Esta 5:4 - Nobonob Baibel

⁴ King anam a, Esta nug nob ma aum. “O king, na oot dayeb amu, na Haman ele aa gemu ee naɗi lanaknu bappaidmi, amuppa uɗiglahnu ool daatte,” awa aum.

Esta 5:4 ပူးပေါင်းရင်းမြစ်များ

Genesis 27:25

Jakop, “Yo,” aum dimppa Aisak nug aum. “Aria nan, na ee ena heme ele amu, aon doppe lawoya, da na itittak ena medakkul,” awa aum. Nug anam a, Jakop ee mette la, nug wain ele mette laum.

Genesis 32:20

Amu ag nai imu, ‘Nahip maɗi nid Jakop, nug dim uɗitte,’ aon akkulagnu aibnab daulag atiom,” awa aum. Jakop nug anam aum. Aɗinu? Nug inam dabmeum. “Da nuhig daakkunu hamu mettaknu keeke imu mei, anuqa gotte amu, nug amu antta, nug oo eɗukku. Eɗueb amu, haen da awai, nug anidppi, nug dahilnu oo ena daakkutai,” awa aum.

Esta 1:9

Amu Kuin Wasti nug ele ee lanak hobul naɗi ah dilagnu kingnu lag enanagnab, appa haen amuppaib heum.

Esta 3:15

Am king nug nai haknunab ana, nai awa ukkak danab ag pahanab gona, nai mekkulagnu a, ag anam aakku heppig. Ɗo nai amu aab okkai Susa ooppa aben aɗ ɠagattagnab ele appa ele ebqeppig. Anam daye amu, king nug Haman ele aa le lakkulahnu heɗep neya daapiɗ, amge danab ah Susanu ag nai amu doyeg, ootot aqom.

Esta 5:3

Qakun amu lauɗitte, aakku king oɗ mettom. “Kuin Esta, na aɗinu oot hette? Na aɗi oɗ meɗakkutnu uɗime? Na da wan gumattem amu gamagppa obaten, maha laa na medakkulnu appe amu, da na medakkul,” awa aum.

Esta 5:5

Esta nug anam a, King nug eɗua awa, nuhig ehanittak danab amelagppa aum. “Esta nug ee lanaknu attede, gona Haman appeg pahanab uɗiaɗ!” awa aum. Aakku Haman, king ele aa Esta ee naɗi heum amuppa gopiɗ.

Esta 5:8

O king, na dahilnu ena doottem dayeb, amu na dahil oɗmak nob meɗakkutnu oot daatte dayeb, amu na oot dayeb, na Haman ele aa butti ele ee ahilahnu da bappaidkkul amuppa uɗiglahnu ool daatte. Aa butti uɗiya daapeɗ, king na, da aɗinu ool hettenu oɗ meɗame amu, da nahip oɗmak amunu nob mein, da oolppa aɗi keekenunab ool hette amu appi, na dookkut,” awa aum.

Sam 112:5

Danab nug keeke nuhig laa madakkunu oo ii qe ehanadtte, nug men doɗo nuhig awa, lon ha laa madatte, nug aɗi keeke hette ele amu, nug nai doya mala, hettoɗia epeɗia, elele mettak kobol dabmaama hette ele amu, nuhignu am ena.

Prowerb 29:11

Danab nug Kayak dab-ii-maama ii dim lamidtte ele, nug nuhig oo nauhak huan bemanu ib ii keldotte. Iitta. Nug oo nauhak bekkunu ib ooɗtte; amge danab nug doyak dabmak ena ele, nug nukka nuhig oiyak pehettak atognotte.

1 Korint 14:20

O lailad ag dabmaknu amu, ag nid naunau, dabmak tutuib aon oitteb, amubia ag aib oippig, amge ag hipuninnu amu, ag nid yuɗ, hipunin doonna ii hetteb, amubia ag hipunin aib heppig. Ag danab okkai dilag dabmak aon oiyeg!