Genesis 12:9 - Nobonob Baibel

⁹ Abram nug anam hewowa, nug Negeb gokkunu baula aha ukkom.

Genesis 12:9 ပူးပေါင်းရင်းမြစ်များ

Genesis 13:1

Paro nug Abram gokkunu anam a amu, Abram nug wau Sarai ele, Lot ele oh Isipnu ahan, Negeb goppig. Gonana amu, Abram nug nuhikkud keeke oh diia ukkom.

Genesis 13:3

Nug Negeb ukka dayowa, aha oiya oiya, Betel aabppa teum. Anukka nug Betel, Ai ele gamalahppa dayaya,

Genesis 20:1

Dimppa Abraham nug dayomppanu aha, wan atu onig Negeb ukka, aab aɗit onilah Kades, Sur ele gamalahppa oiyom. Oiya ukke, deɗ laa aab laa onig Gerar, appa nug wau ele goya, aben amuppa daapiɗ.

Genesis 20:13

Da aomi, amu dimppa Kayak a, da aben laih gokkulnu ahami amu, haen amuppa da Sarah amegppa inam ami. ‘Na dahilnu oo mauhak doottem dayeb amu, na amunu ib inamppa ippuniɗkkutnu oɗ medattem. I oiɗɗa, na aben ohppa dahilnu inam akkut. “Nug am da awal.” ’ ” Abraham nug anam aum.

Genesis 24:62

Ag anam heegeg, amu Aisak nug Ber Lahai Roinu eɗua, Negeb ukkom. Aɗinu? Nug Negeb appa dayom.

Sam 105:13

Ag qati qati, mauhnoak wan anen anenppa oippig. Ge, ag wanppan ɗo maɗoɗ digdigppa anam oippig.

Aisaia 30:6

Nai meunab ele Negeb wanppan doɗ dilagnu, Yawe he, Aisaia doyom ele am iikku. Ag ⌊Juda dilag⌋ nai awa ukkak danab, ag en okkai ena ena donki attan mena gotteb. Ge! Ag am en amu kamel attan meeg, mawatteg gotteb. Ag amu henana, ag wan laa, wan amuam wan ɠagattag iitta, wan amuam ag ehanadkkulagnu elele iitta, ag wan amuppa gotteb. Ag appa gokkulagnu gonana, wan ena iittanab, wan danab uug madatte, wan amuppa laion ⌊dawai,⌋ laion anig, amu mat nau digdig ele daatteb amu, ag anam daaegeg ag gotteb.

Namba 13:17

Haen Moses nug ag Kanan wan anidkkulagnu maatteb gokkulagnu heegeg amu, Moses nug ag amelagppa aum. “Ag gona, wan laih laa onig Negeb anttona, ag gona, wan qauko qauko ele, ag amu ele mattan teig!

Duteronomi 1:7

Ag ahan, haen tutu dayaknu aab kalak uun gokkulagnu haen doum. Ag ahan, Amo dilag wan qauko qauko ele, amu atu laala, atu amu guguittak daattebppa ele gona, ⌊appan danab ah lamatteg⌋! Amuam laa ag atu onig Araba daatteb, amu laa ag qaukoppa daatteb, amu laa ag qauko qaban uɗitteppanu daatteb, qauko amu diigppa qauko nakok daatteb, laa ag amuppa daatteb, laa ag Negeb daatteb, laa ag uɗem okkai yu guguittakppa, appa daatteb. Ag Kanan danab dilag wan amu oh, Lebanon wan ele, ag appanu ukka ukka, Yupretis leppa batak ukkeg!