Esta 9:3 - Nobonob Baibel

³ Amu prowinsnu anuqak danab, gumak danab anuqaknab, prowinsnu gawana, amu kingnu ehanittak anuqak danab ele, ag oh Juda ehanadppig. Ag anam heppignu diig amu, ag Mordekainu baɗappig.

Esta 9:3 ပူးပေါင်းရင်းမြစ်များ

Esra 2:2

Danab ah ag ahan, Juda wanppa goppig amu, ahilkad danab okkai am Serubabel, Jesua, Nehemaia, Seraia, Relaia, Mordekai, Bilsan, Mispar, Bigwai, Rehum amu Bana ele. Aria, Israel danab ag Babilonnu eɗun uɗippignu ebqaknu lista, ⌊ag mamelkad aɗi⌋ onilkad ele am iikku.

Esra 8:36

Ag doɗ amu manadna, Yawe mettona, ag pas laa Persia dilag king nug Esra mettom, amuppa kingnu haknunab nai daye amu, ag amu aon gona, Persianu prowins Yupretis lenu qaban uɗitteppanu gawana madappig. Ag mattaeg, danab amu ag pasppa yaak aumbia, ag danab ah dilag, Kayak laugnu ehanittak ele ag madappig.

Esta 3:12

King nug anam aum amunu, kalam digmaknu deɗ 13ppa Haman nug kingnu nai yaak danab onilagppa e uɗieg, nug ag amelagppa aɗi nai gumak danab anuqaknab, amu prowinsnu gawana, amu prowinsnu anuqak danab ele dilagnu yaaglagnunab a, amu ag aakku ahilkad yaaknu kobolppa, amu ahilkad nai aben abenppa nai yaappig. Ag anam yaaeg, nug uɗug amu ohppa King Ekserksis onig ya, nug king doyaknu at ringppa daatte, amuppa kingnu at pepa amuppa qataqattom.

Esta 8:17

Aab okkai ohppa, amu prowins ohppa ele, kingnu ɗo nai ukke amu, Juda ag gamag ahak okkai doonna, ag amunu hobul heppig. Amu danab ah kuɗum wan amuppanu, ag Juda, ahilagppa attem hekkulag, ag amunu baɗak dooppig amunu, ag Juda beppig.

Esta 8:5

amu, nug aum. “O king, na da ool daattenu oot ena daakku dayeb, na dahilnu ena doottem dayeb, amu na da madikkulnu hettem imunu ele ena dookkut dayeb, ge na dahilnu oot ena daatte dayeb amu, na ɗo nai laa bappaidkkutnu oɗ medattem. Ɗo nai amuam Agag buɗub, Haman, nug Hamedata bekka amu, nug Juda danab oh prowins oh na gumattem, appa daatteb, Haman ag mauhkkulagnu maittak awom ele amu, ɗo nai amuam maittak amu bemanu ib keldoaknu daakku.

Esta 8:9

King Ekserksis nug anam aum amunu, kalam ewam, onig Siwan, nuhig deɗ 23 amuppa, ag kingnu nai yaak danab onilagppa eeh uɗieg, Mordekai nug ag aɗi yaaglagnu mattieye, ag ɗo nai laa amu oh, Juda danab, gumak danab anuqaknab, amu prowinsnu gawana, amu prowinsnu anuqak danab ele, ag prowins 127, Ekserksis waappa daatteb ele, ag amu dilag yaaladppig. Wan amuam Kus appanu digma ukka, India wanak daatte. Amu ɗo nai amuam nai anen anenppa, nai yaak kobol anen anenppa ele, danab ah, Ekserksis waappa daatteb, amu Juda dilag ele yaaladppig.

Daniel 3:2

Nebukatnesar nug anam he, ag dottog amu hena malaeg, Nebukatnesar nug nuhikkud ehanittak danab digdig onilag eum; laa ag gumak danab anuqaknab daappig, laa ag aab gumak danab, laa ag gawana, laa ag king dabmak mettak danab daappig, laa ag wan amunu men doɗo gumappig, laa ag epeɗiak danab daappig, am laa ag kingnu ehanittak anuqak danab digdig danab daappig, amu nug ag oh prowins anen anennu uɗin, dottog amu qeapiglagnu nug nai me, ahilagppa ukkom.