Genesis 12:13 - Nobonob Baibel

¹³ Anam amunu, na inam appe dooglag. ‘Abram nug am da awal,’ aon akkut. Na anam akkut, amu dimppa ag nahipnu hena, dahilppa kobol eheɗ ii hemana. Da heppeg ii mauhpa,” awa aum.

Genesis 12:13 ပူးပေါင်းရင်းမြစ်များ

Genesis 11:29

Abram, Nahor ele amu, aa oh ah diipiɗ; Nahor nug Haran aɗeg Milkah awom. Haran aɗeg laa am onig Iska. Abram nug Sarai awom,

Genesis 12:14

Aria, Abram Isip wanppa ukka te, Isip danab ag Abram wau Sarai, nug am ah ena, iɗu tuqaknab ele anidppig.

Genesis 20:2

Appa daayya, Abraham nug Sarahnu aum. “Nug amu, da appinal,” awa aum. Anam aum amunu, Gerar dilag king Abimelek nug Sarah nug wau daakkunu awom.

Genesis 20:5

Ah gamu nug ahnu, ‘Nug am da appinal,’ aum, amu ah nug danabnu ele, ‘Nug am da awal,’ aum. Da heinne, beɗulppa aab iitta doomi,” awa aum.

Genesis 26:7

Nug Gerar dayeye, appanu danab ag Aisak, Rebekanu oɗ medappig. Haen ag oɗ mettaeg amu, Aisak nug Rebekanu, “Nug am da waal,” akkunu baɗom amunu, nug Rebekanu, “Nug amu da appinal,” awa aum. Rebeka nug ah iɗu tuqak ele amunu, Aisak nug amu dabmaama, appan danab ag nug Rebeka aoglagnu nug qeppeg mauhmanu, nug Rebekanu, “Da waal,” ii aum.

Aisaia 57:11

Amu ag auntai laa eheɗ baɗidppig amunu, ag da dimeɗan, dahilnu daulag atie, ag dahilnu dabmak ele ii aoppig? Ag eheɗ heegeg, haen elabnab uɗie, da bu ag paha ii mattami amunutai, ag bu mettak dahilnu ag ii baɗatteb?

Jeremaia 38:17

Sedekaia nug anam a, Jeremaia nug eɗua, amegppa aum. Yawe, Kayak Nukka Ɠagattag Oh Ele, Israel dilag Kayak, Nug inam atte. “Na gona, na nakka beɗun Babilon dilag kingnu daup ikki eppelagppa mekkut amu, ag nidappeg ii mauhmana. Ag aab okkai imu ele manappeg ii eoma. Na, amu na baenadppa ele ag bau daaglag

Jeremaia 38:20

Sedekaia anam a, Jeremaia nob ma aum. “Iitta! Babilon ag Juda laa eppelagppa ii meidmana. Yawe Nug da oɗelppa na aɗi aɗi hekkutnu ippunidtte amu, na amu hekkut dayeb, na ena daakkut. Babilon ag heppeg, na ii mauhmana. Iitta.

Esekiel 18:4

Danab ohnab am dahiladib. Laa mameg am dahil, danab amu bekka am ele dahil. Aɗit oh am dahilib, amu auntai laa nug hipunin heeb, nug mauhkku, am laa iitta.

Jon 8:44

Ag mamelag am Satan; ag nug bekkod daatteb amunu, ag mamelag oo niitte amu, ag dim lamidkkulagnu wagai metteb. Nug wannu digmak haenppanu danab aqe mauhtteb. Ag mamelag nug doyak diig genabib ii dim lamidtte. Aɗinu? Doyak diig genabib amu nuhigppa ii daatte. Nug hambuppuak nai mattiaya amu, nug nuhig diig aakkuib dim lamidtte. Aɗinu? Nug nai hambuppuak maditte, nug nai hambuppuak mamegnab ele daatte.

Rom 6:23

Hipuninnu nob am mauhak, amge Kayak Nug ig ihinig Naɗi, Kristus Jesusnu uɗatppa bauklel hanhannu ihinig daakkunu hamu megatte.

Kolosi 3:6

Danab ag kobol amu dim lamidnana, Kayak oɗe ii dim lamidtteb ele amu, diig amunu Kayaknu oppoɗi bak am ahilagppa nette.