Genesis 14:18 - Nobonob Baibel

¹⁸ Uɗie amu, haen amuppa Melkisedek, Salem dilag king, amu Kayak Attannab Laa Oh Eɗattaknu mana mettak danab ele amu, nug ee, bret, wain ele awa ukka, Abram aɗi ele mattom.

Genesis 14:18 ပူးပေါင်းရင်းမြစ်များ

2 Samuel 2:5

Aeg doya, Dawit nug Jabes Gileat danab dooglagnu nai imu me, ahilagppa ukkom. “Ag Saul, ihinig okkai, ag nuhignu oo mauhaknab doon, ag nug gaɗa aon uɗin boumppig amunu, da Yawe Nug ag itittak ena madakkunu ool daatte.

Sam 104:15

Ee laa am muɗi grep meunu leppu, wain; wain amu he, danab nug gamag ahak dootte. Laa am olip ad meunu goɗen; danab ag aon beɗulag laaitteg ehanadtte. Laa am ee aeg bret haknu; ag ee aeg amu aon, bret hena lawona, ag ɠagattag aotteb.

Sam 110:4

Yawe Nug nuhig nai ɠagattag qetta aum amu, Nug ii baolima. Nug aum. “Na am Melkisedek bia, mana mettak danab hanhannu daattem,” awa aum.

Sam 50:14

⌊Ag hamu doɗ main, Kayak aib medappig. Iitta!⌋ Ag ena heme anaknu ofa hena, Kayak metteg! Ao, ag aɗi keeke Kayak Attannab Laa Oh Eɗattak Nug mettaglagnu ag ahilag nai ɠagattag qettan appig ele amu, ag nai amu dim lamidna, anam heig!

Sam 57:2

Da Kayak Attannab Laa Oh Eɗattak, da Nug unuqidttem. Ao, Kayak, Nug da aɗi hekkulnu maittak awa he, da hettem ele amu, da nuhignu unuqidttem.

Sam 7:17

Da geha Yawe Nug genab tutukku hak kobol dim lamidtte amunu, da nuhignu, “Ena heme,” awe akkul. Da geha Yawe, Nug Attannab Laa Oh Eɗattak amu, da Nug onig humaknu ahi edakkul.

Sam 76:2

Jerusalem amu, Nug appa daatte. Yo, qauko Sion am Nug appag.

Sam 76:3

Am Jerusalem appa Nug kekeɗ dilag lat aeg qiialatta, Nug nuhig kekeɗ dilag guppiɗ, qep elab ele he nauheg, bannu keeke ele he nauhppig. Sila.

Daniel 4:31

Nebukatnesar nug anam mattia dayeye, haen amuppanab baag laa hab attannu na, inam aum. “King Nebukatnesar, laa nug na king daakkutnu ehah aakku aɗitta awom. Ɗo nahipnu aakku anam daatte.

Maika 6:6

Amge da Yawe noobppa ukken daakkulnu amu, da aɗi keeke awe wain medakkul? Ge, da Kayak, Nug am keeke oh ikkilag, da ukken Nug noobppa daakkulnu amu, da aɗi keeke ena awe wain, Nug noobppa gatel qaun oin, gomelen medakkul? Da Nug noobppa wakkulnu amu, da nuhig qaɗabppa manaknu ofa kuɗum manen medakkulte? Ge, da Nug noobppa wakkulnu amu, da makau gaiɗ maɗ laippu awak ele kuɗum nuhig qaɗabppa manen medakkulte?

Namba 18:28

Ib amuppa, Israel laala ag hetteb bia, ag ele ofa hena, Yawe mettaglag. Israel ag ahilkad keekenu obatak eblaih tanig ele ooppanu obatak laippu Yawe mettaglagnu hena, ag ag madatteb, ag Lewi buɗubppan mana mettak danab iitta, ag ele keeke aoppignu obatak eblaih tanig ele ooppanu obatak laippu Yawe mettaglag. Israel madattebppanu, ag obatak eblaih tanig ele ooppanu obatak laippu Yawe mettaglagnu, ag obatak amu mana mettak danab Aron mettaglagoitte.

Aposel 16:17

Nug Pol ig ele dim lamikkakka amu, nug inam ewa aum. “Danab imu amu, ag am Kayak Attannab Laa Oh Eɗattaknu maɗi nid! Kayak Nug attem ha, ig eɗua awikkaknu ib babaittom ippunigtteb,” awa aum.

Aposel 7:48

Amge Kayak Attannab Laa Oh Eɗattak, Nug lag danab hetteb amuppa ii daatte. Amu propet laa nug nai amunu mattiom am inam.

Galesia 6:10

Amunu ig hanhan danab oh ehanadkkunignu ib anidta, ig ehanadtu! Amu ig Naɗinu ooppa genab doyak lainkad dilagppa kobol amubia hekkunignu dabmak aot autta aognig.

Hibru 5:10

Nug anam dayeye, Kayak Nug Nug mana mettak ikki danab, Melkisedek bia daakkunu tituanom.

Hibru 5:6

Kayak naippa yaak laappa amu, Nug inam ele aum. “Na am Melkisedek bia, mana mettak danab hanhannu daattem,” awa aum.

Hibru 6:20

Jesus Nug tatam lag oo amuppa ig ehanigkkunu noum. Nug am mana mettak ikki danab, Melkisedek bia hanhannu beum daatte.

Hibru 7:1

Melkisedek, Salem dilag king, nug am Kayak Attannab Laa Oh Eɗattaknu mana mettak danab. Anukka Abraham nug ban ha, king aqowa, eɗua appagppa ugekke, Melkisedek nug Abraham ibppa nug uɗa ta, itittak ena mettom.

Rut 3:10

Rut nug anam a amu, Boas nug aum. “O aɗel, Yawe itidkkunu ool daatte. Na ahipannu oo mauhaknab doon ehanidnana, gemu kobol amu tuɗidna, kobol ena okkainab hettem. Aɗinu? Na nid bau, danab enub ele, o danab enub iitta amu, na nid bau amu laa aolomnu daame, amge na amu oh na uuna, dahilppa uɗime.