Genesis 1:28 - Nobonob Baibel

²⁸ Haatowa amu, Kayak Nug itatata aum. “Aa appatpeɗ, aa buɗulti atu oh tonan malan, daan oiyeg! Oinna, ag keeke oh, doɗ dakkuɗ, aabppanu doɗ, doɗ naunau, kakai, ai oh ele, ag amu oh gumatteg!” awa aum.

Genesis 1:28 ပူးပေါင်းရင်းမြစ်များ

Genesis 1:22

Nug ena anattowa, Nug itatata aum. “Yuppan doɗ ag appatna, huanak bena, yuppa ambak daan oiyeg! Ai, ag ele appatna, huanak bena, wanppa ambak daan oiyeg!” awa aum.

Genesis 17:16

Da nug itidppi, nug na bekkat menukku. Nug wanppan wan laala, king laala ele, nug ag anilag bekku,” awa aum.

Genesis 17:20

Aria, na Ismaelnu ame amu, na ame am da doomi. Da nug ele itidkkul. Da heppi, nug buɗub elab bekku. Danab okkai 12 nug buɗub ooppa bekkulag, amu nug buɗupud ag appatna, huu okkainab, ɠagattag ele daaglag.

Genesis 24:60

Amu tatam ag Rebeka itidyaya apiɗ. “O lai ihinih, na buɗunad ag kuɗumnab bekkulagnu oonih daatte. Ao, na buɗunad ag kekeɗ ahilag ele tabappeg noob, ahilag keeke aoglagnu oonih daatte,” aoya apiɗ.

Genesis 26:24

tuqan amuppa Yawe Nug Aisak gumitta na, amegppa aum. “Da am na mamen Abrahamnu Kayak. Da na ele daattep amunu, na aib baɗame. Da Abraham, nug am maɗi nid dahil amu, da nuhignu dabmak anuqak aottem amunu, da na itidkkul. Da heppi, na buɗunad ag kuɗum bekkulag,” awa aum.

Genesis 33:5

Anam gayoya, Esau nug ameg huma, nid naunau, anilkad ele anatta, oɗ meum. “Umu am aun aɗi?” oɗ meum. Oɗ me amu, Jakop nug aum. “Nid naunau umu, Kayak Nug nahip maɗi nid da, Nug dahilnu oo bodoette enanag maɗoɗ ele ha, da meɗom,” awa aum.

Genesis 49:25

Kayak, Nug da, Jakop, dahil Kayak, Nug na, Josep, Nug na ehanidtte. Ao, Laa Nukka Ɠagattag Oh Ele, Nug na itidtte. Josep, nahipnu amu, Kayak Nug na hab waappanu itittak ena na mettatta, gu medatte. Ao, Nug wan unuqagppanu itittak ena na mettatta he, nahip wanppa le qeppuɗia bette. Am genab, Nug itittak ena na mettatta he, na nid, doɗ ele kuɗum ele daattem.

Genesis 5:2

Nug danab ah ele haata, Nug laa am danab, laa am ah haata itatowa, ahilahnu, “danab,” aum.

Genesis 6:1

Haen danab ag kuɗum appatnana amu, ag nid ah menuatteg,

Genesis 8:17

Amu na doɗ iɗu iɗu oh, ag na ele uubppa daatteb, amuam doɗ, ai, doɗ laa ag oolag wan qeeqe oitteb oh ele amu, ag wanppa daanna, kuɗum appatkkulagnu, na amu oh diiadna dimittim ukke!” awa aum.

Genesis 9:1

Kayak Nug Noa, nug bekkod ele itattatta aum. “Ag appatna, wan oh tonan daanna oiyeg!

Genesis 9:7

Ahilagnu amu, da attem. Ag appatna, kuɗum bena, wan oh tonan daanna oiyeg!” awa aum.

1 Stori 26:5

Netanel dimugppan am Amael. Amiel dimugppan am Isakar. Isakar dimugppan am Peuletai. Kayak Nug Obetidom itittom amunu, nug bekkod kuɗum ele.

1 Stori 4:10

Jabes nug Israel dilag Kayak unuqitta, inam aum. “O Kayak, na da itittak ena meɗan heppe, dahil wan am okkai daakkunu, da guittak ii doopanu, da na eppenppa daappi, na ehaniɗppe, uug laa dahilppa ii bemanu unuqidttem,” awa unuqittom. Jabes nug anam unuqitte, Kayak Nug Jabes unuqittom bia nuhigppa heum.

Job 39:11

Makau okkai ebehi ele dakkuɗ am ɠagattag okkainab ele amunu, na ɠagattag okkai amuppa nahip uɗat heppe, ha malakkunu dabmekkutte? Ge, na nug uɗia hekkunu, na nahip uɗat uug ele uukkutte?

Job 42:12

Amu Job nug tatam dayeye, Yawe Nug ititte, keeke ele dayom; uug awom dimppa Kayak nug ititte, keeke ele dayom amu, itittak ena dimnu am itittak ena tatamnu eɗittak. Dimnu itittak enanu amu Job nug sipsip 14,000, kamel 6,000, makau okkai ebehi ele 2,000, donki anig 1,000 ele.

Sam 107:38

Nug ag itatta autanab awe, ag baelkadppa kuɗum ele daappig. Ahilkad makau ele abategeg, kuɗumnab daappig.

Sam 115:16

Hab attan ukke ukke, adekku batatte, amuam Yawenu, amge nug wan danab ah oh mattom.

Sam 69:34

Hab amu habppan oh, wan amu wanppan oh ele, ag Kayak binag meig! Yu amu yuppan oh ele amu, ag oh ele, ag anam heig!

Sam 8:6

Na ag epeɗiadna, keeke oh na hattame atognoadkkulagnu eppelagppa meme. Ao, na ag keeke oh gumadkkulagnu ag eppelagppa meme.

Sam 8:7

Amuam sipsip oh, makau oh, doɗ dakkuɗ oh,

Aisaia 45:18

⌊Keeke amu oh am anamib bekku.⌋ Aɗinu? Yawe, Nug hab heum, Nug nukka am Kayak. Ao, Yawe, Nug wan heum amu, Nug wan ɠagattag daakkunu babaittom. Nug danab ag wanppa daaglagnu wan babaittom. Nug wan danab ah appa ii daamnanu ii babaittom. Iitta! Nug danab ah aguppa daaglagnu babaittom. Amu Yawe Nug atte. “Da am Yawe, laal ii daatte.

Lewitikas 26:9

Da geha ahilagnu ena heinne, ag nid madappi, danab kuɗum beppeg, amuppa da hei, da ag ele nug tituana nai qakkak hemut amu, nai dahil amu meu okku.

1 Timoti 4:3

Danab amu ag ewau matulak kobolnu aib anana, ee laalanu, Kayak Nug danab ag oolagppa genab dootteb, doyak diig genabib ele dootteb, ag ee amunu Kayak binag menana, ee amu aon lakkulagnu he beppig ele amu, hambuppuak danab amu ag ee amu ele lakkulagnu aib atteb.