Genesis 14:17 - Nobonob Baibel

¹⁷ Amu Abram nug Kedolaomer, nug laikkud king ewam ele, nug ag eɗatta mala, nug eɗua uɗieye, Sodom dilag king, nug oolnu noak onig Sawe, nug amuppa Abram uɗa tekkunu uɗiom. Aben onig Sawe, onig laa am King laanu Oolnu Noak.

Genesis 14:17 ပူးပေါင်းရင်းမြစ်များ

Genesis 14:1

Haen amuppa Sinar dilag king onig Amrapel, Elasar dilag king onig Ariok, Elam dilag king onig Kedolaomer amu Goim dilag king onig Tidal ele,

Genesis 14:10

Oolnu noak okkai onig Sidim, appa amu moɗ kolta ɗu bia kuɗum daappig. Aria Kedolaomer, nug laikkud king ewam ele ag banppa king tanig ele eɗadppig amunu, Sodomnu king, Gomoranu king ele aa oolya goya, ɗu amuppa neya qeya qettoɗpiɗ. Laa oh amu oolna, qaukoppa goppig.

Genesis 14:5

Tappaeg neum amunu, maɗ 14ppa Kedolaomer, amu nug laikkud king ewam ele ag king tanig ele, ag ag ele ban hekkulagnu goppig. Gonana, ag tatam Repaim danab, Asterot Karnaim daappig amu, ag ag ele ban henana eɗadppig. Eɗadna gona, Susim danab, Ham daappig, amu Em danab, Sawe Kiriataim daappig ele, ag ag ele ban henana eɗadppig.

2 Samuel 18:18

Amu Apsalom ii mauhom haenppa, nug bau dayaya, nug men okkai laa babaitta, nug men amu oolnu noak onig Kingnu Oolnu Noak, aguppa qappe dayom. Nug amu heumnu diig am nug nukka, nug mattia inam aum. “Da nid danab iitta amunu, danab ah oh ag dahilnu daulag ii atimanu, da men imu ag dahilnu dabmekkulagnu hettem,” awa aum. Nug nukka nug onig men amuppa qataqeum, amu haen amuppa, gemu ⌊nai imu yaak haenppa⌋ ele, danab ah ag men amunu, “Apsalomnu at,” aon atteb.

Prowerb 14:20

Laa kuɗum, aria daɗek dilag mudippan laippu ele, ag daɗek danab guhuɗadtteb; amge danab enulag ele ag amu lailkad kuɗum ele.

Prowerb 19:4

Danab nug keeke kuɗum ele daatte amu, nug laikkud kuɗum ele; amge daɗek danab nug laikkud ag nug uuidna gotteb.

Hibru 7:1

Melkisedek, Salem dilag king, nug am Kayak Attannab Laa Oh Eɗattaknu mana mettak danab. Anukka Abraham nug ban ha, king aqowa, eɗua appagppa ugekke, Melkisedek nug Abraham ibppa nug uɗa ta, itittak ena mettom.

Ikki Danab 11:34

Jepta aɗi ag Amon anam eɗadna, Jepta nug appag diig Mispa eɗua ukke amu, antte! Nug aɗeg nug anidkkunu, tambarin qaaqa, gamag ahakppa goɗaɗa anuqa, nug uɗa teum. Nug aakkuib am nuhig nid. Nug nid danab, o nid ah laa iitta.

1 Samuel 18:6

Dawit nug Pilistia danab qe mauhe, dimppa Saul nug nuhikkud ban danab ele ag Pilistia danab lamadna malona, ag bannu keeke oh hena malona, aria gemu ag eɗun appalkad anen anen ukkaegeg amu, Israel aab ohppanu ah ag ahan, aab uun gona, ibppa King Saul aɗi uɗalag tena, ag gamag ahak ahi ettanna, ag tambarin henana, musik haknu keeke laappa ele henana, ahi goɗappig.