Galesia 4:4 - Nobonob Baibel

⁴ Am anam daye ukkom, amge haen Kayak aum amu elele mette, Kayak Nug Bekka me ne, ah nug menue, Nug ɗo waappa ba dayom.

Galesia 4:4 ပူးပေါင်းရင်းမြစ်များ

Aisaia 7:14

Na atnu oɗmak hekkutnu uume amunu, Naɗi Nug nukka geha at laa na ippunidkku. At amuam inam. Ah makkun laa nug oo ele daya, geha nug nid danab menua, nid onig Imanuel ataɗkku.

Rom 1:3

Nai ena amuam Kayak Nug bekka, ihinig Naɗi Jesus Kristus, nuhignu nai. Wan imuppan menuakppa amu, Nug Dawit buɗubppa aakku doum.

Jon 1:14

Am Kristus, onig laa Nai Kayak Ippunigtte, Nug danab beɗu awa, ig oonigppa dayom. Ig oonigppa dayeye, ig nuhig binag amahlak oppiaawak ele anidmut. Binag amahlak oppiaawak ele amuam laa Nug Kayak Bekka laippunab daatte, Nug Kayak, nuhigppanu uɗiom amu, am nuhig aakku. Doyak diig genabib, amu ehanittak okkai hamu mettak kobol ele, amuam nuhigppa ambaknab ele daatte.

Mak 1:15

Nug nai inam mehuqa aum. “Haen aakku beum dayeye, Kayaknu ɗo maɗoɗ aakku miag doum daatte amunu, ag ahilag hak nau uuna, oolag eɗueb, Nai Enanu oolagppa genab doyeg!” awa aum.

Jon 3:16

Kayak Nug wanppan danab ah dilagnu oo huana mauhom amunu, Nug Bekka laippunab me uɗiom. Nug me uɗiom amunu, aun nug nuhignu ooppa genab dootte ele, nug padal ii mema. Iitta! Nug bauklel hanhannu aokku.

Matyu 1:23

“Doyeg! Ah makkun laa nug oo ele daya, geha nug nid danab menukku. Menueb, ag nid onig Imanuel ataɗkkulag.” Onig amu diig am, “Kayak ig ele daattem.”

1 Jon 4:14

Mame Nug Bekka, wan imuppan danab oh eɗua diiadkkunu me uɗiom, amu ig Nug Bekka anidta, ig amunu iikku madittem.

Epesus 1:10

Nug oo niitte am inam. Nug ulum aɗebeb, Nug haen epeɗiom ele amu uɗieb, keeke hab attannu, wanppanu ele amu Nug oh qagmaatteb, Kristus waappaib daappeg, Kristus Nug keeke amu oh ikkilag daakku.

Luk 2:7

nug nid naanaeg, am nid danab, nug Nug menuom. Menua, niiak lag ambeum amunu, nug bekka lamen elabppa ehakka, doɗ dilag ee lanak taɗaɗ ooppa me niiom.

Rom 8:3

Amu inam. Ig oonig alag nug he, ɗonu ɠagattag am gai-iitta dayom amunu, ɗo nug heeb, ig ena bekkunignu elele iittanab, amge keeke ɗo nug hekkunu elele iitta amu, keeke amu Kayak nukka heum. Kayak Nug nukka Nug Bekka me uɗia, danab beum. Nug beɗu am, ig hipunin danab, ig beɗunig bia tagittom, amge Nug am hipunin laa iitta. Amu Jesus Nug ib etta hipunin haknu ofa dayeb, amuppa Kayak Nug ihinig hipunin uhuqa megakkunu, Nug Jesus me uɗiom. Ib amuppa amu, Kayak Nug danab ah ag hipunin waappa ii daamnanu heum.

Luk 1:35

Anam a amu, engel nug oɗeppa awa aum. “Geha Kayak Ouɗi nahip-ppa uɗieb, Kayak Attannab Laa Oh Eɗattak, nuhig ɠagattag na tonidkku amunu, na nid oppiaawak ele menukkut amu, ag nuhignu, ‘Kayak Bekka,’ aona akkulag.

Jon 6:38

Aɗinu? Da hab attannu wanppa uɗimi amu, da dahil dabmaknab awak dim lamidkkulnu ii uɗimi. Iitta. Da am laa, Nug da meiɗe uɗimi ele, da nuhig dabmaknab awak dim lamidkkulnu uɗimi.

Jeremaia 31:22

O Israel danab ah, ag am nid ah laa, nug mameg oɗe ii doyaya, kobol digdig hette, ag amubia da dimeɗona kayak hambuppuak laala dim lamadtteb; amu haen gane laa ele ukkeb, ag kobol amu uun, eɗun Yawe ele laippu daaglag? ⌊Yawe Nug heeb, ag eɗun uɗiglag⌋ am kobol baunab aakku. Ah ag digmena, danab gumalob amuam kobol baunab aakku daalo, amubia Yawe Nug heeb, ag eɗun uɗiglag am kobol baunab aakku.

Hibru 2:14

Nid naunau amu ag anilkad mamelkad ag beɗulag bia beɗulag aon oitteb amunu, Jesus Nug Satannu ɠagattag, ɠagattag amuppa Satan nug he danab mauhtteb amu, Nug ɠagattag amu heeb iitta mekkunu, Nug danab ag wan imuppan oiyak ahilagppa haen oh mauhaknu baɗak doon, ag amuppa hippalak daappig ele amu, ag amunu uhuqak ele madakkunu, Nug ele danab beɗu awa, Nug mauhom.

Jon 10:36

amunu aɗinu ag dahilnu, ‘Nug Kayaknu dabittak nai maditte,’ atteb? Kayak Nug da tituaniɗa, meiɗe wanppa uɗimi. Nug anam heum, amu anukka Nug wan imuppan danab laa dilag, ‘Ag am Kayak ganiappud,’ aum amunu, ‘Da am Kayak Bekka,’ haen da ami am, aɗinu ag amunu, ‘Nug Kayak aben aokkunu hette,’ aon appig.

Sekaraia 6:12

Na amu hewona, na nug amegppa inam akkut. Yawe Nukka Ɠagattag Oh Ele Nug inam atte. Laa nug onig Ad Diigppa Ita Bau, nug nuhig abenppa dayaya, elelenab mekku. Nug Yawenu mettid lag eɗua bappaidkku.

Aisaia 48:16

Ag Israel danab ah, ag gukkuiɗnanab uɗin, dahil nai doyeg! Anukkanab digmak haenppanu uɗie, gemu ele da keeke bekkunu daatte amu, da lokkumakppa dayeye ii mattimi. Ao, keeke bekkunu daatte mattimi, haen amu uɗie, gemu ele da iikku daattem,” awa atte. Yawe Nug anam atte, amu gemu Naɗi Yawe, Nug nuhig Ouɗi da meɗa, Nug da meiɗe, ⌊nai imu madikkulnu⌋ uɗimi.

Genesis 3:15

Amu da heppi, na ah ele gamalahppa hanhan kekeɗ daakku. Ele amu, ah buɗub, amu na buɗun ele gamagppa kekeɗ daakku. Amu ah buɗub laa aha, na ikkin tappeb toɗeb, na danab amu baeg bittub heppe hinqekku,” awa aum.

1 Timoti 3:16

Genab, ig Kristen tamaniakppa daattem, ig doyak laa aɗattem, amu doyak amuam lokkumak dayeye, gehaib miag atiom. Doyak amuam unuqagnab ele daatte. Doyak amuam inam. Jesus Nug danab beɗu awa, miag atia beum. Kayak Ouɗi Nug ig Nug tutukkunab ippunikke, engel ag Nug ele anidppig. Nuhig nainu mehuqak am wanppan ɗo maɗoɗppa ukke, wanppanu danab ah ag oolagppa genab dooppig. Kayak he, Nug hab aabppa teum.

Rom 15:8

Da inam attem. Kristus, Nug Kayaknu nai ig alankad amelagppa qakkatta aum amu, nai amuam genab miag atikkunu, Kristus Nug Juda dilag maɗi nid beum.

Aposel 1:7

Aeg amu, Nug ag amelagppa aum. “Amu ahilagte keeke amunu, ag da Mamel Nug haen deɗ ele aum amu ag dooglag? Iitta. Nug nukka keeke amu gumatte.

Luk 1:31

Doye, geha na oot ele daanna, nid danab menuna, na Nug onig Jesus ataɗkkut.

Matyu 3:15

A amu Jesus oɗeppa awa aum. “Iitta. Gemu amu na da ami bia hekkut. I amuppa kobol tutukku oh elele mettagnih,” awa aum. Awa a amu Jon nug Jesus oɗe dim lamittom.

Genesis 49:10

Juda nug hanhan kingnu qakun aɗa daakku. Ao, Juda buɗub laa ag hanhan king daan oiglag. Ag anam daappeg ukkebeb, dimppa laa nug kingnu qakun mamegnab nug uɗia aweb batakku. Nug uɗieb amu, wan laalappan oh ag nuhig nai dim lamidkkulag.

1 Jon 4:2

Amunu aun nug Kayak Ouɗi awom daatte ag amunu tutukku dooglagnu ib am iikku. Danab nug Jesus Kristusnu, “Nug uɗia danab beɗu awom,” nai amu maditte ele amu, ag nuhignu, nug am Kayaknu danab dooglag.

Hibru 9:10

Keeke amu oh am ee lanak keeke, le lanak keeke, amu le laaittak kobol digdig ele. Ɗo amu oh am danab beɗulagnuib. Kayak Nug ɗo amu oh danab ag dim lamidppeg ukkeb, dimppa Nug ib bau ooɗaknu haen uɗieb batak daaglagnu he daappig.

Kolosi 2:14

Am ɗo nai yaak oh am ihinig ib oo ne dayom, amge Kayak Nug ib oo nak am loppaɗom. Ɗo nai nug am ig hettoɗikka hippalikkom, amge Kayak Nug ihinig aab amu awa, Jesus beɗuppa ma, Nug ad emaitakppa atula he, aab ihinig oh aakku iitta meum.

Rom 9:5

Kayaknu danab anukkanu amu, ag am Israel danab memetalkadnab. Amu Kristus ele amu, Nug danab daakkunu, Nug Israel buɗulagppa doum. Nug am Nug Kayak, keeke oh dilag ikki daatte. Ig Nug binag hanhan metu! Genab.

Jon 8:42

Aeg am Jesus amelagppa aum. “Ag Mamelag genab Kayaklob, ag dahilnu oolag mauhlo. Aɗinu? Da Kayak ele daaɗa uɗimi. Da dahil maittakppa ii uɗimi. Iitta. Kayak Nug da meiɗe uɗimi.

Matyu 5:17

Ag oolagppa da ɗo nai, amu propet nai ele heppi iitta mekkunu uɗimi aon aib appig. Da heppi, iitta mekkunu ii uɗimi. Iitta. Da elelenab medakkulnu uɗimi.

Malakai 3:1

Yawe Nukka Ɠagattag Oh Ele Nug atte. “Antte! Da heppi, dahil nai awa ukkak danab laa nug ukka, dahil ib da nool awa bappaidkku. Nug anam heeb amu, da Naɗi, ag da aniɗkkulagnu mattiɗtteb amu, da pahanab da laulppa uɗikkul. Ao da, da am nug tituana nai qakkak nainu Okkai daattem, ag dahil uɗiaknu oolag huana hette ele amu, antteg! Da uɗikkul.” Yawe Nukka Ɠagattag Oh Ele Nug anam awa atte.

Namba 28:22

Eheɗ haknu nob nau doɗ tiigppa iitta meeb elele medakkunu amu, ag meeme dawai laippu laa, ag ib etta hipunin haknu ofa ele hekkulagnu manan meɗaglag.

Rom 5:6

Antteg! Anukka ig ɠagattag iitta daamut, haen amuppaib Kristus Nug ig danab, ig Kayak dimettamut ele amu, ig eɗua awigkkunu mauhom.

1 Timoti 2:6

Nug danab ah oh dilagnu Nug nukka Nug bau dayak nuhig uua, amuppa Nug haenppanab Kayak Nug danab oh eɗua diikkun hette ippunikkom.

Luk 20:44

Ag iikkud antteg! Danab nug, nug bekkanu, ‘Naɗi’ ii atte, amge Dawit nug Kristusnu, ‘Naɗi,’ aum amunu, ig attem heta, ig Kristusnu, ‘Nug am Dawit bekka,’ akkunig?” awa aum.