Genesis 12:10 - Nobonob Baibel

¹⁰ Amu haen amuppa enug haen wan amuppa ba dayom. Enug haen amuam naɗi beum amunu, Abram nug aha, Isip wanppa nakok daakkunu ukkom.

Genesis 12:10 ပူးပေါင်းရင်းမြစ်များ

Genesis 41:56

Paro nug anam a, enug haen naɗi be, Isip wan ohppa enug haen naɗi me, Josep nug ee lag oh od matula ee me, Isip danab ee daden meppig. Aɗinu? Enug haen okkai Isip wan ohppa beum.

Genesis 41:57

Wan ohppa enug haen beum amunu, danab wan ohppanu ag ele Josep gumidna, Isip wanppa gona, ee daden meppig.

Genesis 42:5

Kanan wan ohppa enug haen beum amunu, Israel bekkod ag danab laala ele ee aeg daden mekkulagnu Isip goppig.

Genesis 43:1

Aria, enug haen okkai ba, anamib dayeye,

Genesis 47:13

Haen amuppa enug haen naunab dayom amunu, Isip appa, wan laala ohppa ele datta ee ele ii beeg, ee iitta meum. Isip, amu Kanan ele ooppa, danab oh ebehilag bodoettom.

2 Samuel 21:1

Amu Dawit king dayeye, haen amuppa Israel wanppa gu ii neene, maɗ ewam anam daye, danab ah ag eenu tutu maknab daappig. Ag anam daappig amunu, Dawit nug Yawe amunu oɗ metta unuqittom. Dawit unuqitte, Yawe Nug nug amegppa aum. “Saul nug baekkudppan ele ag eheɗ hena, ag Gibeon danab ii aqadlob am aqaeg mauheg, ag tiilag, Saul nug baekkudppan ele eppelagppa daatte amunu, uug imu wan imuppa beum,” awa aum.

2 King 4:38

Amu deɗ laa enug haen Israel wanppa uɗie, Israel danab ah oh ag eenu tutu daappig. Haen amuppa Elisa nug eɗua ukka, Gilgal aabppa, appa dayeye, amu deɗ laa propet huu ameg laa ag nug gumidna uɗin, ag nuhigppa sul nai aonna daaegeg, nug nuhig maɗi nid amegppa aum. “Na waa okkai aon mena, danab imu lewa lakkulagnu keh gehie,” awa aum.

2 King 6:25

Haen amuppa, Aram dilag daup ag aab dimittim anam daaegeg, am Samaria ag ahilagppa enug haen laa be, ag eenu tutunab daappig. Aram ag aab okkai amu haen elab oo mettan, aqaglagnu maadna daaegeg, danab ag ee aon, eɗun ooppa nokkulagnu elele iitta. Anam daye, danab laa nug donki ikkiib laa daden mekkunu oo daye heum amu, nug 1 kilogram silwa daden meum. Danab laa nug ai uppuɗil beɗulag nakok biig 250 gram daden mekkunu oo daye amu, nug 55 gram silwappa daden meum.

Sam 105:13

Ag qati qati, mauhnoak wan anen anenppa oippig. Ge, ag wanppan ɗo maɗoɗ digdigppa anam oippig.

Sam 34:19

Uug kuɗum am genab tutukku hak danab dilagppa uɗitteb, amge Yawe Nug uug amu ohppan ehanatte, ag padal ii metteb.

Jeremaia 14:1

Yawe Nug Jeremaia gu Juda wanppa ii nemanu nai metta inam aum.

Jon 16:33

Da nai imu ag dahilppa maɗoɗ aon daaglagnu elele daaglagnu amelagppa ami. Wan imuppa amu ag uug anidkkulag, amge ag uug aib aqom! Aɗinu? Da wan imuppanu ɠagattag eɗidmi,” awa aum.

Aposel 14:22

Aa goyaya, aa Kristen ɠagattag aqai, ag ɠagattag daanna oiyegeg, ahilag ooppa genab doyak na qemanu ayaya, inam ele apiɗ. “Ig Kayaknu ɗo maɗoɗ ooppa nokkunignu, ig tatam uug kuɗum aot oignigoitte,” aoya apiɗ.

Aposel 7:11

Anam dayeye, dimppa Isip wan ohppa, amu Kanan wan ohppa ele enug haen be, ag uug okkai anidna amu, ig mamelkad aɗi ag ee laa aon lakkulagnu iitta,

Rut 1:1

Haen epeɗiak danab ag Israel danab ah gumadppig, haen amu ooppa deɗ laa enug haen okkai laa Juda wanppa beum. Enug haen amuppa amu Juda danab laa, Betlehem aabppanu amu, nug aha, wan laa onig Moap, appa maɗ laala dayowa, eɗua uɗikkunu dabmaama ukkom. Danab amu, nug onig Elimelek; nug wau, bekoɗ ele oh diie goppig. Nug wau onig am Naomi, amu nug bekoɗ onilah am Malon, Kilion ele. Ahilag aab ikki onig amu Eprata. Ag Juda wanppa, Betlehem aabppanu. Amu ag ahan, Moap gona, appa daanna,