Genesis 13:9 - Nobonob Baibel

⁹ Wan okkai niitte amunu, i aben laippuppa ii daamɗa. Na amen humana, neegppe ukkeb, atu oh antte! Anidna amu, na nanehppa gokkut, da naɗiap-ppa gokkul. O iitta, na naɗiap-ppa gokkut amu, da nanehppa gokkul,” awa aum.

Genesis 13:9 ပူးပေါင်းရင်းမြစ်များ

Genesis 13:10

Anam a amu, Lot nug neekke ukke, Jodannu uɗem anttom. Uɗem amuppa amu, le kuɗum ele. Anttak nuhig am Yawe Iden wanppa dad enanag heum bia, o Isip wan, Soar guguittak daatte ele, amubia. Haen amuppa Yawe nug aab okkai aɗit onilah Sodom, Gomora ele ii he nauhpiɗ.

Genesis 13:8

Uug anam daye amu, Abram nug Lot amegppa aum. “I amu diig laippu amunu, a ona a doak i oonihppa, ihinih maɗi nid oolagppa ele aib dayom.

Genesis 20:15

Mettowa amu, nug Abraham amegppa aum. “Wan imu oh dahil. Na aben laa anidna daakkutnu oot heeb, am daakkut,” awa aum.

Genesis 34:10

Ag ihinig wanppa ig oonigppa daanna oippeg daagnig; ag amu hekkulagnu od matulakib daatte. Ag ig ele wan imuppa daappeg, ig daden mak uɗat hetata, wan imu laih laih aoglag,” awa aum.

Sam 120:7

Da maɗoɗ daagnignu aiyi, ag bannu aakkuib maditteb.

Jeremaia 40:4

Gemu da hei, sen eppenppa qakkak ele am uhuqakib daatte. Na uɗippe, da ele oh Babilon gokkunihnu oot hette dayeb amu, oh goɗa, appa da na atognoidkkul. Amge na anam oiyaknu oot ii daatte dayeb amu, na ii gomana. Nahip-ppa daatte. Antte! Wan imu oh daatte. Na adeppa gokkut am na ukkakib gokkut.” Nebusaradan nug anam awa, Jeremaia amegppa aum.

Rom 12:18

Maɗoɗ dayaknu amu, ag aɗi aɗi heppe, maɗoɗ ba daakkunu daatte amu, ag amu henana, laa dilag ele maɗoɗ daaglagnu ib daatte ele, ag ib amu dim lamitteg!

1 Korint 6:7

Amu ag lailkad ele nug hettoɗina, hettoɗiakppa maadtteb ele amu, amuppa ag nena qetteb. Ag oolagppanu laa nug layagppa eheɗ heeb, nug layag nug hettoɗiakppa ii mekku am ena. Nug nukka uug amu mawa oikku am ena. Hettoɗiakppa mak am ena iitta. O ag oolagppanu laa nug layagnu keeke yab aweb amu, layag nug hettoɗiakppa ii mekku am ena. Nug nukka uug amu mawa oikku am ena. Hettoɗiakppa mak am ena iitta.

Hibru 12:14

Amu ag danab laala ele ag oh maɗoɗ ele daanna oiglagnu uɗat ɠagattag hena, ag oppiaawak kobolppa daaglagnu ele wagai meig! Aɗinu? Danab laa nug oppiaawak iitta ele, nug Naɗi anidkkunu elele iitta.