Esta 7:9 - Nobonob Baibel

⁹ Aria, kingnu danab laa hipab qak ele onig Harbona nug aum. “Haman nug he, danab ag danab aihattaknu balal, attan nuhig 20 mita, nuhig haɗap-ppa heppig. Nug amuppa Mordekai aihppeg mauhkkunu dabmeum. Mordekai nug am king mauhmanu ehanittom,” awa aum. Habona nug anam a amu, king aum. “Ag amuppa Haman aiheg!” awa aum.

Esta 7:9 ပူးပေါင်းရင်းမြစ်များ

2 King 9:32

Jehu nug amu doya, nug neekke, attan lag amu gililppa ulah ibuppa te, nug inam ewa aum. “Aun am huu dahilppa daatte? Aun?” awa eum. Awa e, maɗi nid hipab qak ele aɗit, o ewam king laugppa daappig, ag Jehu nai aum amu doon, lagnu gililppa ulah ibuppa hippaidna neekkeg no, Jehu antteg,

Esta 1:10

Aria, appa amu danab eblaih aɗit ele ag hipalag aqak ele, ag king laugppa daan, King Ekserksis ehanidttappig. Danab amu ag am Mehuman, Bista, Harbona, Bigta, Abakta, Setar, amu Karkas ele. Ee lanak deɗ eblaih aɗit ele amuppa King Ekserksis nug wain nakok huana la qe, nug danab amu amelagppa

Esta 5:14

Nug anam mattiom amunu, nug wau Seres, amu laikkud oh ele ag appig. “Na heppe, danab ag balal attan danab aihadkkulagnu, nuhig elab attan tak 20 mita heppeg, buttua amu Mordekai balal amuppa aihaknu king oɗ mette! Amu oh hena malona, na goppe, ee lanak naɗi amuppa king ele aa gamag ahak naɗi dooglah,” aon appig. Ag anam appig, amu Haman nug nai amunu enanagnab doya he, danab ag balal amu heppig.

Esta 6:14

Ag anam mattinna daaegeg amu, kingnu danab hipalag aqak ele ag paha Haman aoppeg, Esta ee naɗi babaittom, amuppa daaglagnu teppig.

Esta 6:2

Ekserksis nug anam he, laa nug buk ebqeeqe, kingnu danab aɗit Bigtana, Teres ele aa king qepeɗ mauhkkunu maitteh, Mordekai doyata, kuin amegppa aum, kaya amu yaak dayom amu ebqeewo doyom. Danab aɗit amu aa oo Ekserksis nug amuppa dayaya niittom ele, aa od amu gumattapiɗ.

Esta 8:7

Anam a amu, King Ekserksis nug Kuin Esta, amu Juda ted Mordekai ele amelahppa aum. “Haman nug Juda hatteb nauhkkulagnu heum amunu, ag nug balal attan danab aihaknu hak amuppa aihna qeeg mauhe, amu da nuhig keeke amu Esta mettami.

Esta 9:14

Esta nug anam oɗ me, king nug ele anam haknu oo daye, amu ag ɗo nai amu Susa appa aeg dooppig. Amu ag Haman bekkod 10 ele diin, danab aihaknu balal attan maadna, aihadppig.

Esta 9:25

Amge Esta nug king gumitta ukke, king nug ɗo nai laa babaitte, Hamannu eheɗ laa hekkunu lokkumakppa dabmaama maittak eheɗ awak, maittak amuppa nug Juda eheɗ hadakkunu dabmeum amu, maittak amu Haman nug, amu nug bekkod ele am eɗua, ahilagppa uɗie, ag ag balal attan danab aihaknu hak, ag amuppa aihadppig.

Sam 141:10

Na heppe, nau hak danab ag akka ahilag uhuippa nokkulagnu ool daatte, amge na heppe, da am amuppa ii nopanu oɗ medattem.

Sam 35:8

ag laippun padal mekkulagnu ool daatte! Ag da awiɗkkulagnu pelem meppig amu, ag amuppa tekkulagnu na oɗ medattem. Ao, ag moɗ laa da amuppa noin qekkulnu buuppig, amuppa ag nona qena, mauhkkulagnu unuqidttem.

Sam 73:19

Ag oiyegeg, na hee, haen amuppa laippun, pahanab ag nena qena nauhtteb. Ao, na hee, uug nau be, ag baɗak eheɗ nau doon, iitta metteb.

Daniel 6:24

Ag amu anidna, king haknunab a, daup ag danab ag Daniel beɗuppa nai genab iitta yaappig ele, ag danab amu, ahilkad ah, ahilkad nid ele diin dona, moɗ naɗi laion daattebppa buɗiatteg noegeg, ag moɗ batakppa ii noegeg, laion aelkadppa, eppelkadppa ele kattiɗadna heeg, huppu huppu neppig.

Daniel 6:7

Ig nahipad ehanittak anuqak danab, aabnu gumak danab, gumak anuqaknab danab, dabmak mettak danab, amu gawana ele, ig oh dabmak laippu aot, dabmetata daattem. Amu ihinig dabmak am inam. O king, na ɗo laa danab ah oh dim lamidkkulagnu bappaidna meppe, danab ah oh ag nai amu dooppeg, nai amu ɠagattag daakkunu oonig daatte. Laa nug nai amu tippalmanu ɗo ele mekkut. Ɗo na bappaidna meppe, ɠagattag daakkunu oonig daatte am inam. Danab o ah aun laa nug kayak laa, o danab laa aɗi keekenu ii unuqidma; dayeb ukkeb, deɗ 30 uueb, danab ah ag eɗun, ahilkad kayak, ag lailkad ele keekenu gemu unuqadtteb bia tuɗidna hekkulag. Ag ahilkad kayak, ag lailkad deɗ 30 amu ii unuqidmana, amge laippuib ag unuqidkkulagnu elele; amuam na aakkuib. Aria, na ɗo amu mekkut dayeb amu, laa nug tippala, kayak laa, o danab laa unuqidkku dayeb, daup ag nug moɗ naɗi, laion daattebppa buɗippeg nokku.

1 Samuel 17:51

Goliat nug iɗu wanppa anam niieye, Dawit nug qaiqaɗ gumitta wana, hibaitta dayaya, nug Goliatnu qep elab nuhig gaɗappanu awa, Goliat mauhkkun niie, paha mauha autanab aokkunu, nug qep amuppa ikki baagppa okkula awom. Dawit nug anam he, Pilistia aɗi ag danab okkai ahilag mauhom anidna, ag oolna goppig.