Genesis 11:6 - Nobonob Baibel

⁶ Yawe Nug na amu, Nug aum. “Danab imu ag laippu daan, nai laippu mattin, keeke imu digmeppig amunu, aɗi keeke ahilag maittakppa beeb, ag amu hekkulagnu elele daaglag.

Genesis 11:6 ပူးပေါင်းရင်းမြစ်များ

Genesis 11:1

Amu anukka danab oh ag nai laippu madittappig.

Genesis 3:22

“Danab nug keeke ena, nau ele doya, ig bia daatte. Bau dayaknu ad dad gamagppa daatte amu, nug meu amu lawowa, haen oh daamanu, nug dad imuppa ii daama,” awa aum.

Genesis 6:5

Amu Noanu haenppa Yawe nug danab dilag kobol, amu dabmak ele nauib daye anttom.

Genesis 8:21

Mana mettette, Yawe Nug mana mettak amu muttuɗignu ooppa ena doya, Nug nukka, Nug ooppa inam aum. “Da danab dilag eheɗ hak amunu wan eheɗ laa awaknu anak waappa daakkunu memi imubia baula iinab hepa. Aɗinu? Da doottem, danab nug menuak haenppa ukka ukka, mauhak nuhigppa amu, keeke laa nug danab ooppa hipuninppa eeɗkkunu daatte. Amu laa ele, da hemi bia, da keeke oh bau daatteb ele amu, baula heppi, ii mauhmana.

Genesis 9:19

Danab ewam amu, ag Noa bekkod, ag wanppan danab oh, ag alalkad.

1 King 18:27

Aam ameg tutukkuppa amu, Elaiya nug awa awa aqa aum. “Bal nug am kayak, amunu ag huan baalag okkaippa unuqitteg! Aɗinu? Bal nug genab kayak daatte dayeb amu, nug keeke laanu dabma dayayatai, ag ii doyadtte. O nug moɗppa ukkomtai. O amu ele iitta dayeb amu, nug aab laappa uma ukkomtai. O iitta, nug niia gad meumtai amunu, ag nug maɗ edappeg ahaɗ!” awa aum.

Eklisiastis 11:9

O nid bau, na nid bau daattem, haen imuppa na oot gamag ahaɗ! Ao, na ootppa aɗi aɗi hena, gamag ahak dookkutnu anidttem ele amu, na amu hekkut. Na ootppa attem attem hekkutnu doottem, na amenppa attem attem hekkutnu anidttem amu, na amu dim lamidkkut; amge dabme! Kayak Nug na aɗi aɗi hekkut amu, Nug na amunu epeɗidkku.

Amos 4:7

Yawe Nug anam ana amu, Nug ele atte. “Wit, bali keeke meu awak haen nakok miag doob, kalam ewam uueb, meu oɗueb aolob amu, haen amuppa da hei, gu pehettak ii neum. Da hei, gu aab laappaib ne, aab laappa ii neum. Ao, gu dad okkai laappa ne, dad okkai laappa ii neum amunu, dad okkai laa gu ii neum ele amu, keeke qaɗaiettom.

Luk 1:51

Nug nuhig ɠagattagppa uɗat okkainab heum. Ao, Nug he, dada danab ag oolna, tamtam gona oitteb.

Aposel 17:26

Amu danab ah buɗub oh amu, Nug ag alalag laippu heum, amu nuhigppanuib ag bena appatppig. Appateg, Nug he, ag gona wan ohppa daaegeg, Nug nukka haen ahilag matta, appalkad anen anen ele mattom.

Ikki Danab 10:14

Ag gona, kayak ag ag ahilag kayak daaglagnu tituanadppig ele, ag amu dilagnu gayeg! Heppeg, kayak amu ag ehanadppeg, ag kekeɗ eppelagppa gemu daaegeg, eheɗ hattaegeg, uug nau dootteb amu, ag eppelagppa baula aib daappig!” awa aum.