Genesis 12:1 - Nobonob Baibel

¹ Amu Yawe Nug anukka Abram amegppa nai imu ana malom. “Na ahan, wan nahip imu uuna, na tiin laippu, laipad ele uuadna, wan laa, da na ippunidkkul amu, na amuppa ukke!

Genesis 12:1 ပူးပေါင်းရင်းမြစ်များ

Genesis 15:7

Abram nug Yawenu nai ooppa genab doye, amu Yawe Nug Abram amegppa aum. “Da am Yawe. Da na wan imu medappi, nahip daakkunu Ur, Kaldia wanppanu awitten, omaitti uɗime,” awa aum.

Genesis 20:13

Da aomi, amu dimppa Kayak a, da aben laih gokkulnu ahami amu, haen amuppa da Sarah amegppa inam ami. ‘Na dahilnu oo mauhak doottem dayeb amu, na amunu ib inamppa ippuniɗkkutnu oɗ medattem. I oiɗɗa, na aben ohppa dahilnu inam akkut. “Nug am da awal.” ’ ” Abraham nug anam aum.

Genesis 24:38

Na gona, da mamel buɗubppanu, aab ikki dahilppanu ah nuhig aokkut,’ awa aum.

Genesis 24:4

Iitta! Na da appal diigppa gona, da mamel buɗubppanu Aisaknu ah aokkutnu a!” awa aum.

Genesis 24:7

Yawe, Nug hab aabppa Kayak amu, Nug he, da appal diig, amu da mamelad ele uuadmi; Yawe Nugib da amelppa inam hekkunu nuhig nai ɠagattag qetta, inam aum. ‘Da na buɗunadppa wan imu oh madakkul.’ Nug anam aum amunu, Nug engel nuhig meeb, na noomppa anuqa ukka, keeke oh babaitteb, na Aisaknu ah laih uppanu aokkut.

Genesis 26:2

Nug Gerar dayeye amu, Yawe nug Aisak gumitta na, amegppa aum. “Na Isip aib gome. Da na wan adeppa daakkutnu appi amu, na amuppa daakkut.

Nehemaia 9:7

Na Yawe Kayak daattem; na Abram tituanna, Kaldia wanppan aab onig Ur, appanu na Abram aon uɗime. Na Abram onig baolin, Abraham ataɗme.

Aisaia 37:12

Da mamelad aɗi ag Asiria dilag king daappig amu, ag henan, wan kuɗum eɗadna heeg, nauhna autna aoppig, wan amunu kayak laa nug ag ehanatte ena daappigte? Iitta! Wan amuam Gosan, Haran, Resep, amu Iden danab ag Telasar daappig.

Aisaia 41:9

Da umanabnu diiatti, ag iguppa daatteb. Ao, da wan batakppanu diiatte hei, ag uɗin, iguppa daatteb. Da ag amelagppa, ‘Ag am dahil maɗi nid,’ ami. Da ag tituanadmi. Da ag ii geɗadmi.

Aisaia 51:2

Ag ag mamelag Abraham neegna antteg! Ag Sarah, nug ag alalag ah tatamnu, nuhigppanu ag doppig amu, ag neegna nug atteg! Aɗinu? Da Abraham onigppa emi, haen amuppa amu nug nukka laippu dayom, amge da nug ititten hei, nug buɗub kuɗum beppig,” awa atte.

Esekiel 33:24

“Danab bekka, kekeɗ ag Israel wan heeg nauhom amu, Israel danab ah appa daatteb ele ag inam atteb. ‘Abraham nug danab laippuib, amge Kayak wan imu mette, nug wan imu oh awom, amge ig am kuɗum amunu, genab Kayak he, ig wan imu ihinig daakkunu aomut daattem,’ aon atteb.

Namba 10:30

Moses nug Hobap amegppa anam aum, amge Hobap nug nob ma aum. “Iitta. Da ii gopa. Da eɗue wanelppa, dahilad danab dilagppa gokkul,” awa aum.

2 Korint 6:17

Nug anam aum, amu Nug baula ele aum. “Anam amunu, ag ahan hipunin danab uuadna, ag gona, aben laih piɗe daaglag. Ag keeke Kayaknu neekkakppa dubuttid ele aib aɗappig. Am ag anam heppeg, geha da dakka ag diiatten,

Hibru 11:8

Abraham nug ele Kayaknu ooppa genab doyom amunu, nug Kayak oɗe dim lamitta, Kayak Nug wan atu laa nug aug daakkunu medakkunu aum, amuppa ukkom. Amu nug appag diignab uua aha, aab attenppanab ukka daakkunu amu, nug oo ii maittette ukkom.

Revelesen 18:4

Amu da baula baag laa hab aabppanu doomi, amu nug inam aum. “Dahilad danab ah ag nug ooppanu uɗin, dimittim ippa doig! Iitta dayeb, ag nug ouqeppeg, ag nug ele nuhig hipuninppa daaglag, nuhig hipunin nob nau amu, ag nug ele aoglag.