Genesis 1:14 - Nobonob Baibel

¹⁴ Keeke amu anam ba daye, Kayak Nug, “Hab attannu amahlak, ag amun, tuqan, aam haen, gu haen, amu maɗ alag, maɗ bau ele oppatkkulagnu,

Genesis 1:14 ပူးပေါင်းရင်းမြစ်များ

Genesis 1:13

Buttua ukka uudo, ukka wagkkaɗom am deɗ ebqak ewam.

Genesis 1:15

ag wan ele amahlak mettaglagnu dayeg!” awa aum. Kayak Nug a amu, am anam aakku beum.

Genesis 8:22

Wan nug dayebeb, ee eppak haen, ee awak haen, oug haen, gakkaɗak haen ele, gu haen, aam haen, tuqan, amun ele, keeke amu oh iitta ii mema; anamib daakku,” awa aum.

Job 25:3

Aun nug Kayaknu daup ebaqadkkunu elele? Ge, auntai laa nug Kayak eppegppanu amahlak iite aotte?

Job 25:5

Nuhig neekkakppa kalam ena ii amahaltte; hoɗoppai ele ag oppiak ele ii daatteb.

Job 3:9

Deɗ da domippa, deɗ amunu buttuanu hoɗoppai ii amahalmananu, aam ii beeb, amahlak ii daamanu, aam diigppan ii bemanu ool daatte.

Sam 119:91

Keeke oh am nahip maɗi nid daatteb amunu, nahip ɗo gemu ⌊nai imu yaak haenppa⌋ ele iikku daatte.

Sam 148:3

Aam, kalam ele, aa ⌊danab ah Nug binag metteb bia, aa⌋ Nug binag meiɗ! Hoɗoppai amahaltteb ele amu, ag ele ⌊danab ah Nug binag metteb bia, ag⌋ Nug binag meig!

Sam 148:6

Yawe Nug keeke oh ag abenlagppa, appa hanhan daaglagnu maattom. Ao, Nug ɗo ag amuppa daaglagnu aum amu, nai amuam ii eɗuma.

Sam 150:1

Ag Yawe binag meig! Ao, ag Kayak, nuhig mettid lagppa gona, Nug binag meig! Ge, hab attan, amuam Yawenu ɠagattag ippunigtte, appa ele ag Nug binag meig!

Sam 81:3

Kalam bau bette haenppa, ag digmena, hobul hekkulagnu, ag trampet iwaleg! Ao, ig hobul kalam kunum bette haenppa hettem ele amu, haen amuppa ele iwaleg!

Aisaia 40:26

Ag attan neegna, habppan keeke antteg! Aun nug keeke amu oh heum? Laa Nug keeke amu oh gumaama, Nug keeke amu oh onilkad dootte ele, Nug heum. Nug am ɠagattag okkai naɗi ele amunu, habppan keeke oh am hanhan anamib daatte. Laa iinab qettoɗtte.

Jeremaia 10:2

Yawe Nug inam awa atte. “Ag wan laala dilag kobol aib anidna dim lamidppig. At habppa beegeg, wan laappan danab ah ag anidna, eheɗ nau baɗatteb amu, ag Israel, ag amubia aib heppig.

Jeremaia 31:35

Amu Yawe Nug he, aam amunppa amahaltte, Nug a, kalam, hoɗopai ele tuqan amahaltteb. Nug he, yu duban qe, oqotti huana otte. Nug onig am Yawe Nukka Ɠagattag Oh Ele, amu Nug atte.

Jeremaia 33:20

Nai mette amu, Jeremaia nug inam doyom. “Da, Yawe, da inam attem. ‘Da amahlak hanhan amunppa, nuhig haenppa daakkunu, gatatu hanhan tuqan, nuhig haenppa daakkunu ele nai qakkami, amu laa nug heeb, amun, tuqan ele aa ahilah haenppa ii daaglahnu am elele iitta.

Jeremaia 33:25

Anam amu, da Yawe, da amunu inam attem. Da amahlak hanhan amunppa, nuhig haenppa daakkunu, gatatu hanhan tuqan, nuhig haenppa daakkunu ele nai ii qakkami dayeb, habnu, wannu ele attem attem ba gokkunu ɗo ii memi dayeb amu,

Esekiel 46:1

Naɗi Yawe Nug inam atte. “Mana mettak danab dilag haɗapnu od kaɗag uɗitteppanu daatte, od amuam deɗ eblaih laippu ele, ag uɗat hettebppa, od amuam deɗ amu ohppa manakib daakku, amge Sabatppa, kalam bau betteppa ele, ag od amu matulkkulag.

Esekiel 46:6

Aria, kalam bau betteppa amu, Israel dilag okkai nug makau gaiɗ laippu, sipsip gaiɗ eblaih laippu ele, amu sipsip dawai laippu ele mana mettak hekkunu awa uɗieb, mana mettak danab ag manadna da meɗaglag. Doɗ amu oh beɗulagppa eheɗ laa ii daama.

Joel 2:10

Ag oiyona ukkaegeg amu, wan hab ele uɗalttep; aam, kalam ele gatatu manaeh, hoɗoppai ele ii amahaltteb.

Joel 3:15

Deɗ amuppa amu, aam, kalam ele aa gatatu maiglah, hoɗopai ele ii amahalmana; iitta.

Amos 5:8

⌊Ag laa ag anam hetteb amu, ag⌋ Laa Nug hoɗoppai huu mak laa onig Pledes, laa onig Orion ele, Nug ag hatta, abenalkadppa mattom daatteb, ag Laa Nug he, tuqannu gatatu am eɗua, wagkkaɗakppa amahlak daatte, ag Laa Nug he, amunnu amahlak am eɗua, tuqannu gatatu daatte, ag Laa Nug he, yuppan le am wan tonadtte, Nug onig am Yawe, ⌊ag Nug mattina, dim lamidkkulagnu mattieg⌋!

Amos 8:9

Amu Naɗi Yawe Nug inam atte. “Haen amuppa da heppi, aam anig amu, aam nokku; aam anig gatatu na, wan tonakku.

Matyu 2:2

“Nid nakok laa doum, Nug Juda dilag king amu, Nug adeppa daatte? Ig nuhig hoɗoppai aam bedeppa anidta, Nug noobppa dup nota binag mekkunignu uɗimut,” aon appig.

Matyu 24:29

Aria, haen amunu uug nau iitta meeb, pahanab aam ii amahalma, kalam ele ii amahalma, hoɗoppai laa ag habppanu nena qebeppeg, laa ag ippulag tutukku ii dim lamidmana.

Mak 13:24

Jesus Nug anam ana, Nug nai baula aum. “Aria, haen amunu uug nau iitta meeb, aam ii amahalma, kalam ele ii amahalma,

Duteronomi 4:19

Aria ag neegppeppeg, lomppa teeb, ag aam, kalam, hoɗoppai ele, ag keeke amu oh anadna amu, ag aib amuam kayak daatteb anana, noolagppa dup nona binalag mak heppig. Yawe, ahilag Kayak, Nug keeke oh hab waappa daatteb amu, Nug am wanppan danab ah oh ehanadkkunu hattom.

Revelesen 6:12

Kayak Nug anam he amu, Sipsip Nag Nug buk itoɗiakppa qataqak ebqak 6 tolele anidmi. Tole, mim okkai wanppa neum. Aam gatatu mane, wan gatatu manom. Gatatu mane amu kalam nug kokoɗ, tiig bia, dayom.

Revelesen 8:12

Aria, engel ebqak 4 nug nuhig trampet iwale amu laa he, aamnu laih laippu, kalamnu laih laippu, amu hoɗoppai ameg laippu ele, amu oh ii amahalppig; aamnu laih aɗit laa, kalamnu laih aɗit laa, amu hoɗoppai ameg aɗit laa ele, amu oh amahalppig. Anam amunu, amunppa aua waɗele am amahlak iitta, tuqanppa ele aua waɗele am amahlak iitta.

Revelesen 9:2

Nug moɗ amu matule amu moɗppanu kahug okkainab, aab kahug okkai okkainab bette, amubia beum. Kahug amu ba, aam ameg hab ele tonate, gatatu manom.