Genesis 14:15 - Nobonob Baibel

¹⁵ Ag Dan aabppa gona, Abram nug nuhikkud daup tuqanppa otiatte, ag ban hena, king waɗele eɗadppig. Eɗadna amu, ag lamadna, Hoba aabppa batak goppig. Hoba amu Damaskusnu yawalti uɗitteppanu daatte.

Genesis 14:15 ပူးပေါင်းရင်းမြစ်များ

Genesis 15:2

Yawe Nug anam aum, amge Abram nug aum. “O Naɗi Yawe, da enul oh am attem da ehaniɗkku. Aɗinu? Da nid iitta. Da nid iitta amunu, Damaskus danab laa, Elieser, nug da enul oh aokku.

1 King 15:18

Anam daaegeg, Asa nug Yawenu mettid lagnu en maknu oo anen anenppa, kingnu lag enanagnab, appanu en maknu oo anen anen eleppa silwa, gol, o men doɗo daatte amu, nug amu oh awa, nuhikkud ehanittak anuqak danab matte, ag aon, Aram dilag king Benhadat, Damaskus dayom, ag nug mettaglagnu Damaskus goppig. Benhadat mameg amu Taprimon, nug alag am Hesion.

Sam 112:5

Danab nug keeke nuhig laa madakkunu oo ii qe ehanadtte, nug men doɗo nuhig awa, lon ha laa madatte, nug aɗi keeke hette ele amu, nug nai doya mala, hettoɗia epeɗia, elele mettak kobol dabmaama hette ele amu, nuhignu am ena.

Aisaia 17:1

Nai meunab ele Damaskus aab okkaippanu Yawe he, Aisaia doyom ele am iikku. “Antte! Kekeɗ ag geha aab okkai Damaskus heppeg nauheb, geha Damaskus am aab okkai ii daama. Iitta. Ag heppeg nauha, aab amuam geha kinipan ameg okkai hume tak daakku.

Aisaia 7:8

Aɗinu? ⌊Aram, Israel ele ag am genab ɠagattagnab iitta.⌋ Aram dilag aab ikki am aab okkai onig Damaskus aakkuib. Amu Damaskus ikki am Resin aakkuib. ⌊Amu aa oh am ɠagattagnab iitta.⌋ Israel dilag aab ikki am aab okkai onig Samaria aakkuib. Amu Samaria ikki am Remalia bekka Peka aakkuib. ⌊Amu aa oh am ɠagattagnab iitta.⌋ Anam amu, Aram, Israel ele ag ɠagattag ii daan, nena qekkulag. Ge! Maɗ 65 ii ukkak, Israel ag nena qena, huu laippu ii daamna. Amu Juda ag nai dahilnu oolagppa genab ɠagattag ii dooglag dayeb, ag nena qekkulag; ag hippaidna ii daamna.” ’ ” Naɗi Yawe Nug anam awa aum.

Jeremaia 49:23

Damaskus danab ah dilagnu amu, Yawe Nug inam atte. “Danab ah Hamat, Arpat ele daatteb, ag oo uug nau qak dooglag. Aɗinu? Ag nai uug ele aakku dooglag. Ag nai amu doon, ag dabmak kuɗum aon, gai-iitta daaglag. Ag oolag maɗoɗ ele ii daama. Iitta. Ag oolag am yu nug hanhan noa gotte, eɗua bette, ag oolagppa anambia dooglag.

Esekiel 27:18

Damaskus danab ag nahip keeke digdig ag wain, aben onig Helbon appanu, amu sipsip uɗig, aben onig Saha, appanu ele aon uɗin, amuppa keeke nahip aoglagnu daden meppig.

Esekiel 47:16

Appanu tom amuam ugakka, Beota, Sibraim ele tekku. Aab Sibraim am Damaskus, Hamat ele dilah tomppa daatte. Aria, appanu tom amuam ukka, Haser Hatikon tekku. Aab amuam Hauran tomppa daatte.

Aposel 9:10

Nug anam dayeye, danab laa nug Jesusnu ooppa genab doyom ele, nug Damaskus appa dayom, nug onig Ananias. Nug dayeye, Naɗi nug onig diia, “Ananias,” awa aum. Awa a aakku nug oɗeppa awa aum. “Naɗi, da ina daattem,” awa aum.

Aposel 9:2

amegppa a, nug Juda dilag nai doyak lag Damaskus daatteb, amunu ikki danab anen anen dilag pas Saul mettom. Pas amuppa nug inam yom. “Saul nug danabte, iitta ahte ag Jesusnu oolagppa genab dootteb ele appa anadkku, nug hippalatta diia, Jerusalem uɗikku,” ana yom.

Aposel 9:8

Nug nai mattia male, aria Saul nug wanppanu aha gokkunu neekkom, amge nug ameg gatatu mane, ag nug eppeg aɗan, omalna Damaskus noppig.

Duteronomi 15:2

Ag inam iikku hekkulag. Danab ag lon Israel laala dilagppa heppig amu, ag lon heppig amu otaɗkkulagoitte. Ag laa lon madappig amu, ag laa lon aoppig, ag ag eɗun nob mekkulagnu ii amana. Aɗinu? Haen amuppa ag laa nug ag amu ii hak haenppa amelagppa a doon malappig doon, ag aakku Yawe ag hekkulagnu aum bia haen doum daatte doon, ag anamib hekkulag.

Ikki Danab 7:16

Nug amu ha malowa, nug 300 danab amu obate, ameg ewam daaeg, nug danab anen anen trampet matta, wan hinai, ooppa aɗitai laa iitta, amahlaknu hul amotak ele aakkuib dayeye, nug amu ele ag mattom.