Genesis 1:22 - Nobonob Baibel

²² Nug ena anattowa, Nug itatata aum. “Yuppan doɗ ag appatna, huanak bena, yuppa ambak daan oiyeg! Ai, ag ele appatna, huanak bena, wanppa ambak daan oiyeg!” awa aum.

Genesis 1:22 ပူးပေါင်းရင်းမြစ်များ

Genesis 1:21

Anam amunu, Nug yuppanu doɗ okkai okkai, amu le ohppanu doɗ iɗu iɗu laa oh ele, amu ai iɗu iɗu oh ele, ag oh anen anen appatna, ag diilkad amubiaib bekkulag amu, Nug amu oh hattom. Kayak Nug anam hattowa, Nug ena anattom.

Genesis 1:23

Buttua ukka uudo, ukka wagkkaɗom am deɗ ebqak tanig ele.

Genesis 1:28

Haatowa amu, Kayak Nug itatata aum. “Aa appatpeɗ, aa buɗulti atu oh tonan malan, daan oiyeg! Oinna, ag keeke oh, doɗ dakkuɗ, aabppanu doɗ, doɗ naunau, kakai, ai oh ele, ag amu oh gumatteg!” awa aum.

Genesis 30:27

Jakop anam a amu, Laban nug oɗeppa awa aum. “Na oot dahilnu ena daatte dayeb amu, na gokkutnu aib heme. Na da ele ippa daagnih. Aɗinu? Da dahil emanppa Yawe Nug nappa da itiɗom anidmi.

Genesis 30:30

Na amu doottemnu diig am, anukka na enun kuɗum iitta, amge dahil uɗat ohppa Yawe Nug ititte, na gemu enun kuɗum ele daattem. Anam aakku, amge gemu dahilnu am attemun? Da ganeb dahilad dilagnu keeke digmein aokkul?” awa aum.

Genesis 35:11

Amu Kayak Nug baula ele aum. “Da am Kayak Dakka Ɠagattag Oh Ele, da inam attem. Na gona, kuɗum appate! Na appatppe, na buɗunad ag diig laippu, amge huu okkai piɗe piɗe oiglag. Na buɗunadppa danab laala ele king bekkulag.

Genesis 8:17

Amu na doɗ iɗu iɗu oh, ag na ele uubppa daatteb, amuam doɗ, ai, doɗ laa ag oolag wan qeeqe oitteb oh ele amu, ag wanppa daanna, kuɗum appatkkulagnu, na amu oh diiadna dimittim ukke!” awa aum.

Genesis 9:1

Kayak Nug Noa, nug bekkod ele itattatta aum. “Ag appatna, wan oh tonan daanna oiyeg!

Job 40:15

Na doɗ naɗinab laa onig behimot antte! Da na, nug ele oh hatmi. Doɗ amu nug makau okkai ebehi ele gikkiɗah latte bia gikkiɗah latte.

Job 42:12

Amu Job nug tatam dayeye, Yawe Nug ititte, keeke ele dayom; uug awom dimppa Kayak nug ititte, keeke ele dayom amu, itittak ena dimnu am itittak ena tatamnu eɗittak. Dimnu itittak enanu amu Job nug sipsip 14,000, kamel 6,000, makau okkai ebehi ele 2,000, donki anig 1,000 ele.

Sam 107:31

Heppeg, ag Yawe amegppa nuhig oo mauhaknab kobolnu, “Ena heme,” aig! Ao, ag Nug keeke ena ena oh danab nuhikkud dilag hettenu ele anam aig!

Sam 107:38

Nug ag itatta autanab awe, ag baelkadppa kuɗum ele daappig. Ahilkad makau ele abategeg, kuɗumnab daappig.

Sam 128:3

Am grep ena laa, nug grep meu huana otte, amubia na geha nid naunau kuɗum menuadkkut. Ao, olip ad, ita huana betteb, amubia nid naunau kuɗum na lautppa daaglag.

Prowerb 10:22

Yawenu itittak ena he, danab nug elelenab daatte; amuppa uug laa ii daatte.

Lewitikas 26:9

Da geha ahilagnu ena heinne, ag nid madappi, danab kuɗum beppeg, amuppa da hei, da ag ele nug tituana nai qakkak hemut amu, nai dahil amu meu okku.