Galesia 1:9 - Nobonob Baibel

⁹ Da ag amelagppa ami, amubia da aakku baula attem. Am danab laa nug nai laa, Nai Ena anukka ig ag amelagppa mehuqut aoppig amubia iitta amu, nug ag amelagppa nai laa amu mehuqeb, aria nug eheɗ laa awaknu anak waappa dayaɗ!

Galesia 1:9 ပူးပေါင်းရင်းမြစ်များ

Prowerb 30:6

Nug aɗi atte amu, na aib tuɗidna, laa ele ame; na amu hekkut dayeb amu, Nug na daut bata, na am hambuppuak danab daattem ippunidkku.

Jeremaia 23:16

Amu Yawe Nukka Ɠagattag Oh Ele, Nug imu Juda danab ah dilagnu atte. “Ag propet ⌊hambuppuak⌋ dilag nai, propet ag nai amu maditteb amu, ag nai amu aib dooppig; aib dabmeppig. Propet amu ag heegeg, ag Juda danab ah ag, ‘Ig aakku ena daagnig,’ anan oitteb, amge iitta. Ag ena ii daamna,” awa atte. Propet amu ag akka ag dabmak ahilagppa keeke henan anidtteb, ag Yawe oɗeppanu nai laa aon, nai amu ii maditteb.

Aposel 18:23

Amu Pol nug ukka Antiok noa, nug appa haen nakok elab dayowa amu dimppa nug aha, Galesia, amu Prigia ele dilah wan atu, nug appa aab laalappa ukka oiyaya, Kristen oh ɠagattag aqom.

Rom 16:17

O lailad, nai ag aoppig amu, danab laala ag nai amu tappaeg neene, ag heeg, tamaniak ooppa obatak obatak daatteb, danab ah dilag ooppa genab doyak ele kobolitteb amu, da ag Rom daatteb, da danab amu dilagnu dabmena autna aoglagnu dabmak ahilkad maɗedattem. Ag danab amu dilagnu awaidna, dekkaɗnana dayeg!

Rom 9:3

Kayak Nug da lailad, ag am da ele tiinig laippu, Nug ag eɗua diikkunu ool okkai daatte amunu, ib laa elele daalo, ib amuam da eheɗ laa awaknu anak waappa daalom, Kristus da geɗileb, da laih wain padal melom, ib amuppa da Israel danab ah ag Kayak noobppa ena daaglagnu ehanadkkulnu elele daalom amu, da anam helom. Amge ib anam bia laa iitta.

2 Korint 1:17

Da anam hekkulnu ool maittom, amge anam ii beum amunu, da oɗelppa nai eɗuak eɗuak hamu madittemte? O da nai keeke hekkulnu attem amu da hamu naiibtai, wanppan danab nai atteb amubia amu da, “Ao,” o “Iitta,” hamu madittemte? Anam iittanab. Da nai oh genabib attem.

Duteronomi 12:32

Ag haknunab anak da attem imu oh tutukku dabmettan dim lamitteg! Ag nakok laa aib tuɗidppig, maha laa ele aib otaɗppeg neum.

Duteronomi 4:2

Haknunab anak da ag madattem amu, ag nai laa aon, nai da madittem imu ele aib tuɗidppig; ele amu, ag nai da madittem, ag nai amuppanu nai laa ele aib okkulppig. Iitta. Ag haknunab nai imu, da Yawe, ahilag Kayak, da nuhigppanu madattem amu, ag nai amu dim lamittak aakkuib hekkulag.

Pilipai 3:1

O lailad, da nai imu inam mattie malakkul hettem. Ag Naɗinu oolag gamag ahaɗ! Da am nai imu baula ahilagnu yaattem amu, da amunu oolppa uug iitta. Imu amu ag ehanadkkunu yaattem.

Pilipai 4:4

Ag Pilipai daatteb amu, ag hanhan Naɗinu maɗoɗppan gamag ahak doyeg! Yo, da baula ag amelagppa attem, ag hanhan maɗoɗppan gamag ahak doyeg!