Galesia 5:4 - Nobonob Baibel

⁴ Am ag ɗo dim lamidkkulag, amuppa Kayak Nug geha ahilagnu, “Genab tutukku hak danab,” awa akkunu dabmetteb amu, amuppa ag aakku Kristus uuppig, ag am Kayaknu ehanittak okkai hamu megatte amu, ag amuppa ii daatteb.

Galesia 5:4 ပူးပေါင်းရင်းမြစ်များ

Rom 11:6

Amu Kayak Nug danab amu ehanittak okkai hamu madatta tituanattom dayeb amu, Nug ag uɗat heppig amuppa ii diiattom. Ag uɗat heppig amunu Kayak Nug diiattom daalo amu, Kayak Nug ehanittak okkai hamu mettakppa danab diittenu kobol amu keeke hamu daalo, ehanittak okkai hamu mettak kobol amuam meu iitta daalo.

Rom 3:20

Ɗo nai am danab oh dilag daatte, amge danab ohnab ag pehettak ii dim lamidtteb amunu, ɗo dim lamittak kobolppa danab laippu laa Kayak amegppa genab tutukku hak danab daakkunu elele iittanab. Aɗinu? Ɗo nai am ig hipunin ihinig uhuqa megakkunu keeke iitta. Ɗo nug he, eheɗ hak ihinig miag atitte aakkuib.

Galesia 2:21

Da Kayaknu ehanittak okkai hamu megatte ele, da amunu keeke hamu bia ii doottem. Am ig danab ig ɗo dim lamidta, genab tutukku hak danab bekkunignu elele daalom amu, Kristus Nug ihinignu mauhom amu Nug aakku hamu mauhlo.” Da anam Pita amegppa ami.

Galesia 5:2

Doyeg! Da am Pol, amu da ag amelagppa attem. Ag am Kayak noobppa ena daaglagnu henana, ag ɗo dim lamidna, gaɗa otaɗak aoglag dayeb, geha Kristus uɗat heum daatte am ag ii ehanadma. Iittanab iitta.

Hibru 12:15

Danab laa nug Kayaknu ehanittak okkai hamu megatte ele amu dimetta na qemanu dabmeig! Ag oolagppa danab laa nug ad laa tiig mua ele, danab lanana mauhtteb ele, amubia dayaya, nug heeb, uug aqeb, ag kuɗum ag Kayak amegppa dubuttid ele daamnanu ele dabmeig!

Hibru 4:1

Aria, Kayaknu hik awaknu nai, nug amunu nai qakka aum amu, nai amu gemu ele daatte amunu, danab laa ag oolagppanu nug hik awak amu etta ii aomanu amu, ig dabmeta autta aotu!

Revelesen 2:5

Na tatam daame, amuppanu na qakppa daattem amu, na dautppa doaɗ! Dautppa dob, oot eɗueb, hak nahip tatam heme ele amu baula he! Na oot ii eɗukkut dayeb, da nahip-ppa ukken, lam maknu balal nahip amu abenppanu eɗue aokkul.