Genesis 12:8 - Nobonob Baibel

⁸ Nug qaɗab qewowa amu, nug aha noa, wan qauko ele, Betelnu laih kaɗag uɗitteppanu daatte, nug appa ukkom. Nug peh lag nuhig aab aɗit Betel, Ai ele gamalahppa qappe, Betel am laih qaban uɗitteppanu daye, Ai am laih kaɗag uɗitteppanu dayom. Aben amuppa ele Abram nug qaɗab qa, Yawe noobppa dup noa binag maama, nug Yawe unuqittom.

Genesis 12:8 ပူးပေါင်းရင်းမြစ်များ

Genesis 13:18

Yawe Nug anam a amu, Abram nug aha oiyaya, Hebron appa nug danab laa onig Mamre, nuhig ad ok daappig, aben amuppa nug peh lag nuhig qappowa dayom. Appa ele amu, nug Yawe noobppa dup noa binag mekkunu qaɗab qeum.

Genesis 13:3

Nug Negeb ukka dayowa, aha oiya oiya, Betel aabppa teum. Anukka nug Betel, Ai ele gamalahppa dayaya,

Genesis 13:4

qaɗab qeum ele amu, aben amuppa nug eɗua ukka dayaya, Yawe noobppa dup noa binag meum.

Genesis 21:33

Aa ukkaeh, Abraham nug Berseba appa ad tamarisk eppom, amu nug amuppa Yawe, Nug Kayak hanhan daatte amu, nug Nug noobppa dup noa binag meum.

Genesis 22:9

Aa goya, aben Kayak aum, amuppa tewoya, Abraham nug qaɗab qa, aab qaɗab attan ilakkunu babaitta, Aisak hippala, aab qaɗeppa me niiom.

Genesis 26:25

Yawe Nug anam a amu, Aisak nug qaɗab nuhig qa, Yawe unuqittowa, peh lag nuhig qappe, maɗi nid nuhikkud ag le moɗ laa buuppig.

Genesis 28:19

Gokkaɗowa, nug aben amu onig Betel ataɗom. Anukka aab okkai appa dayom ele am onig Lus adappig.

Genesis 31:25

Amu haen Laban nug Jakop wan amuppa gumitta teum amu, Jakop nug Gileat wanppa, laih qauko qauko eleppa peh lag nuhig qappa dayeye, aakku Laban nuhikkud ele ag ele Gileat qaukoppa, appa haen tutu dayaknu aab kalan daappig.

Genesis 33:20

Wan amuppa nug qaɗab qa, onig El Elohe Israel ataɗom.

Genesis 35:3

Ag anam heppeg, ig ahat, Betel gota, appa ig Kayak noobppa dup nota binag mekkunignu da nuhig qaɗab qekkul. Nug da anukka uug nau ele daami, haen amu dimppa ele da adeppa adeppa oimi amu, Kayak Nug atognoiɗom,” awa aum.

Genesis 35:7

Appa tewona, Jakop nug qaɗab qa, nug aben amu onig El Betel ataɗom. Aɗinu? Anukka Jakop nug Esaunu baɗa oola ugekke, Kayak Nug aben amuppa Jakop gumitta ne anttom.

Genesis 4:26

Set bekka amu Enos. Nuhig haenppa danab ag tamanina daanna, Yawe onigppa ekkulagnu digmeppig.

Genesis 8:20

Ag nona malaeg, Noa nug qaɗab qa, nug doɗ, ai ele iɗu iɗu oh mana mettaknu elele, nug amu laippu laippu diiatta, manaknu ofa daaglagnu manatta, Yawe mettom.

Nehemaia 11:31

Amu Benyamin danab ah aab laalappa daappig ele amu, aab ag appa daappig ele am inam: Geba, Mikmas, Aiya, Betel, aab naunau aab amu talilidtteb ele,

Sam 116:4

Da anam dayeye doyen, amu da Yawe onigppa ein ami. “O Yawe, na da ehaniɗppe, da bau daye, ii mauhpanu oɗ medattem.” Da anam unuqidmi.

Eksodas 17:15

Yawe Nug nai ana male, amu Moses nug qaɗab laa qa, nug qaɗab amu onig, Yawe Nissi, ataɗom.

Aisaia 10:28

O gadon, kekeɗ ag uɗin, aab okkai Aiat, aab amuppa dona uɗin, aab okkai Mikron appa dona uɗiglag. Ag uɗinna, ag ahilag ee, amu keeke laala ele, ag keeke amu aab okkai Mikmas, ag appa mekkulag.

Joel 2:32

Anam amge aun laa nug Yawe onigppa eeb amu, Yawe Nug ehanitteb, nug padal ii mema. Am aɗinu anam bekku? Yawe aumbia, qauko Sion, am Jerusalem appa ele, oɗo yaak danab daaglag. Ao, oɗo yaak danab oolagppa laa, Yawe onilagppa eum ele, ag daaglag.

Aposel 2:21

‘Anam amge aun laa nug Naɗi onigppa eeb amu, Naɗi Nug ehanitteb, nug padal ii mema.’ Joel anam yom.

1 Korint 1:2

i nai imu uɗugppa yaattep. I Kayaknu Kristen tamaniak Korint daatteb, ahilagnu yaattep. Ag Kristus Jesusnu, oppiaawak danab ah daatteb. Nug ag oppiaawak daaglagnu ag onilagppa eum. Amge Nug agib onilagppa ii eum. Iitta! Nug danab ah oh ag wan atu ohppa daana, ag Naɗi Jesus Kristus onigppa unuqidtteb amu, ag oh onilagppa eum. Jesus amu, Nug am ag ig ele, ig oh ihinig Naɗi daatte.

Hibru 11:9

Amu nug Kayaknu ooppa genab doya ukka, wan Kayak medakkunu nai qakka aum, nug atu amuppa aab diig danab iitta laa dayom. Nug peh lag, amuppaib daattom. Aria, nug bekka Aisak, nug alag Jakop ele, aa nug buɗub amu, Kayak Abraham amegppa keeke medakkunu nai qakka aum ele amu, aa nai amu ele aopiɗ. Amu aa ele wan amuppa peh lag ahilti, amuppaib wan amuppa daadttapiɗ.

Josua 18:22

Betaraba, Semaraim, Betel,

Josua 22:10

Ag ahan, ahilag wanppa gokkulagnu goppig, amge ag gona, appalagppa ii teppig, haen ag Kanan wanppa daanna, Jodan le ii mataɗppig daanna amu, Ruben danab, Gad danab amu Israel dilag huu okkai Manase mahaib danab ag Jodan le guguittak, ag appa qaɗab naɗinab laa heppig. Ag aben onig Gelilot, appa heppig.

Josua 7:2

Amu Israel ag Jeriko eɗidna malaeg, Josua nug lokkumakppa atu italak danab maatte, aab onig Ai, Betelnu laih aam bedeppanu daatte, Betawen guguittak appa, atu italkkulagnu, “Ag gona, wan atu amu italeg!” ana, nug he goppig. Josua nug anam ana heum amunu, ag gona, Ai italppig.

Josua 8:12

Matu tuqanppa amu, Josua nug daup 5,000 ag gona, Betel, Ai ele gamalahppa, aab okkai Ainu laih qaban uɗitteppanu appa lokkumna daappeg, haen beeb ban hekkulagnu maatte goppig.

Josua 8:17

Danab laa Ai, o Betel appa laa ii dayom, oh ag ahan, Israel lamadna ukkaegeg, aab amu matulak dayom.

Josua 8:3

Yawe anam aum amunu, Josua nug Israel ban daup ele ag gona, Ai ele ban hekkulagnu bappaidppig. Amu haknu amu, Josua nug nuhikkud ban danab oolagppanu ban danab nakok kuɗum, ag ban danab ɠagattagnab amu, nug ag otiatta, tuqanppa maatte goppig.

Josua 8:30

Anam daye amu, Josua nug aakku qauko Ebal appa, Yawe, Israel dilag Kayak, nug nuhig qaɗab laa buuom.

Josua 8:9

Josua nug ag anam hekkulagnu aum amunu, ag tuqan amuppa ahan gona, ban hekkulagnu aab dimugppa lokkumna Betel, amu Ai ele gamalahppa daappig. Ag Ainu laih qaban uɗitteppanu, ag appa daappig. Amge tuqan amu, Josua nug am haen tutu dayaknu aab kalakppa, daup danab laa ele daappig.

Ikki Danab 6:24

Aakku Gideon nug Yawenu qaɗab laa appa buua, onig Yawe Nug Maɗoɗ Diig Daatte, aum. Qaɗab amu Opra appa, Abieser buɗub dilag wanppa heum, amu qaɗab amu gemu ⌊nai imu yaak haenppa⌋ ele, appa ana daatte.

1 Samuel 30:27

Aab o aben anen anen, Dawit keeke me, appa ukkom ele, amu onilag am Betel, Ramot Negebnu, Jatir, Aroer, Sipmot, Estemoa, Rakal, amu Jeramel buɗub dilag aab, Ken buɗub dilag aab, Horma, Borasan, Atak, amu Hebron ele. Amu nug keeke aben laa oh nug nuhikkud danab ele ag anukka aguppa nakok nakok oippig ele amu, nug keeke appa ele me ukkom.