Esta 8:3 - Nobonob Baibel

³ Amu dimppa, Esta nug baula king amegppa nai mattiaya, nug king baegppa dup noa, gayaya, oo doyak ele king unuqitta, nug amegppa, Hamannu nau hak, Juda dilagppa hekkunu maittom, amu ii bemanu oɗ mettom. Haman nug am Agag buɗuppan.

Esta 8:3 ပူးပေါင်းရင်းမြစ်များ

2 King 4:27

Ah amu nug anam aum, amge haen nug qaukoppa, Kayaknu danab Elisa gumitta ta amu, nug gateg qaun o, gomela, Elisa baeg aɗom. Aɗe, Gehasi nug ah anam he antta doa, ah mauteb, piɗe ukkakkunu heum. Nug anam heum, amge Kayaknu danab Elisa, nug Gehasi amegppa aum. “Uuppe, nug uug okkainab laa ele amunu hette. Anam, amge Yawe nug da amelppa ah imu, nuhig uugnu amu ii aum,” awa aum.

Esta 3:1

Haen laa dimppa, King Ekserksis nug Haman he, wan amunu ikki danab anuqak beum. Haman nug am Hamedata bekka. Hamedata nug am Agag buɗubppan. Nug ikki danab anuqak beum amunu, nug kingnu anuqak danab laa oh eɗattak.

Esta 7:4

Aɗinu? Danab ah dahilad, amu da ele ig am danab ag iqaglagnu daden meigna eppelagppa meigppig daattem. Ig begbeg maɗi nid maɗi ah ele daagnignu aakkuib daden meiglob amu, da aɗitai laa ii alom. Keeke amuam keeke nakokib, laa nug king, keeke nakok amunu uug medakkunu am ena iitta. Am elele iitta amunu, am anam daalo amu, da aɗitai laa ii alom,” awa aum.

Esta 8:2

King nug nuhig doyaknu at ringppa daatte, nug ring amu eppeg doɗoppanu awa, Mordekai mettom. Nug anukka ring amu Haman mettom, amge ag nug qeppeg mauhkkunu dayeye, nug uɗitta eɗua awa, gemu Mordekai mettom. Esta nug keeke Haman gumom ele oh am Mordekai gumakkunu otiom.

Esta 8:4

Esta anam he, akku king nug Esta, nug kingnu qakun golppa hak nug mettom amunu, nug aha, nug noobppa hibaitta

Aisaia 38:2

Aisaia nug Hesekaia amegppa anam a, Hesekaia doya, nug eɗua, laug gililppa neekkakka, nug Yawe unuqitta aum.

Hosea 12:4

Am genab, nug engel ele wagai mak heya, wagai maknu ii uuom; nug gaya, itittak ena aokkunu ɠagattag oɗ mettom. Betel appa amu nug Kayak ele nug uɗa teya, appa Kayak nug ele nai madipiɗ.

Hibru 5:7

Aria, anukka Jesus Nug danab beɗu awa wanppa dayom, haen amuppa Nug Kayak unuqittatta, Nug ele Kayak keeke laala hekkunu oɗ mettom. Nug mauhowa, ib laappa eɗua hippaidkkunu elele iitta, Kayak Nugib anam ehanidkkunu elele dayom amunu, Jesus Nug Kayak amu hekkunu ɠagattag oɗ medatta, ameg leb ne, Nug nukka binag qe ne, Kayak oɗe dim lamittom amunu, Kayak Nug nuhig oɗmak amu oɗeppa awom.

1 Samuel 25:24

Abigel nug anam hewowa, Dawit baegppa dayaya, nug Dawit amegppa aum. “O naɗi, kobol nau beum daattenu diig am daib. O naɗi, da am nahip uɗat hak ah, da na amenppa nai madikkulnu oɗ medattem. Na ena appe amu, da na amenppa appi, geha na nai dahil dookkutnu ool daatte.