Galesia 4:3 - Nobonob Baibel

³ Anambianab, digmakppanu uɗie, Kristus nug uɗia, uɗat naɗi nuhig ha malomppa batak, ig wan imuppan danab ah oh ig nid naunau daat, ig wan imuppan ɗo waappa begbeg maɗi nid daat oidmut.

Galesia 4:3 ပူးပေါင်းရင်းမြစ်များ

Matyu 11:28

Jesus Nug anam ana, Nug baula ele aum. “Ag danab oh, ag uɗat okkai henana, keeke uug ele maotteb amu, ag gumiɗna doig! Doppeg, da heppi, ag hik aoglag.

Jon 8:31

Juda danab ag Jesusnu oolagppa genab dooppig ele amu, Nug ag amelagppa aum. “Ag ippunittak nai dahil dim lamidtteb dayeb amu, ag am genab ippunittak awak danab dahiladnab daaglag.

Aposel 15:10

Ig anam anidttem, amge ag iitta aɗi ag Juda dilag ɗo oh dim lamidkkulagnu atteb, amuppa ag keeke uug ele aon, Kristen qaɗelagppa mena hetteb. Anukka ig mamenkad amu ig ele uug amu mawaknu amu elele iitta. Ag aɗinu Kayak ma anttak anam mettaglagnu hetteb.

Rom 7:14

Ig doottem, Kayak Nug nuhig ɗo am Kayaknu dabmak ippunigtte, amge da ool alag ele amunu, da Kayaknu dabmak ii dim lamidttem. Hipunin da hippaliɗom amunu, da nuhig begbeg maɗi nid daattem.

Rom 8:15

Anam amunu, haen ag Kayak Ouɗi aoppig, ag ouɗi laa, ouɗi amu nug he, nuhikkud ag begbeg maɗi nid ahilkad okkai baɗadna oitteb bia oitteb, ag ouɗi laa amubia ii aoppig. Iitta. Ag Kayak Ouɗi aoppig amu, Nug he, ag Kayak bekkod daatteb. Kayak Ouɗi Nug he, ig “Mame, Mame,” aot attem.

2 Korint 11:20

Ao, danab laa nug ag nugib waappa daaglagnu atte dayeb, o nug keeke ahilag amu oh aotte dayeb, o nuhig hambuppuakppa ag diitte dayeb, o nug enaen ma duttunadtte dayeb, o nug eppeg oohap ta, hippelkad mataɗadtte amu, aria ag nuhig nai, nuhig kobol ele epeɗilob am ena, amge ag anam ii hetteb amunu, nug aakku anam hette.

Galesia 2:4

Nai imu beumnu diig am, ihinkad laa, ag gaɗalagib Kristen, ag qagmakppa ii uɗilob amge ag oqeqaɗak uɗin, ag lokkumakppa nai italak danab daanna, ag Kristus Jesus uhuqak mekke, ig qakkak iitta daattem anidkkulagnu hena, ag awigna, ɗo waappa begbeg maɗi nid daagnignu meigkkulagnu heppig.

Galesia 3:19

Aria, aɗinu Kayak Mosesnu ɗo meum? Amuam iikku. Kayak Nug hipunin diig geha miag atikkunu oo dayom amunu, Nug Abraham amegppa nug keeke aokkunu nai qakka aum dimppa, Nug ɗo amu aakku he beum. Amu ɗo nug dayeb ukkeb, geha Jesus bekku, amu batak daakkunu meum. Kayak a, engel ag Moses ɗo ippunitteg, nug gamag danab dayaya ɗo awa, danab ah ippuanattom.

Galesia 4:2

Nug gumak danab laala waalagppa daye ukke, dimppa mameg nug abenab aokkunu haen metta tituanom amuppa nug aben amu aotte.

Galesia 4:24

Amunu kaya amuppa ig keeke laa anidkkunignu elele. Ah aɗit amu aa nug tituana nai qakkak aɗit ippunigttep. Laa am Sainai qaukoppa ɗo nai Moses nug Kayak eppegppan awom. Nug tituana nai qakkak amu, begbeg maɗi ah Hagar bekkod ɗo waappa begbeg maɗi nid daatteb, am anam ippunigtte.

Galesia 4:25

Hagar nug Arebianu qauko laa Sainai, nug amu ippunigtte, amu amuppa nug danab ag Jerusalem appa gemu daatteb, ag ɗo waappa begbeg maɗi nid daatteb, am amunu ippunigtte.

Galesia 4:31

Anam amunu o lailad, ig am begbeg maɗi ah bekkod iitta. Iitta, Ig am ah nug begbeg maɗi ah iitta, ig ah amu bekkod daattem.

Galesia 4:8

Genab, anukka amu ag Kayak ii dooppig amunu, ag kayak bau iitta, keeke Kayak heum ele, ag amu dilag begbeg maɗi nid daappig,

Galesia 4:9

amge gemu ag Kayak dooppig (da Kayak Nug ag doyadtte alom am ena) amunu, aɗinu ag eɗun bittumttum gona, wan imuppan ɗonu hik aqeeqe, ag eɗun uɗat nob iitta, hamu begbeg maɗi nid uɗat hekkulagnu hetteb?

Kolosi 2:20

Ag am Kristus ele oh laippu mauhppig amunu, ag wan imuppan ɗo, ɠagattag iitta ele, ag ɗo amu uuppig dayeb, aɗinu gemu ag eɗun wan danab oitteb bia oitteb? Am aɗinu ag eɗun ɗo meu iitta amu waappa daatteb? Ɗo amuam inam.

Kolosi 2:8

Ag danab laa nug ag ulah nai, nai meu iitta ele amelagppa mattia hambuppualatteb, nug waappa daamnanu dabmeig! Danab kobol amu hetteb ele amu, ag mattiak ahilagppa alai aɗi dilag kobolnu, amu wan imuppan ɗo ɠagattag iitta ele, ag amunu maditteb. Kristusnu amu ag ii maditteb.

Hibru 5:12

Ag ippunittak danab bena daaglagnu haen elelenab dayom amge iitta, ag doyak ahilag qakub amunu, laa nug ag Kayak nainu diig eɗua ippuanatteb aoglagnu daatteb. Ag am ee ɠagattag lakkulagnu elele iitta, ag huhib lanana daaglagnu elele.

Hibru 7:16

Laa amu Nug ɗo laappa, o iitta aun tiigppa, o iitta aun buɗubppa keeke, Nug amuppa Naɗinu mana mettak danab ii beum daatte. Iitta! Nug bauklel hanhan dayaknu, gogtak nuhig iitta ele, ɠagattag amunuppa mana mettak danab beum daatte.