Genesis 1:16 - Nobonob Baibel

¹⁶ Kayak Nug anam anana, ib amuppa amu Nug aam, kalam ele, aa amahlak okkai aɗit, amu hoɗopai oh ele hattom; aam nug amunnu amahlak, kalam nug tuqannu amahlak.

Genesis 1:16 ပူးပေါင်းရင်းမြစ်များ

Genesis 1:15

ag wan ele amahlak mettaglagnu dayeg!” awa aum. Kayak Nug a amu, am anam aakku beum.

Job 31:26

o iitta, da aam enanagnab amahalele antten, da aamnu, ‘Kayak laa,’ doye, binag melomlob, o iitta, da tuqan kalam manin ele oiyeye antten, da kalamnu, ‘Kayak laa,’ doye, binag melomlob amu,

Job 38:7

Haen laa amu heum amu, haen amuppa hoɗoppai buttuanab amahaltteb ele, ag ahi ettaeg, engel ele ag gamag ahak naɗinab doon eppig.

Sam 148:3

Aam, kalam ele, aa ⌊danab ah Nug binag metteb bia, aa⌋ Nug binag meiɗ! Hoɗoppai amahaltteb ele amu, ag ele ⌊danab ah Nug binag metteb bia, ag⌋ Nug binag meig!

Sam 148:5

Aɗi keeke daatte amu, Yawe Nug a beppig amunu, keeke oh Yawe heum ele, keeke amu oh Nug binag meig!

Sam 19:6

Aam nug hab waappa laihnu ba, ippu dim lamitta ukka, laih notte. Keeke laa am aamnu gakkaɗak qe-eɗidkkunu elele iitta.

Sam 74:16

Na hee, amun tuqan ele daatte. Na aam, kalam ele abenlahppa matame.

Sam 8:3

Da na hab heme, na kalam, hoɗoppai keeke ele hattana, abenalagppa maadme ele neekke anatten dabmein dayeye amu, da inam dabmettem.

Aisaia 13:10

Amu deɗ amuppa habppan hoɗopai ag amahlak ahilag ii wan mettamna. Am genab, habppa hoɗopai huu mak daatteb, ag amahlak ahilag wan ii mettamna. Aam bau bette am amahlak nuhig wan iinab mettama; kalam nuhig amahlak ele wan ii mettama.

Aisaia 24:23

Yawe Nukka Ɠagattag Oh Ele, Nug uɗia, Sion qaukoppa Jerusalem appa, danab ah nuhikkud dilag ikki danab noolagppa danab ah gumattebeb, Nuhig binag amahlak oppiaawak ele am miagib daakku. Anam amunu, aamnu amahlak, kalamnu amahlak ele am geha keeke hamu bia daakku. Aam o kalam danab daalo, am nug uɗa nelo.

Aisaia 40:26

Ag attan neegna, habppan keeke antteg! Aun nug keeke amu oh heum? Laa Nug keeke amu oh gumaama, Nug keeke amu oh onilkad dootte ele, Nug heum. Nug am ɠagattag okkai naɗi ele amunu, habppan keeke oh am hanhan anamib daatte. Laa iinab qettoɗtte.

Aisaia 45:7

Da hei, amahlak amahaltte; da hei, gatatu daatte. Da hei, danab ag maɗoɗ aon daatteb, amu da hei, danab ag uug naunab waappa daan oitteb. Da Yawe, da keeke imu oh hettem.

Jeremaia 31:35

Amu Yawe Nug he, aam amunppa amahaltte, Nug a, kalam, hoɗopai ele tuqan amahaltteb. Nug he, yu duban qe, oqotti huana otte. Nug onig am Yawe Nukka Ɠagattag Oh Ele, amu Nug atte.

Habakuk 3:11

Na nahip lat doɗo e ukkaegeg, amemɗi awom. Ao, na nahip ban ele eewo, amemɗi awom. Anam amu, aam, kalam ele hab waappa toettaya daapiɗ.

Matyu 24:29

Aria, haen amunu uug nau iitta meeb, pahanab aam ii amahalma, kalam ele ii amahalma, hoɗoppai laa ag habppanu nena qebeppeg, laa ag ippulag tutukku ii dim lamidmana.

Matyu 27:45

Aria, aam ameg 12ppa gatatu na, wan amu oh tone ukke, tueb aam ameg ewamppa batom.

1 Korint 15:41

Aam nug binag amahlak oppiaawak laa, kalam nug binag amahlak oppiaawak laa, amu hoɗoppai ag binag amahlak oppiaawak laa. Am hoɗoppai ag ele binag amahlak oppiaawak iɗu piɗe piɗe.

Duteronomi 4:19

Aria ag neegppeppeg, lomppa teeb, ag aam, kalam, hoɗoppai ele, ag keeke amu oh anadna amu, ag aib amuam kayak daatteb anana, noolagppa dup nona binalag mak heppig. Yawe, ahilag Kayak, Nug keeke oh hab waappa daatteb amu, Nug am wanppan danab ah oh ehanadkkunu hattom.

Revelesen 21:23

Aab okkai amuppa amu aam kalam ele aa aab amu amahlak laa medakkunu ii daattep. Aɗinu? Kayaknu binag amahlak oppiaawak ele am amahlak medatte, amu Sipsip Nag am aab amunu lam daatte.