Genesis 14:20 - Nobonob Baibel

²⁰ Ao, Nug na ehanitte, na kekeɗ eɗadme amunu, ig Nug onig humatu!” awa aum. Awa a amu, Abram nug keeke oh awom, nug amunu obatak eblaih tanig ele ooppanu obatak laippu Melkisedek mettom.

Genesis 14:20 ပူးပေါင်းရင်းမြစ်များ

Genesis 14:21

Melkisedek nug ititta male amu, Sodom dilag king nug Abram amegppa aum. “Na keeke oh banppa aome amu, na aɗakkut am ena. Danab, ah, nid naunau dahilad oh, kekeɗ diin goppig ele amu, na ag aakkuib eɗun meɗakkutnu oɗ medattem!” awa aum.

Genesis 24:27

“Ig Yawe onig humagnig. Nug am danab okkai dahil Abrahamnu Kayak. Nug Abrahamnu oo mauhaknab kobol, amu Nug oo metta ii uuak kobol ele nuhignu dim lamidtte. Nug da ele ehaniɗom amunu, da Abrahamnu tiig laippu laugppa tutukku uɗimi,” awa aum.

Genesis 28:22

Aben da men eppami ele imu amu, am Kayak noobppa dup noa binag mak aben daakku. Amu Kayak Nug aɗi aɗi keeke oh da meɗeb amu, da amunu obatak eblaih tanig ele ooppanu obatak laippu Kayak medakkul,” awa aum.

Genesis 47:24

Amge dimppa ag ee eppan, haen ag meu aona amu, ag laih tanig ele oppatna, laih laippu Paro metteg! Waɗele laa amu, ahilag tumu eppaknu, amu ag lakkulagnu ele aweg!” awa aum.

Genesis 47:26

Anam beum amunu, Josep nug ɗo inam ma aum. “Ag Isip danab ag ahilag lanaknu oh maɗ ohnu laih tanig eleppa oppatnana, laih laippu Paro mettana, laih waɗele amu ag aweg!” awa aum. Ɗo amu gemu ele ⌊nai imu yaak haenppa⌋ Isip wanppa daatte. Amge mana mettak danab dilagnu amu, Paro nug wan ahilag ii awom amunu, ag ɗo amu waappa ii daappig.

Genesis 9:26

Awowa, nug nai laa ele aum. “Ig Yawe, Semnu Kayak, ig Nug onig humagnignu ool daatte. Amu Kanan nug Semnu begbeg maɗi nid daakkunu ool daatte.

2 Samuel 18:28

Dawit anam a, Ahimas nug qaietta aabppa uɗiaya, nug king amegppa ewa aum. “Keeke oh ena daatte,” awa aum. Nug anam ana uɗia, king noobppa gateg qaun o, gomela, iɗu wanppa ma, nug aum. “Yawe, Nug am nahip Kayak, ig Nug binag metu! Nug he, danab ag na, na am dahil naɗi, dahil king, ag na eheɗ heidkkulagnu heppig ele amu, ig ag eɗadmut,” awa aum.

2 Stori 31:12

Ag anam babaitteg, danab ah ag keeke aon uɗiglagnu oo metta ii uuak kobol dim lamidna, ag keeke Yawenu daakkunu Nug hamu medappig, keeke obatak eblaih tanig ele ooppanu obatak laippu, amu keeke ag Yawenu tituanna medappig ele, ag keeke amu oh aon uɗin, Yawenu mettid lag, amuppa meppig. Anam mena, Lewi buɗubppan mana mettak danab iitta, ag oolagppanu laa onig Konania nug keeke amu gumeme, nug amag Simei nug waappa daya, ehanittom.

Nehemaia 10:37

Laa amu ig ee aeg bau ganuɗe, kalu nette, ee aeg ofanu ee aeg, ad meu digdig, wain bau, olip goɗen ele ig aottem ooppan laa am aot, Kayak laug, amuppa keeke amu ee bakkalenu maknu oo daattebppa amu, ig aguppa mekkunig. Ig amu hetata, ig aɗi ee dattanu keeke aottem, amunu obatak eblaih tanig ele ooppanu obatak laippu ig aot, Lewi buɗubppan mana mettak danab iitta, ig ag mattagnig. Ig aab atten attenppa daat, ihinig uɗat heutut, Lewi buɗub ag keeke amu aoglagnu daatteb amu, diig amunu ig ag appa mattagnig.

Nehemaia 13:12

Da anam hei, Juda danab ah oh ag ee aeg, wain bau, olip goɗen ele aon, obatak eblaih tanig ele ooppanu obatak laippu eɗun digmena aon uɗin, Kayaknu mettid lag, amuppa ee bakkalenu maknu ooppa maadppig.

Sam 144:1

Yawe Nug am kekeɗ niɗamnanu ehanittak dahil daatte. Da Nug humidttem. Nugib ban haknu doyak awaknu ippuniɗtte. Ao, Nugib ban haknu doyak da meɗatte.

Sam 44:3

Amu ag akka, ahilag qep elabppa wan amu ii aoppig. Ge, ag akka ag ahilag ɠagattagppa, kekeɗ wan amuppa daappig ele ii eɗadppig. Amu iitta. Na ahilagnu oo mauhak doome amunu, na ag ele hanhan daan hena, nahip ɠagattag amuppa ehanatte, ag kekeɗ eɗadppig.

Sam 68:19

Ig Naɗi, Nug am ihinig Kayak, ihinig Padal ii maknu ehanittak, ig Nug binag metu! Nug deɗ oh ihinig uug maotte. Sila.

Eksodas 18:10

Jetro Nug nai amu doya, nug aum. “Ig Yawe onig attan humatu! Nug ag ehanatte, ag Paro eppegppa, amu Isip danab ah eppelagppa ele qagaiettak ii daatteb. Ge, Nug nuhikkud danab ah ⌊ag begbeg maɗi nid begbeg maɗi ah ele tuɗidna daamnanu,⌋ Nug ag ehanatte, ag Isip danab eppelagppa qagaiettak ii daatteb.

Amos 4:4

Amu Yawe Nug atte. “Ag ahan, Betel gona, hipunin heig! Ao, ag ahan, Gilgal gona, hipunin baubau tuɗidna heig! Ag buttua oh ahilag mana mettak aon uɗin, qaɗabppa manatteg! Ge, ag maɗ ewam ewamppa ahilkad keekenu obatak eblaih tanig ele ooppanu, obatak laippu aon uɗin, Lewi buɗub matteg!

Malakai 3:10

Amu ee elele da laulppa daakkunu amu, Israel danab ah ag, ag keeke obatak eblaih tanig ele ooppanu obatak laippu amu oh aon, da laulnu ee bakkalenu maknu oo, ag oo amuppa keeke amu oh meig! Ag ma anttak meɗan, anam hekkulag dayeb amu, da hab aabppan itittak ena naɗi madakkul. Da huanaknab madappi, meppeg ambeeb, ag dabmettaglagnu aben elele iitta daakku! Ag anam hena anitteg! Da genab meu heppi beeb anidkkulag!” Yawe Nukka Ɠagattag Oh Ele Nug anam atte.

Malakai 3:8

Amu Kayak Nug atte. “Laa nug da, Kayak, nug dahil keeke yab aokku am enate? Amuam ena iitta, amge ag dahil keeke yab heppig,” awa atte. Nug anam atte, amge ag oɗ mena atteb. “Ig kobol aɗippa nahip keeke yab aomut?” aon oɗmak hetteb. Ag anam aeg, Kayak Nug ag oɗelagppa awa atte. “Ag keeke obatak eblaih tanig ele ooppanu obatak laippu da Yawe, da ii meɗappig; aria, ag doɗ laa manan da meɗaglagnu daatteb amu, ag da amu meɗalob, amge ag anam ii heppig.

Namba 28:26

Yawe Nug anam anana amu, Nug tuɗitta aum. ⌊“Na Israel danab ah amelagppa, ag hekkulagnunab inam appe doyeg!” awa aum. Nug anam a amu, Moses nug Israel amelagppa inam aum.⌋ “Haen ag ee bau digmena aonna amu, ag Ee Tatam Oɗue Digma Awaknu Hobul henana, ag Yawe noobppa qagmena dup nona Nug binag meig! Uɗat ag hanhan hetteb am aib heppig. Ag dad ahilagppanu ee bau aona, ee aeg baunu ofa hena, ag aon, Yawe gumidna wana, Nug mettaglag.

Luk 18:12

Am da haen oh mettid laippu ooppa deɗ aɗit ee ohnu kud mein dayeye, amu da keeke aottem oh amu oppati, ameg eblaih tanig ele neeg, amu da na ameg laippu medattem,’ awa aum.

Rom 15:16

da iitta aɗi ag oolagppa uɗat hekkulnu Kristus Jesusnu maɗi nid bemi. Da iitta aɗi ag Kayak Nug oo daatte amubia daaglagnu, Kayak Ouɗi Nug heeb, ag oppiaawak danab bena daaglagnu, da ag diie, Kayak medakkulnu mana mettak danab bia bein, Kayaknu Nai Ena mehuqttem.

Epesus 1:3

Ig Kristusnu daattem amunu, Kayak Nug ig hab aabppanu itittak ena oh mekkom. Anam amunu, ig Nug, Nug am ihinig Naɗi Jesus Kristus Mameg amu, ig Nug binag metu!

Duteronomi 12:17

Amge ag mana mettak haknu keeke laa ele amu laulkadppa ii lakkulagoitte. Amuam, ag ee aeg, wain bau, olip goɗen bau ele obatak eblaih tanig ele ooppanu obatak laippu am Kayak mettak, aria makau ⌊dawai⌋ tatamnu, sipsip ⌊dawai⌋ tatamnu, meeme ⌊dawai⌋ tatamnu ele, amu nai genab ana qakkaknu ofa, ɗo hamu mettaknu ofa, amu keeke ag Kayak ɗo hamu mettaglagnu dabmetteb ele amu, ag amu oh ag laulkadppa ii lakkulagoitte.

Duteronomi 14:23

Ag keeke obatak eblaih tanig ele ooppanu obatak laippu amu Yawe, ahilag Kayak, Nug ag aben Nug onig aguppa daakkunu epeɗikku amu, ag obatak amu aon, appa gona, amuppa ag Nug noobppa daanna lakkulag. Keeke obatak amuam: ee aeg, wain bau, olip goɗen, doɗ sipsip, meeme, makau ele nalkad ⌊dawai⌋ tatamnu, keeke amu oh. Ag Yawe, ahilag Kayak, ag hanhan nuhignu ebehilag oh bodoetta le mekkunu ippunittak aoglagnu amu, ag keeke obatak 10 ooppan, obatak laippu aon gona, anam hekkulag.

Duteronomi 14:28

Hanhan maɗ ewam uuebeb, ag keeke obatak eblaih tanig ele ooppanu obatak laippu amu, ag akkan wana, appalag diigppa, aab amuppan bakkalen lakka mekkulag.

Josua 10:42

Yawe, Israel dilag Kayak, Nug nuhikkud danab banppa ehanattom amunu, haen tutu laippu amuppaib, Josua nug king appanu eɗattowa, nug wan amu oh awom.