Genesis 10:5 - Nobonob Baibel

⁵ Amu danab ah amu, ag buɗulkad ag Mediterenia yu ihippa, nudppa ele daappig; ag am Japet buɗub aakku. Amu ag baelkadppa anen anen ele ag appatna, kuɗum bena, oppatna wanppan wan laalappa daanna, ag nailag piɗe piɗe mattinna, aab ikki anen anenppa daappig.

Genesis 10:5 ပူးပေါင်းရင်းမြစ်များ

Genesis 10:20

Ham buɗub ag akka akka ahilag nai ele, ahilag wan, amu ahilag aab ikki ele anam daadttappig.

Genesis 10:25

Eber nug bekoɗ aɗit, laa onig Pelek, amu laa onig Joktan. Peleknu haenppa danab ah ag oppatna, aben aben daadppig amunu, nug onig Pelek.

Genesis 10:32

Nai amuam Noa bekkod buɗulkad, amu ahilag aab ikki ikki ele, amu ahilag wan aben aben ele ippunigtte. Aria, le hiɗ dimppa amu, danab oh Noa bekkodppa bena wanppa daanna, oidttappig.

Genesis 10:4

Jawan bekkod am Elisa, Tarsis, Kitim, Rodanim ele.

Genesis 10:6

Ham bekkod am Kus, Misraim, Put, Kanan ele.

Genesis 9:19

Danab ewam amu, ag Noa bekkod, ag wanppan danab oh, ag alalkad.

Esta 10:1

Am King Ekserksis nug he, danab ah nuhig ɗo maɗoɗ waappa daatteb ele, laa miag daatteb, laa uma uma datteb ele ag takis meppig.

Sam 72:10

Tarsisnu king, amu wan umanu king ele, ag en takis bia, aon uɗin mettaglag. Ao, aab aɗit, aa oh onilti am Seba, ahilti king ag keeke ena ena aon, nug gumidna wana, keeke amu nuhig daakkunu hamu mettaglag.

Aisaia 11:11

Aria haen amuppa Naɗi Nug baula inam hekku. Danab eppeg bahia, keeke laa aɗa, nug eppeg eɗua aotte, amubia Naɗi Nug nuhikkud danab ah oɗo yaak Asiria wanppa daatteb, Isip wanppa daatteb, Kus wanppa daatteb, Elam wanppa daatteb, Babilon wanppa daatteb, Hamat wanppa daatteb, yunu nudppa daatteb ele eɗua diikku.

Aisaia 24:15

Ag anam hekkulag amunu, danab ah laih aam bedeppa daatteb amu, ag Yawe binag amahlak oppiaawak ele mekkulag. Ao, ag danab ah aam nodeppa daatteb, ag oh Yawe binag mekkulag. Yawe Nug am Israel dilag Kayak.

Aisaia 40:15

Yawenu neekkakppa amu, wan atu oh am keeke nakoknab, le ataɗa nak laippu giɗo nakokppa nette, amubia. Ao, Yawenu neekkakppa wan atu oh am keeke nakoknab, gappud teppu iittanab, skelppa daatte, amubia. Nug nud oh uugnu amu Nug gappud teppu iittanab skelppa daatte, Nug nud oh dilag uugnu anamib dootte.

Aisaia 41:5

Danab ah wan miagnu, wan umanu ele ag ⌊aam bedeppanu okkai amu hette⌋ anidna, ag baɗatteb. Ao, danab ah wan atu umanabnu, ag amu anidna, hahaɗnana daatteb. Ag akka akka qagmena, ag nug ehanidnana, akka akka amelagppa “Ɠagattag daye!” atteb.

Aisaia 42:10

Ag wan atu ohppan danab ah ag Yawenu ahi bau etteg! Ao, ag wan batakppanu ag ahi ettanna, ag Yawe binag meig! Ag danab ag uubppa yu qaɗeppa oitteb, yuppanu keeke oh ele, ag anam heig! Ag danab ah wan miagnu, wan umanu ele, ag oh Yawe binag maknu ahi bau laa etteg!

Aisaia 42:4

Nug amu hekkunu dabmak nug ooppa dayebeb, aɗitai laa ii qeeb nema; nug ooppa ɠagattag ele doyaya, nug uɗat amu ii uuma. Nug heeb, nai doya mala hettoɗia epeɗia elele mettak kobol am danab ah wan ohppa daatteb, ag kobol amu tonatteb oiglag. Danab ah wan miagnu, wan umanu ele, ag nuhig nai amuppanu ena bekkulagnu dabmak aɗan oiglag,” awa atte.

Aisaia 49:1

Danab ah wan miagnu, wan umanu ele, ag nai dahil doyeg! Ao, ag danab ah wan atu umanu, ag doyeg! Anai da ii menuiɗom haenppa, Yawe Nug da onilppa eum. Ao, da anai ooppa niiiyi, Yawe Nug da onil diiom.

Aisaia 51:5

Da dahil genab tutukku hak kobol dim lamitten ehanadkkulnu haen am miagib daatte. Ao, da danab ah ehanadppi padal ii memananu haen am miag uɗiom daatte. Da dahil ɠagattagppa heppi, danab ag lailkad ele ag nai doya mala hettoɗia epeɗia elele mettak kobol dim lamidna oiglag. Danab ah ag wan miagnu, wan umanu ele, ag dahil ɠagattag, ag amuppa ehanittak aoglagnu dabmak aɗan daan, amel metteb.

Aisaia 59:18

Nug nuhig kekeɗ, ag kobol aɗi aɗi heppig amu, Nug amu andatta amunu, bu elele madakku. Nug danab ah ag nuhig kekeɗ daan oitteb ele, Nug amu dilagnu oppoɗi beebeb, bu madakku. Ao, Nug laa ag nuhignu, “Ihinig kekeɗ,” dootteb amu, Nug ahilagnu ag eheɗ heppignu dabmaama, bu madakku. Nug danab ah wan miagnu, wan umanu ele, Nug ag nob atten awaknu daatteb amu, nug anamib madakku.

Aisaia 60:9

⌊Yawe atte, amubia uub amuam ag wan umanabnu danab ah aon uɗitteb.⌋ Nug atte. “Danab ah wan miagnu, wan umanu ele ag da aniɗna, ehanittak aoglagnu oolag huana hette,” awa atte. Uub tatam uɗitteb amu, ag Tarsisnu. Ag, ag Juda, ag bekkalkad umanabnu aon uɗinna, ag laih appanu danab dilag silwa, gol ele, ag amu ele aon uɗitteb. Ag Yawe, Nug ag Israel, ahilag Kayak Oppiaawak Ele, Nug ag Israel binalag okkainab meum ele amu, ag diig amunu ag silwa, gol amu ele aon uɗin, Nug binag mekkulagnu hetteb.

Jeremaia 2:10

Da anam hekkulnu diig am inam. ⌊Ag Juda,⌋ ag ahan Kitim gona, neegna antteg! Ao, ag laa meppeg, Kedar ukka, nug neekka auta autanab awaɗ! Ag anam henana, ag laa ag Israel danab ah heppig bia heppigtai, o iittatai neegna antteg!

Jeremaia 25:22

Aria, da Tair, Saidon dilag king anen anen matten, da wan laala yu hippeg laihppa daatteb ele amu, da ahilkad king ele mattami.

Esekiel 26:15

Amu Naɗi Yawe nug Tair danab ah amelagppa atte. “Kekeɗ ag uɗin eɗadppeg, ag oolagppa kuɗum laa guittak aon gaappeg, kuɗum laa mauhkkulag amu, wanppan wan laala yu ihippa daatteb, appan danab ah ag Tair, nahip na qak doon, ag huan hahaɗkkulag.

Esekiel 26:18

Gemu amu, na nena qee, wan atu ohppan danab ag eheɗ ottaitteb. Ge, danab wan miagnu, wan umanu ele ag nahip na qaknu eheɗ nau dootteb,’ aon akkulag,” awa atte.

Daniel 11:18

Kobol amu ii ehanidkku amunu, nug wan digdig yu ihippa daatteb ele ban ha diiadkku, amge nuhig daup gumak danab okkai laa nug heeb, yawalti uɗitteppanu kingnu dada naunab hak kobol amu, kobol amuam iitta mekku. Ge! Kobol amuam eɗuak, nuhigppa bekku.

Sepanaia 2:11

Yawe Nug heeb, Moap, Amon ele dilag kayak hambuppuak oh ag padal mekkulag amunu, Moap danab ah, Amon danab ah ele ag Yawenu ebehilag oh bodoetta le mekku. Yawe Nug anam ha maleb, wanppan wan ohppan danab ah ag ahilag wanppa Yawe noobppa dup nona Nug binag mekkulag.

Duteronomi 32:8

Laa Attannab Laa Oh Eɗattak, Nug wan anen anen danab mattom. Ao, Nug danab ah wan anen anen matte daappig. Nug amu haaha amu, Nug Israel ag wan elele daaglagnu laa dilag tom ag mattom. Ao, Nug Israel ag ebqak gane daaglagnu dabmaama, wan laa, ag aulag daakkunu, ahilagnu otiom.