Galesia 3:2 - Nobonob Baibel

² Keeke laippuib da ag oɗ madappi ag appeg doyei! Ag Kayak Ouɗi aoppig amu, ag attem hena Nug aoppig? Ag ɗo dim lamidna aoppigte? O iitta ag Nai Ena doona oolagppa genab dooppig, ag amuppate ag Kayak Ouɗi aoppig?

Galesia 3:2 ပူးပေါင်းရင်းမြစ်များ

Aposel 15:8

Amu Kayak, Nug danab ah oh oolag diig dootte ele, Nug iitta aɗi nuhig Ouɗi ig mekkom bia ag mattom, amuppa Nug eɗua diiadkkunu oo dayom ig ippunikkom.

Aposel 2:38

Aon aeg am, Pita nug amelagppa aum. “Kayak Nug ahilag hipunin uhuqatta madakkunu amu, ag oh akka anen anen ag oolag eɗueb, Jesus Kristus onigppa layattak aweg! Ag anam heppeg, Kayak Nug nuhig Ouɗi ag ɗo hamu mettak bia madakku.

Aposel 8:15

Aa gumadya tewoya, ag Kayak Ouɗi aoglagnu unuqidpiɗ.

Rom 1:17

Nai Enappa Kayak Nug ib attenppa ihinignu, “Genab tutukku hak danab,” akkunu ippunigtte. Genab tutukku daagnignu ib am ooppa genab doyak, aakkuib. Ib laa iitta. Kayak naippa yaak inam daatte amubia. “Laa nug Kayak noobppa genab tutukku hak danab daatte, nug Kayaknu ooppa genab dootte amunu, nug bau daakku,” awa atte.

1 Korint 9:21

Aria da ukke, danab ⌊Juda dilag⌋ ɗo iitta ele, da ag diiadppi, ag Kristusnu oolagppa genab dooglagnu da ag gumatte ukke amu, ag amelagppa aniɗkkulagnu da danab ⌊Juda dilag⌋ ɗo iitta ele bia daami. Amge da Kayaknu ɗo amu ii qe-eɗidmi. Iitta. Da Kristusnu ɗo amu dim lamidmi.

2 Korint 11:4

Aɗinu? Danab laala ag gumadna gona, Jesusnu nai kabolinna, ahilag dabmakppa nai ag amelagppa mehuqeg, ag aotteb. Jesusnu nai amu, da Jesusnu nai mehuqttem ele amu, aa laippu iitta, am laa. O iitta danab amu ag ouɗi laanu mehuqeg, ag aotteb. Nug am Kayak Ouɗi, ag anukka aoppig ele amu, Nug iitta, am laa. Amu ag nai diig laa mehuqeg, ag aotteb. Nai amuam Nai Ena, ag matu aoppig ele amu iitta, am laa. Danab ag kobol amu ag oolagppa hetteb ele, ag Korint danab ag agib dabmettan daanna, oolag hette.

Galesia 3:14

Kayak Nug Abraham itittak ena mettom amu, Nug itittak ena amu aakkuib Kristus Jesusnu uɗatppa, Nug iitta aɗi ele madakkunu, ig Kristen oh ig Nai Ena doout, oonigppa genab doottem, amuppa ig nuhig Ouɗi megakkun nai qakka aum amu, ig Nug aognignu, Kristus Jesus Nug ig ihinig hipuninnu qagaiettakppanu eɗua uhuqak ha mekkom.

Galesia 3:3

Dabmak tutukku iitta am genab aqomte? Ag Kayak Ouɗinu ɠagattagppa uɗat digmeppig amu, gemu ag akka ahilag ɠagattagppa uɗat malan, elelenab bekkulagnu hettebte?

Galesia 3:5

Ib attenppa Kayak Nug nuhig Ouɗi ag matta, ag oolagppa kobol danab hekkunu elele iitta laala hette? Nug ag ɗonu uɗat hetteb, amuppa Nug anam hettetai? O iitta, Nug ag Nai Ena doon, ag oolagppa genab dooppig, ib amuppa anam hettetai? Ib laa iitta, Nug ooppa genab doyak aguppaib hette.

Hibru 2:4

Kayak Nug nuhignu dabmettaknu kobol danab haknu elele iitta hattomppa, aria kobol danab haknu elele iitta laalappa, amu Nug nuhig Ouɗinu ɗo digdig ele, Nug oo niiom bia, danab mattom eleppa nai amu ɠagattag qettom.

Hibru 4:2

Aɗinu? Ig anukka Israel ag Nai Ena dooppig bia, ig ele doomut, amge ag am hamu bia doonna, ag oolagppa genab ii dooppig amunu, Nai Ena ag dooppig ele amu, ii ehanattom.

Hibru 6:4

Danab ag Kayak nai ena aoppig, ag matu hab attannu ɗo ena aon oolagppa meppig, ag Kayak Ouɗi ele aoppig,

1 Pita 1:12

Aria, keeke amunu, Kayak Nug propet ag amelagppa Mesaia Nug ag ahilag haenppa beeb anidkkulagnu iitta, Mesaia Nug ag gemu daatteb, ahilag haenppa beeb anidkkulagnu aum. Amu ag keeke gemu daulagppa dootteb, Nai Ena amu Naɗinu maɗi nid ag Kayak Ouɗi hab aabppanu ɠagattagppa nai mehuqegeg dootteb amu, propet ag amunu anukka hettoɗin madippig. Keeke amu engel ag ele dooglagnu oolag naɗi daatte.