’ Na anam ag amelagppa ame,” awa aum.

Eksodas 34:11

⌊Nug tituana nai qakkak amuppa amu, da anam hekkul. Ag Israel amu, ag⌋ haknunab nai oh da gemu ag madakkulnu hettem amu, ag dimib lamitteg! Ag dim lamidppeg, da heppi, ag Israel ag Amo danab, Kanan danab, Hit danab, Peres danab, Hiwi danab, amu Jebus danab ele lamadkkulag.

Eksodas 34:24

Amu geha da heppi, ag Israel, ag danab ah huu laala, ag gemu wan da ag Israel madattemppa daatteb, ag ag lamadppeg, da wan amunu tom okkai ag Israel madakkul. Amu ag maɗ ohppa haen ewam, ag da Yawe, ahilag Kayak, ag da noolppa uɗiglag amu, haen amuppa da heppi, danab laa ag ahilag wan aoglagnu ii dabmemana.

Eksodas 6:4

⌊Ag da dooiɗkkulagnu amu, da onil Kayak Nukka Ɠagattag Oh Ele ippuanatten,⌋ da hei, da ag ele nug tituanta nai qakkamut. Nug tituana nai qakkak nai dahil amuppa amu, geha da Kanan wan ag madakkulnu ami. Haen ag appa daappig amu, ag wan amuppa aab aon daappig, amge wan amu ahilag iitta. Ag am wan laihnu danab ah.

Eksodas 6:8

Da geha ag omalatte ukke, wan da Abraham, Aisak, am Jakop ele madakkulnu eppel humen, nai ain qakkami amu, da wan amu geha da ag madappi, geha wan amu ahilagnab daakku. Da am Yawe,’ ” awa aum.

Aisaia 27:12

Amu haen amuppa am inam bekku. Yawe Nug le Yupretis appanu uɗia uɗia, le onig Isip Le, le amuppa batak Nug danab nug ee aeg, dappunkkeg ele oh laippu daamanu, nug danab ee aeg mumuɗe, piɗe piɗe daattep, amubia Nug Israel danab ah epeɗia, otiatta heeb, laippu ippanu, laippu appanu amu, ag eɗun, ahilag wanppa daaglag.

Aisaia 55:3

⌊O dahilad danab ah,⌋ ag daulag human, da dooiɗna, ag dahilppa uɗieg! Ag bau daaglagnu amu, ag dahilppa doig! Ag anam heppeg, geha da Yawe, da Dawitnu oo mauhaknab doyen dim lamidkkulnu dahil nai ain qakkami amu, da ahilagnu oo mauhaknab amuib dim lamidkkulnu heppi, da ag ele ig nug tituanta nai qagapput, nai qakkak amuam iitta ii mema.

Jeremaia 32:22

Na Israel omaladna, diin uɗin, wan Israel mamelkad aɗi madakkutnu nahip nai ɠagattag qettan mattime amu, na Israel mattame. Wan memetalkad madakkutnu ame amu, wan amuam wan enanag, wan ittag ele, amuppa ee meu huana otte.

Jeremaia 32:40

Da heppi, da ag ele ig nug tituana nai qakkak hekkunig amu, nai qakkak amuam hanhan alet daakku. Nai amuppa da hanhan enaib hadakkul; da kobol amu ii tuqe aopa. Ag da dimeɗan, kayak laa dim lamidmananu da heppi, ag dahilnu ebehilag oh bodoetta le mekku.

Lewitikas 26:42

da geha nug tituana nai qakkak Jakop, Aisak amu Abraham ele hak amunu dabmeinne, wannu ele dabmekkul.

Lewitikas 26:45

Da ag alalkad wanppan wan laalappanu danab ah noolagppa ag Isipnu diie uɗimi. Da ahilag Kayak daakkulnu da hei, da ag ele nug tituanta nai qakkamut. Amu da ahilagnu dabmak anuqak awen, da nug tituana nai qakkak amu dabmekkul. Da daul ii atima. Da am Yawe.” Yawe Nug Moses amegppa anam aum.

Namba 34:5

Asmon appa amu, tom nug nakok piia, oolnu noak laa onig Isipnu oolnu noak, amuppa digma dim lamitta ukka ukka, Mediterenia yuppa nokku.

Aposel 7:5

Amu Kayak Nug wan imuppa laih nakok laa Abraham eppegppanab daakkunu ii mettom, amge Kayak Nug dimppa wan imu Abraham, amu nug buɗub ele madakkunu nai qakka aum. Amu haen Abraham nug nid iitta oiyeye, Kayak Nug nai amu amegppa qakka aum.

Duteronomi 11:24

Am ag wan atten attenppa oiglag amu, wan amu ahilag daakku. Ahilag tom wannu amu, am atu taɗak yau uɗitteppanu appa digma, yawalti uɗitteppanu wana ukka, Lebanon wakku. Amu wan tom kaɗag uɗitteppanu daatte am Yupretis le, amuppa digma, qaban uɗitteppanu ukka ukka, Mediterenia yuppa wakku.

Duteronomi 12:20

Am haen Yawe, ahilag Kayak, Nug nai aum bia ha, wan tom heeb otaleb amu, ag doɗ teppunu baalag tataɗkku amunu, ag inam akkulagtai. “Da doɗ teppu laa lalombia doottem.” Anam dayeb amu, ag teppu labeppeg, oolag didikku am nai iitta. Am elele.

Duteronomi 19:8

Am ag haknunab anak da ag gemu madattem imu, amuam ag hanhan Yawe, ahilag Kayak, ag nuhignu oolag mauheb, nuhig ib aakkuib dim lamidkkulag amu, ag amu hekkulagoitte. Aɗinu? Ag amu hekkulag dayeb amu, Nug tuɗidib wan mattebeb ukkeb, Nug wan oh madakkunu aum madakku. Nug ag mamelkad aɗi amelagppa amu hekkununab nuhig nai ɠagattag qetta aum. Amu anam ba maleb amu, ag ii doyaya qe mauhomnu ehanittak aab okkai ewam laa ele epeɗiglagoitte.

Duteronomi 34:4

Yawe Nug Moses amu ippunittowa, nug amegppa aum. “Wan iikku, da Abraham, Aisak amu Jakop ele, ag buɗulkad madakkulnu amelagppa nai ɠagattag qette ami. Gemu da hei, na anidme, amge na wan amuppa ii nomana,” awa aum.

Duteronomi 7:1

Haen Yawe, ahilag Kayak, Nug ag wan nona aon daaglagnu daatte, Nug amuppa omalatta noa, Nug geha heeb, ag Israel, ag wanppan wan laalanu danab ah appa daatteb ele, ag ag lamadkkulag. Danab amu ag am; Hit danab, Girgas danab, Amo danab, Kanan danab, Peres danab, Hiwi danab, Jebus danab ele. Danab ameg eblaih aɗit ele amu, ag am danab ɠagattag ele, ag eɗattak daatteb.

Hibru 13:20

Aria Kayak, Nug am maɗoɗ diig daatte amu, Nug he, ihinig Naɗi Jesus Nug mauhak oolagppanu eɗua hibaittom. Jesus tiig ne mauhom, amu Kayak Nug Jesus tiigppa nug tituana nai qakkak bau hanhannu ɠagattag qettom. Amu Kayak Nug heeb, keeke ena oh ag nuhig dabmak dim lamidkkulagnu elele daaglagnu ahilagppa dayeb, Nug ig oonigppa aɗi hekkunu oo daatte amu hekkunu ool daatte. Jesus Nug am sipsip gumak danab bia ihinig gumikkak danab anuqak okkai daatte. Binag amahlak oppiaawak ele hanhan alet ele nuhigppa dayaɗ! Genab!

Josua 13:3

Wan amuam Kanan danab dilag wan maha laa aakku. Wan amunu tom am, le Siho, appanu yawalti uɗitteppanu ukka, Ekron wana batak. Le Siho amu, Isipnu tom, Isipnu laih kaɗag uɗitteppanu daatte. Amu Pilistia dilag aab anuqak tanig ele, Gasa, Asdot, Askelon, Gat, Ekron ele amu, aab amu oh wan amuppa daaegeg, ahilkad danab okkai aakku guman daatteb. Ele amu, laih yau uɗitteppanu, Awim danab dilag wan, amu ele ag eɗadna aoglagnu daatte. Aria, laih yawalti uɗitteppanu Kanan danab dilag wan, Meara ukka Apek batak, wan amu oh am ag eɗadna aoglagnu daatte. Meara am Saidon dilag aab laa, amu Apek am Amo dilag tomppa daatte.

Josua 15:4

Asmon waum. Appan amu tom nug ukka, Isip dilag leppa waum. Le amuppanu tom amuam aakku ukka, Mediterenia yuppa noum. Amuam Juda dilag yau uɗitteppanu tom aakku.

Revelesen 9:14

Baag amu engel ebqak 6 trampet ele amu amegppa aum. “Engel waɗele Yupretis le naɗippa qakkalattak daatteb amu diin uhuqatte!” awa aum.