Genesis 1:31 - Nobonob Baibel

³¹ Kayak Nug keeke oh Nug hattom ele, Nug keeke amu ohnu am enaib anattom. Buttua ukka uudo, ukka wagkkaɗom, am deɗ ebqak eblaih laippu ele.

Genesis 1:31 ပူးပေါင်းရင်းမြစ်များ

Genesis 1:13

Buttua ukka uudo, ukka wagkkaɗom am deɗ ebqak ewam.

Genesis 1:19

Buttua ukka uudo, ukka wagkkaɗom am deɗ ebqak waɗele.

Genesis 1:23

Buttua ukka uudo, ukka wagkkaɗom am deɗ ebqak tanig ele.

Genesis 1:5

Amahlak haennu amu, Kayak Nug onig, “amun,” ataɗa, gatatu haennu Nug onig, “tuqan,” ataɗa aum. Buttua ukka uudo, ukka wagkkaɗom am deɗ tatamnu.

Genesis 1:8

Kayak Nug aben uma ukkaknu onig, “hab waappa,” ataɗom. Buttua ukka uudo, ukka wagkkaɗom am deɗ ebqak aɗit.

Genesis 2:2

Deɗ ebqak eblaih laippu ele amu ohppa Kayak Nug nuhig uɗat oh ha mala, amu deɗ ebqak eblaih aɗitppa Nug uɗat heum ohppanu hik awom.

Genesis 2:3

Nug anam ha amu, deɗ amu Kayak Nug tituana, ititta, nuhig tituanak daakkunu meum. Aɗinu? Nug uɗat oh he ukke, malak dayeye, Nug hik awom.

Job 38:7

Haen laa amu heum amu, haen amuppa hoɗoppai buttuanab amahaltteb ele, ag ahi ettaeg, engel ele ag gamag ahak naɗinab doon eppig.

Sam 104:24

O Yawe, na keeke digdig kuɗum hattame! Na nakka nahip doyak dabmak ena okkai amu uɗat mettan heme! Na keeke amu hattana hee, wan atu ohppa doɗ, amu keeke laa oh ele ambak daatteb.

Sam 104:28

Na ee mattai, ag latteb. Yo, na ag, na eppenppanu ee ena mattai laeg, ag oolag diditte.

Sam 104:31

Yawe Nug binag amahlak oppiaawak ele, amu binag amahlak oppiaawak ele amuam hanhan daakkunu ool daatte. Ao, Yawe Nug aɗi aɗi hattom amu, Nug amunu gamag ahak dookkunu ool hette.

Sam 119:68

Na enaib daanna, enaib hettem. Na aɗi keeke hettem amu, na ena hettem. Na da nahip ɗo ippuniɗkkutnu oɗ medattem.

Eksodas 20:11

Aɗinu? Da Yawe, da deɗ eblaih laippu ele uɗat hei ukke, hab, wan, yu ele, amu keeke oh amuppa daatteb ele hattami, amge da deɗ ebqak eblaih aɗitppa, da hik aomi. Da keeke amu oh deɗ amuppa hein maloya, da deɗ eblaih aɗitppa hik aomi amunu, da deɗ ebqak eblaih aɗit ele, amuam Sabat aakku, da deɗ amu itittak ena mettoya, dahil daakkunu tituanmi.

Eksodas 31:17

Ao, Sabat deɗ amu, da hei, da ag Israel ele nug tituanta nai qakkamut amu, Sabat deɗ am tituanak amunu at hanhannu daakku. Aɗinu? Da, Yawe, da deɗ eblaih laippu ele uɗat hei ukke, hab, wan ele hewoya, am deɗ eblaih aɗitppa uɗat oh malak daye, da hik aomi,’ ” awa aum.

Prowerb 16:4

Yawe Nug keeke oh Nug oo hette bia gokkunu bappaidtte; nau hak danab ag ele ag akka ahilag hakppa bu awaknu deɗppanu bu aoglagnu bappaidtteb.

Eklisiastis 3:11

Nug he, keeke haenppanab ag betteb, amu keeke amuam anttaknu enanag aakkuib. Nug ele danab ah oolagppa ag hanhannu keeke dooglagnu dabmak mattom daatte, amge ag Kayak Nug digmakppa aɗi heum, batakppa aɗi hekku amu, ag keeke amu oh dooglagnu elele iitta.

Gayak Nai 3:38

Keeke ena, keeke uug naunab ele; keeke amu oh Kayak Attannab Laa Oh Eɗattak nai maditteppa iite bette?

Duteronomi 32:4

Nug am hanhan ɠagattag daatte; nuhig uɗat am qa oppiaawak ele. Keeke oh Nug hette amu, Nug nai doya mala hettoɗia epeɗia elele mettak kobol dim lamitta hette. Kayak Nug diig nuhignu oo metta ii uuak kobol dim lamittatta, Nug eheɗ laa ii hette. Nug tutukkuib daatte, Nug nai doya mala hettoɗia epeɗia elele mettak ibuppa hanhan daatte.

1 Timoti 4:4

Ig doottem, keeke oh Kayak heum amu, ig Nug amegppa, “Ena hen mekkame,” atata aognig. Geɗidkkunignu ele iitta.

1 Timoti 4:5

Aɗinu? Keeke amu oh Kayak naippa amu unuqittakppa ele ig aot lakkunignu oppiaawak daatte amunu, ig aognig.