Genesis 1:20 - Nobonob Baibel

²⁰ Keeke amu anam ba daye, Kayak Nug, “Leppanu doɗ iɗu iɗu oh amu, ag huanak beig! Ai ele ag oh bena, hab waappa hagagaɗeg!” awa aum.

Genesis 1:20 ပူးပေါင်းရင်းမြစ်များ

Genesis 1:14

Keeke amu anam ba daye, Kayak Nug, “Hab attannu amahlak, ag amun, tuqan, aam haen, gu haen, amu maɗ alag, maɗ bau ele oppatkkulagnu,

Genesis 1:19

Buttua ukka uudo, ukka wagkkaɗom am deɗ ebqak waɗele.

Genesis 1:21

Anam amunu, Nug yuppanu doɗ okkai okkai, amu le ohppanu doɗ iɗu iɗu laa oh ele, amu ai iɗu iɗu oh ele, ag oh anen anen appatna, ag diilkad amubiaib bekkulag amu, Nug amu oh hattom. Kayak Nug anam hattowa, Nug ena anattom.

Genesis 1:22

Nug ena anattowa, Nug itatata aum. “Yuppan doɗ ag appatna, huanak bena, yuppa ambak daan oiyeg! Ai, ag ele appatna, huanak bena, wanppa ambak daan oiyeg!” awa aum.

Genesis 1:30

Amge keeke amu oh, ag uɗulkad am doɗ, ai ele dilag ee daakku.” Kayak Nug a, am anam aakku beum.

Genesis 1:7

Anam amunu, aben uma ukkak le gamagppa beum. Be, le laa honap piɗe daye, le laa attan piɗe ele dayom; le aben laippuppa ii dayom, piɗe piɗe dayom. Kayak Nug a amu, am anam aakku beum.

Genesis 2:19

Amu anukka Yawe Kayak Nug wanppanu doɗ iɗu iɗu oh, ai iɗu iɗu oh ele wanppanu hatte bena daaegeg, Nug Adam ahilagnu anen anen ag onilkad ataɗadkkunu nug noobppa diia uɗie, Adam nug ag onilag ataɗatte, anam daappig.

Genesis 7:21

amunu keeke bau wanppa oippig am mauhppig; amuam ai, doɗ aabppanu, doɗ dakkuɗ, doɗ naunau huanaknab wan qaɗeppa oitteb, amu danab ele, ag oh mauhppig.

Genesis 8:17

Amu na doɗ iɗu iɗu oh, ag na ele uubppa daatteb, amuam doɗ, ai, doɗ laa ag oolag wan qeeqe oitteb oh ele amu, ag wanppa daanna, kuɗum appatkkulagnu, na amu oh diiadna dimittim ukke!” awa aum.

1 King 4:33

Nug keeke iɗu iɗu kuɗum wanppa beppig daaegeg anadttem ele, nug amunu ippunittak nai mattiom. Nuhig ippunittak nai nug mattiom ele, amu oh am ad sida okkai okkai Lebanonnu, ukka ukka ad nakok laa onig hisop, men aɗ giɗoppanu bette ele, nug amunu oh ippunittak nai mattiom. Laa amu nug doɗ wanppa oitteb, ai, peɗi, am yuppa kakai dilagppa ele ippunittak nai mattiom.

Job 12:9

Amu oh oolagppanu laa, nug Yawe Nug ag hattom iite dootte?

Sam 148:10

doɗ dakkuɗ, doɗ manan, doɗ naunau, ai hagagaɗtteb ele,

Eklisiastis 2:21

Uug da doominu diig am, danab laa nug uɗat nuhig hekkunu doyak dabmak ena okkai ele, uɗat amu haknu diignu doyak tutukku ele, eppeg uɗat amu haknu dootte amunu, nug ha autanab aotte, amge dimppa nuhig uɗatnu meu am laa nug uɗat ii heum ele, nug eppegppa gokku. Kobol amu ele am gaɗappa, unuqagppa ele anttak laippu iitta; kobol amuam uug naunab ele.

Lewitikas 11:42

Doɗ amu laa ag baelkad, eppelkad iitta, ag oolag wan qe gotteb; am doɗ amu laa ag baelkad, eppelkad ele, amge ag oolag wan qeeqe oitteb, doɗ amu oh ag aibnab lappig. Aɗinu? Doɗ amu ohnu ag oolagppa uuaknab dooglagnu daatte.

Lewitikas 11:43

Ag lauɗadna, Kayaknu neekkakppa dubuttid tak ele daaglagnu aib heppig. Ag lauɗadkkulag amu, ag Kayak ele ouqa dayaknu elele iitta daaglag. Ag aib anam heppig.

Aposel 17:25

Amu Kayak Nug keeke laanu tutu mettete amunu, ig danab ig Nug ehanidkkunig? Iitta. Nug nukka eleleib daatte. Nug nukkaib he, danab oh ag bau daatteb; ge Nug he, ag hik aotteb.