Genesis 11:4 - Nobonob Baibel

⁴ Anam daye amu, ag appig. “Ahappeg, ig ihinig aab okkai hetu! Aab ooppa ig lag attan ta ukkak hepput, koɗokko ta, hab yaɗ! Ig anam heta, ig oninig humapput, attan tekku. Ig matatuta, laih laih ii gomata. Ig iguppaib daagnig,” aon appig.

Genesis 11:4 ပူးပေါင်းရင်းမြစ်များ

Genesis 6:4

Haen amuppa, dimppa ele, danab beɗulkad okkai okkai ele, Nepil buɗub atteb, ag wanppa daappig. Aɗinu? Kayak bekkod ag wanppan ah diieg, ag ele oiyegeg, ah ag nid danab menuadppig ele, danab amu ag nai alagppanu danab onilkad okkai okkai ele.

2 Samuel 8:13

Amu Dawit nug Edom dilag daup ele oolnu noak onig Yunu Oolnu Noak, nug ag ele appa ban henana, Dawit nug ag eɗatta, ahilag danab 18,000 aqe mauhppig. Nug anam he, danab ah kuɗumnab, wan atu digdigppa, ag Dawit nug onig okkai ele dooppig.

Sam 107:26

Duban naɗi anam he, ahilag uub attannab ta, eɗua honap noum. Duban anam qe, uub danab ag mauhkkulagnu henana, ag huananab baɗappig.

Sam 92:9

O Yawe, nahip kekeɗ, ao nahip kekeɗ ag wana, padal mena oiglag amunu, danab ah oh ag nau hak kobol qetteb ele, ag tamtam gona, ɠagattag ii daamna.

Prowerb 10:7

Genab tutukku hak danab nug mauhkku amu, dimppa laa ag nug onigppa laa itittak ena medakku; amge nau hak danab mauheb, amu dimugppa, nug onig am beɗakku.

Jeremaia 51:53

Babilon ag hab attan tena, appa aab aɗ ɠagattagnab ele hekkulag dayeblob, da heppi, keeke he nauhak danab laa ag gona, heppeg nauhlo.” Yawe Nug anam awa atte.

Daniel 4:11

Ad anam daye ukke, okkai maama, ɠagattag ele ma teete, ikki ta, hab aɗom. Wanppan danab ah oh, ag wan atu adeppa adeppa daatteb amu, ag anidkkulagnu elele.

Daniel 4:22

O king, na amu anidme amu, ad okkai ena amu, am naib ippunigtte. Na king bena, onin okkai ba male, na ɠagattag ele daattem. Na onin okkainab meeme ukke, gemu ad ba hab aɗe, danab ah oh anidkkulagnu elele daappig bia, wan atu ohppanu danab ah ag nahipnu dootteb. Nahip gumak am ukke ukke, wan umanab daattebppa batatte.

Daniel 4:27

Anam aakku amunu, O king, da ulum nai laa medappi, na nai amu aon dim lamidkkutnu oɗ medattem. Na hipunin baula aib heme, amu na aɗi hettem amu, na hanhan kobol genab tutukkuib he! Ao, na eheɗ laa aib heme, amu na danab ah, ag laa eppelagppa daaeg, eheɗ hadatteb ele, na amu dilagnu oo gai-iitta doya, oo metta, ehanattak kobol he! Na amu hekkut dayeb amu, Kayak Nug ehanitteb, na tuɗidna, maɗoɗ ele daakkuttai.” Daniel nug King Nebukatnesar amegppa anam aum.

Daniel 4:30

nug aum. “Da ɠagattag okkainab ele. Da ɠagattag amuppa hei, ag aab naɗi imu, Babilon, da iguppa daakkulnu iite buuppig. Danab ah ag da king, da dagom onil ɠagattag ele aniɗkkulagnu amu, da dahil ɠagattag naɗinab amuppa hei, ag aab imu iite heppig?” awa aum.

Luk 1:51

Nug nuhig ɠagattagppa uɗat okkainab heum. Ao, Nug he, dada danab ag oolna, tamtam gona oitteb.

Jon 5:44

Ag am lailkad dilagppa binalag okkai aoglagnu hetteb, amge binalag laa, Kayak toppanu uɗitte ele, ag amu aoglagnu ii hetteb amunu, ag attem hena, oolagppa genab dooglag?

Duteronomi 1:28

Ig attem heta, wan amu ooppa nota aognig? Ihinkad lokkumakppa atu italak danab ag nai aeg, ig oonigppa gai-iitta doottem. Ag atteb, ‘Danab wan amuppan ag am elab, ag ahilag ɠagattag amu ig eɗikkak. Aab okkai ahilkad am okkai okkai, aab amunu aɗ amu attannab tak. Appa danab okkai okkainab daatteb. Danab okkai okkai amu ag am Anak buɗubppan!’ ” Ag anam aakku appig.

Duteronomi 4:27

Yawe Nug lamatteb, ag matatun gona, wanppan wan laala oolagppa daan mauhkkulag; laib laib aakkuib ag bau daaglag.

Duteronomi 9:1

O Israel danab ah, ag daulag human doyeg! Gemu ag Jodan le mataɗna wana, danab ag eɗattak, ɠagattag okkai ele, ag ag ahilkad wanppanu lamadna aoglagnu daatteb. Danab amu ag aab okkai aɗ attannab tak eleppa daatteb!