Genesis 13:7 - Nobonob Baibel

⁷ Anam daye, Abramnu maɗi nid doɗ gumadppig, amu Lotnu maɗi nid doɗ gumadppig ele ag nai aeg ona aeg doum. Kanan danab, amu Peres danab, ag ele haen amu wan amuppa daadppig.

Genesis 13:7 ပူးပေါင်းရင်းမြစ်များ

Genesis 10:19

ahilag wan tom gigin amu Saidon aabppa digma ukka ukka, Gasa, Gerar guguittak, amuppa bata, eɗua ukka Sodom, Gomora ele wana eɗua, Atma, Seboim ele ukka amu, Lasa aabppa batom.

Genesis 12:6

Gona tewona, Abram nug ukka ukka, Sekem aabppa noum. Aab Sekem guguittak, appa, Morenu ad ok dayom amu, nug appa batom. Haen amuppa Kanan danab ag ele wan amuppa daappig.

Genesis 21:25

Amu Abraham nug le moɗ nuhig laa Abimeleknu maɗi nid ag yab aoppig, nug amunu Abimelek amegppa aum.

Genesis 26:20

amge Gerar makau gumattak danab ag Aisaknu doɗ gumattak danab ele ag le amunu nug mehqak hena, Gerar danab ag appig. “Le imuam ihinig,” aon appig. Ag nai anam heppig amunu, Aisak nug le amu onig Esek ataɗom.

Genesis 34:30

Anam heeg amu, Jakop nug Simeon, Lewi ele amelahppa aum. “Aa heeh, da onil ippa Kanan, Peres ele danab amelagppa nauha autanab awom. Da dahil daup kuɗum iitta amunu, ag banenig uɗiglagnu qagmena, uɗin iqappeg, ig oh padal mekkunig,” awa aum.

Genesis 46:34

ag inam appeg dookku. ‘O naɗi, ig, nahipad maɗi nid amu, ig nid nakokppanu doɗ gumattak uɗat, amuib heut uɗie, gemu ele hettem. Ig mamenkad aɗi ag ele uɗat amuib heppig.’ Ag anam aig!” awa aum. Josep nug anam anana amu, nug nai baula tuɗitta aum. “Isip wanppa, aben laa ohppa Isip danab ag doɗ gumattak danab dilagnu oolagppa uuaknab dootteb amunu, da ami amu, ag nai anamib appeg, Paro nug ab, ag wan atu onig Gosen ippa daaglag,” awa aum.

Nehemaia 5:9

Ag anam oɗelag qamutna, nai iitta daaegeg, da tuɗitten ami. “Ag hetteb ele amu, ag amuppa kobol genab tutukku ii hetteb. Ag ihinig kekeɗ, ag am iitta aɗi amu, ag anigna, aon aon iqaglagnu ib laa ii anidmananu, ag Kayaknu ebehilag oh bodoetta le meeb, oɗe dim lamidlob am ena.

Eksodas 2:17

Ag amu heegeg, doɗ sipsip huu laappan gumak danab ag tuɗid ele uɗin, ⌊nid ahin, sipsip, meeme ahilkad ele⌋ mautadna lamadppig, amge gemu Moses ⌊le moɗ amu daugppa dayaya,⌋ nug aha, ah amu ehanatta, danab amu lamattom. Lamattowa, nug ah amu dilag doɗ sipsip, meeme ele le mattom.

Prowerb 20:3

Danab nug laikkud ele nug mehqak ii hemanu hette ele, laa ag nuhignu ena doon, binag metteb; amge danab ag Kayak dab-ii-menan ii dim lamidtteb, ag am nai a ona, a doak paha hetteb.

Mak 3:25

Baekkudppa laa ele anamib. Ag oppatna, ameg aɗit bena, nug qekkulag amu, baekkudppa amu nug na qekku.

1 Korint 3:3

Aɗinu? Ag dabmak alagppa daatteb. Kristen kobol amu ag beɗulagppa ii beum. Ag lailkad dilagnu, ihinigppa anam daalon dabmak aɗan daatteb, ag nug mehqak henan daatteb ele amunu, ig ag kobol alagppa, Kristen kobol iittappa daatteb anidkkunignu elele. Kobol amuam dabmak alagnu, wanppan danab dilag kobol.

Galesia 5:20

kayak hambuppuak binag mak kobol, onig awak kobol, laanu nau ninig ele doyak kobol, heqoppa qak kobol, laanu dahilppa anam daalon dabmak aɗa dayak kobol, oppoɗi be ameg kokoɗ eppak kobol, akka akka ahilagnuib dabmak awak kobol, nug qak kobol, huu obatak kobol,

Kolosi 4:5

Danab ag Nai Enanu oolagppa genab ii dootteb ele, ag Kolosi danab ag danab amu oolagppa oinna, ag akka ahilag oiyaknu dabmena autna aonna, ag uɗat ena hekkulagnu laa dayeb anidna, ag aib uuppig. Ag haen aguppanab heig!

1 Tesalonaika 4:12

Ag anam hekkulag amu, geha aun laa, ag tamaniakppa ii daatteb ele, ag ag noolagppa hak ena amu ippunadppeg, ag ahilagnu ena dooglag. Amu keeke laalanu ele, ag Kristen daatteb amu, ag laa gumadna gona ii unuqadmana.

Taitus 3:3

Aɗinu ig anam oignig? Ig ele anukka dabmak tutukku iittappa, nai tappe nakppa, Satan nuhig hambuppuakppa ele oimut. Ig oo ahaknu keeke digdig kuɗum, amu beɗunig gamag ahak aokkunu kobol digdig kuɗum ele waappa daat hemut. Ig oo aeg bak kobolppa oitta, laa dilagnu ele amenig qe oonig elele ii dayom. Ig oonigppa lainkad dilagnu nau ninig ele doot oimut, amu ag ele ihinignu anamib doon oippig.

Jems 3:16

Am danab laa ag laa dilagnu amelag qe oolag elele ii daatte, amu laa ag akka akka ahilagnuib dabmak okkai aotteb, danab amu ag adeppa daatteb amu, appa danab ah ag daqaqa ii daatteb; ag kobol eheɗ digdig oh hetteb.

Jems 4:1

Aɗi keeke nug he, ⌊naippa⌋ ban hak, nug mehqak ele ahilagppa bettep? Keeke amunu amu, ag beɗulagppanu kobol digdig hekkulagnu ɠagattag dabmeegeg he, ag nai hak kobol amu hetteb.

1 Pita 2:12

Amu ag danab laa Kayak baekkudppa ii daatteb ele amu, ag ag oolagppa daanna, kobol ena tutukkuib heig! Ag anam hebeppeg, danab amu ag ahilagnu nai nau akkulagtai, ge ag ahilag kobol ena amu anidna, haen Naɗi Nug ig danab ig ehanigkkunu uɗikku amu, ag ele Nug binag mekkulag.