Genesis 13:8 - Nobonob Baibel

⁸ Uug anam daye amu, Abram nug Lot amegppa aum. “I amu diig laippu amunu, a ona a doak i oonihppa, ihinih maɗi nid oolagppa ele aib dayom.

Genesis 13:8 ပူးပေါင်းရင်းမြစ်များ

Genesis 13:9

Wan okkai niitte amunu, i aben laippuppa ii daamɗa. Na amen humana, neegppe ukkeb, atu oh antte! Anidna amu, na nanehppa gokkut, da naɗiap-ppa gokkul. O iitta, na naɗiap-ppa gokkut amu, da nanehppa gokkul,” awa aum.

Genesis 14:14

Anam Lotnu a, Abram nug kekeɗ ag Lot aɗan, aon goppig doyowa, nug nuhikkud ban hak danab 318, ag anilkad Abram laugppa daanna menuadppig ele, nug ag onilagppa eum. Onilagppa e, ag Abram ele ahan, ag king waɗele dim lamadna, Dan aabppa batak goppig.

Genesis 46:34

ag inam appeg dookku. ‘O naɗi, ig, nahipad maɗi nid amu, ig nid nakokppanu doɗ gumattak uɗat, amuib heut uɗie, gemu ele hettem. Ig mamenkad aɗi ag ele uɗat amuib heppig.’ Ag anam aig!” awa aum. Josep nug anam anana amu, nug nai baula tuɗitta aum. “Isip wanppa, aben laa ohppa Isip danab ag doɗ gumattak danab dilagnu oolagppa uuaknab dootteb amunu, da ami amu, ag nai anamib appeg, Paro nug ab, ag wan atu onig Gosen ippa daaglag,” awa aum.

Sam 133:1

Danab ah ag maɗoɗ ele laippu, nug oo awak ena ele daatteb, kobol amuam enanag!

Eksodas 2:13

Aria, wagɗe deɗ amuppa Moses eɗua ukka, laikkud uɗat heegeg anattatta oiyeye, nug laikuɗ aɗit laa, aa oh Hibru danab amu, aa nug qeeheh anata, nug danab eheɗ heum ele amegppa aum. “Aɗinu na layap anam makkuɗttem?” awa aum.

Prowerb 15:1

Laa nug laanu oppoɗi bak doyaya, nai ɠagattag amegppa ab, layag nug eɗua awa, nai bodoettak metteb amu, oppoɗi bak amuam iitta mekku; amge layag nug nai ɠagattag eɗua nob ma mattieb amu, laa nug oo huana nauhkku.

Prowerb 15:18

Danab nug oppoɗi paha bette ele, nug he, nug qak ahatte; amge danab nug oo maɗoɗ ele dayak kobol dim lamidtte, nug he, nai hak bodoedatte.

Prowerb 20:3

Danab nug laikkud ele nug mehqak ii hemanu hette ele, laa ag nuhignu ena doon, binag metteb; amge danab ag Kayak dab-ii-menan ii dim lamidtteb, ag am nai a ona, a doak paha hetteb.

Matyu 5:9

Danab aun aɗi ag maɗoɗ ikki daatteb ele amu, ag itittak ena aoppig daatteb. Aɗinu? Kayak Nug ahilagnu, ‘Ag am da bekkalad,’ awa akku.

Aposel 7:26

Aria, wagɗe deɗ amuppa Moses nug eɗua oiyaya amu, Israel danab aɗit laa aa nug qeeheh anata, aa uuya oolah laippu daaglahnu amelahppa inam aum. ‘Aa diig laippuppan, amu aɗinu aa anam nug guittak mettaya hettep?’ awa aum.

Rom 12:10

Amu ag lailkad ena daaglagnu oolag mattan, ahilagnu oolag mauhaɗ! Ag oh nug binag mettak elelenab heig!

Pilipai 2:14

Ag anam henana, ag Kayaknu neekkakppa oolagppa kaliak laa iitta, oppiak ele wan imuppan kobol eheɗ ooppa, wan imuppan eheɗ hak danab ele oolagppa, Kayak bekkod oolagppa kaliak laa iitta ele daaglagnu, ag aɗi hetteb ele amu, ag naittuɗ mak, a ona a doak ele uuna heig! Ag hoɗoppai gatatuppa amahalna, miag atiak daatteb, amubia ag am Kayaknu danab daatteb, doyak amu miag atiak daakkunu ag nai bauklel ele aɗan, wan imuppanu danab laa, ag kobol tutukku uuna, eheɗ hetteb ele amu, ag amu ippunadkkulagoitte. Ag anam hekkulag dayeb amu, da Kristusnu deɗppa ahilagnu oo gamag ahak dookkulnu, da uɗat hamu ii hein, ɠagattag dahil hamu ii kakidmi ele dookkulnu elele daakkul.

1 Tesalonaika 4:9

Amge layagnu oo mauhak kobolnu amu, da nai laa yaakkulnu uɗat laa ii daatte. Keeke amunu amu, Kayak Nug ag ippuanatta malom.

Hibru 12:14

Amu ag danab laala ele ag oh maɗoɗ ele daanna oiglagnu uɗat ɠagattag hena, ag oppiaawak kobolppa daaglagnu ele wagai meig! Aɗinu? Danab laa nug oppiaawak iitta ele, nug Naɗi anidkkunu elele iitta.

Hibru 13:1

Ag Kayak baekkudppa daatteb ele amu, ag lailkad dilagnu nug oo mauhak aib uuppig.

1 Pita 1:22

Ag gemu ag doyak diig genabib dim lamidtteb, amuppa ag danab oolag ihan oppiak daatteb amunu, ag oo mauhak kobol genabppa ag lailkad dilagnu oolag mauhtte. Ag anam daatteb, amge ag tuɗidna, ag lailkad dilagnu oolkad unuqagppanu oo mauhaknab doyeg!

1 Pita 2:17

Amu ag danab oh dilagnu, kobol eleleppa ena elele doyeg! Ag lailkad Naɗinu oolagppa genab dootteb ele, amu dilagnu oolag mauhaɗ! Ag Kayaknu ebehilkad oh bodoetta le maɗ! Ag king binag meig!

1 Pita 3:8

Aria, nai imunu gogppa tekkulnu amu, ag oh oolag laippu ele, dabmak laippu ele dayeg! Amu ag oo doyak doonna, eamag aa nug oo mauhak doottep ele amu, amubia ag laa Kayaknu oolagppa genab dootteb ele, ag oh nug oo mauhak doyeg! Ag oo bodoetta le mak kobol henana, ag akka anen anen ag onilag qeppeg neeb oiyeg!

1 Pita 4:8

Ag lailkad dilag huana oolag mauhkkunu dabmak ahilagppa anuqak dayaɗ! Aɗinu? Layagnu oo mauhak kobol nug kobol eheɗ kuɗum tone iitta mette.

2 Pita 1:7

Amu ag lailkad ele layam ena daaglagnu kobol aona, ag genab tutukku hak kobol ele ouaqateg! Amu ag oo mauhak kobol aona, lailkad ele layam ena dayak kobol ele ouaqateg!

1 Jon 4:7

O gamalad, ig lainkad ele ig oh nug oo mauhak dootu! Aɗinu? Oo mauhak kobol diig am Kayak. Laa nug oo mauhak kobol dim lamidtte amu, nug Kayak Bekka daya, nug ele Kayak dootte.

Ikki Danab 9:26

Haen amuppa, Ebet bekka Gal, nug awakkud amakkud ele ag Sekem ukkaeg, Sekem danab ah ag ahilagnu oolagppa genab dooppig.